بدخل في الموضوع على طوول انا وزوجي من تزوجته واحنا في مشاكل مع شكه فيني يشك فيني بشكل فضيع واذا قلت له انه شك يقول لاهذي غيره موشك المهم مشت الايام وحاولت امشي حيااتي وبعد سنتين ونص حملت ولله الحمدد طبعا جا واتهمني اني اخونه وان الولد مو ولده وانا تجننت تعببببت من كثر المشاكل المهم وجا يووم عليه يقوول لي اعترفي انك خنتيني وانك سويتي وسويتي وانا حامل خفت على نفسي وعلى اللي في بطني لانو قبل فتره ضربني على نفس الموضوع اني انا اخونه وكنت كل مااقول له ماخنتك يضربني بسلك الاشاره حق الرسيفر الين يدي وفخوذي سارت كلها علامات وتنفخت وقتها ماكنت حامل والحين بعد ماحملت نفس الموضوع انا خفت منه وقلت بقووول له اللےْي يبغى وبعدها بروح عند اهلي ولاعااد بيشوف وجهي وبيطلقني المهم قلت له وديني عند جدتي لان امي وابوي متوفين الله يرحمهم وماعندي غير جدتي الله يطول بعمرها يارب المهم قال ابشري بس تعترفين انك خنتيني وانا وربي شاهد علي اني ماخنته ولافكرت في يووم اني اخونه لاني اخاف ربي والحمدلله المهم ركبنا السياره وسار اللي يبغاااه واللي يبغى يسمعه لاني كل ماقلت له ماخنتك تجنن وقام يضارب ويسب ويلعن وكل هذا واحنا في الطريق طبعا جدتي تبعد عن منطقتي مايقارب ساعه وطوول الوقت هذا واحنا في نقاش لمن قربنا نوصل طبعا بعد ماسمع اللي هو يبغاه واللي ماهو صدق وكله كذب وتأليف على نفسي عشان بخارج نفسي منه لين اوصل عند اهلي واقوول لهم ويتصرفون معاه ماوداني عند اهلي رجعني بيتي طبعا انا هنا جن جنووني ابغى اروح لاهلي بأي طريقه طبعا هو مسوي انه بيقبل فيني وانو حزين عليه لانو ماعندي ام وابو ولااخوان غير واحد ومايحترمه بعد وماكان وقتها موجود في السعوديه المهم طبعا حاولت اروح لاهلي بدون فايده لانو ماحد يوديني غيره سايسته وسايرته لين رجع اخويه وسارت مشكله المهم حاول اخويه يطلعني من البيت طبعا الشرطه مارضيت وكتبو اخويه تعهد سارت مشاكل مالها اول لا اخر ورجعت ونقلت المدينه اللي فيها اهلي طبعا رضي ينقل معاي لانو اهله تبرو منه بعد اللي سمعوه منه وابوه مايكلمه له شهرين وشوي حاولت اني احتويه لان قلبي ماطاوعني اتركه بعد مااهله تخلو عنه ولاني احبه وماابغى وولدي يتربى زيي من غير ابو المهم حاولت وتحملت فوووووق طاقتي وربي بس جالسه ادعي ربي انه يعطيني صبر طبعا زوجي يتعاطى حبوب الكبتاجوون وهي اللي تخليه يشك ويهلوس وهو الحين سارت له فتره تطورت حالته سار يتوهم ويسمع ايشاء ماهي في الواقع من خياله وتفكيره واليووم سار مشكله معاه طبعا ناهيك عن انواع الكلام البذيئ والوسخ ويتهمني اني اجر على نفسي ومن هذا الكلام الوسخ ويقوول لي ان اخوكي جرار يجر عليكي وربي كلام لايحتمل المهم ويحلف انه يذبح اخوي ويذبحني بعده وحلف انه يذوقني المر الحين ابي شوركم اجلس والااروح لاهلي واتطلق لاني ابغى اعالجه وبحاول فيه يتعالج بس احس ان طقت كبدي تعبت مافيني اتحمل اكثر تكفووون ردود جارحه ماابي اللي فيني مكفيني ابي رايكم وشوركم يا الحكيمات ساعدوني مالي غير ربي ثم انتم
