تكفووون شوفو حماتي

بسم الله الرحمن الرحيم
السلام عليكم ورحمة الله وبركاته
اخواتي بنات عالم حواء (احلى عالم)
اولا احس اني وجدت نفسي على قولهم في هالعالم الرائع اضحك شوي وابكي شوي
المهم ياعالمي السحري المستشار مؤتمن وانا ابستشيركم بموضوع اخت زوجي حماتي
هي الاخت الوحيده لزوجي كنت احبها من قلب لاني هنا وحيده اهلي بعيدين وكنت اتمنى يكونون هم اهلي لكن الحمد لله على كل حال
كانت تبين لي الود وكنت اصدق الين جا ذاك اليوم اللي بنروح فيه المدينه انا وزوجي وعيالي وطبعا امه شي اكيد ماراح نتركها وجهزنا اغراضنا ونام زوجي وعيا يقوم وهو ميزاجي درجه اولى واقوم اتهاوش معاه يالله مجهزين اغراضنا وانت نايم قال عناد ليه تعلين صوتك مافيه روحه ومير اقعد اصيح وارجع انام ويوم قمت بعد ساعتين الا القى فوق 8 اتصالات من حماتي على الجوال حقي وحولها على جوال زوجي ورديت عليه قامت تهاوش وينكم ماشاء الله تركتو امي ورحتو قلت لا والله اخوك نام وقعدت تتكلم كلام ماله داعي وانتهت المكالمه الاتجي خالتي تكمل علي طيب انا مالي دخل ولدكم كنسلني زيكم لكن حماتي حسبتني رحت يوم درت اني مارحت حسبتني مابي اخذ امها معاي وانا والله ماقد سافرت الا خالتي قبلي وبالعكس انا احيانا اللي اقول لزوجي خلينا ناخذها
المهم يابنات من عقبها وحماتي شانه حرب علي مدري من اللي المفروض يزعل ؟وعلى فكره حماتي حرمه كبيره عيالها اكبر مني لكن الكبر كبر العقل
المهم صار زواج اختي والله كل الناس جو يباركون الاهي ماسمعت منها كلمة مبروك وقلت في نفسي ذي عمة عيالي والطيب احسن وانا كبر عيالها واتعوذمن ابليس واخذحلى وقهوه واروح لمها واستقبلتني عادي قلت في نفسي ان شاء الله يطيح الشر
لكن اعوذ بالله الله يزين نفوسنا بس صارت تروح للناس اللي حولي كلهم وبيت اخوها ولا تطبه وطنشت ورجعت رحت لها وبالاخير ولدت مرتين والى يومك ماشافت عيال اخوها ولا تعرفهم
احيانا يجون الحريم يقولون اعوذبالله وشذا عيال اخوها ماتجي تشوفهم صرت اقول لهم الحمدلله هي ما غلطت الا على نفسها وعلى اخوها اللي والله يابنات لدرجة سياره شاريها لولدها
وكل فتره يجي يقول لي ليه ام فلان تسوي فيني كذا اقوله مريضه الله لايبلانا
المهم يابنات انا وياها على هالحال من 6 سنين ولقيتها من فتره بزواج عيت تسلم لكني قلت لها ترى السلام لله والله ماقدر اغلط عليها حرمه كبيره حتى اكبر من امي لكن برايكم ليه تسوي فيني كذا
والحين عندها مناسبه وزوجي يقول بكيفك بتحضرين والا انتي حره
تكفون ردو علي