السلام عليكم ورحمة الله وبركاته
خواتي صديقاتى أعضاء وعضوات منتدى عالم حواء
تحية طيبة وبعد ,,
أرجوو منكم المساعده
حبايب بصراحه أنا في حيره وأبي مساعده وأتكلم من كل أعماق قلبي أتمنى من الكل المساعده الله يحقق لكم كل ما تتمنووووووووووون يارب .
مشكلتى ..
أنا ولله الحمد والمنه متزوجه وعندى بنت الله يحفظها يارب ، بنتى مو عايشه معاى عند أمى لظروف أحس مادري صعبه أو سهله وهى انا موظفه وزوجى موظف وساكنيين في شقه بس لاهى قريبه عند أم زوجى ولا حتى عند أمي !
المهم
بنتى من عمرها يوم لغايه 4 شهور معاي بعدين حصل ظرف وغيرت الشقه رحت تقريبا قعدت مع أمى شهرين على ما زوجى حصل على شقه بنتى تعودت على الجو إلى عند أمي لان في معاها إعيال إختى أنا إختى منفصله عن زوجها فعايشه مع أمي عندها ولدين المهم كل ما آخذ بنتى ماتاكل عندى وكله تبجى من أوديها عند أمى تتحول :) تصير شى ثانى تاكل وتضحك والحمدالله قالت أمى خليها عندى قمت أروح عند أمي بشكل يومي عشان بنتى :(
ما قمت أقعد بشقتى وصرت كل مازوجى طلع أطلع لبنتى وهو معاى صرنا يعنى نزورها :(
حبايب الحين عمر بنتى سنه ونص طبعا زوجى كان طوول هذى الفترة يقولي هاتى البنت أبى أشوفها تكبر جدامى كنت أرد عليه وقوله :- لمه أروح الشغل منو يقعد معااها راح جابلي شغاله بنتى ماحبتها جبت تقريبا 11 وحدة والمدام ماتبي ولا وحدة تدرون ليش تعودت على شغالت أمى قلت حق أمى عطنى شغالتك ماوافقت عشان ما آخذ بنتى :( لان أمى تعودت عليها والأصح البيت كله !
طبعا أنا نفسيتى تعبت من التفكير والتفكير مادري شنو أسوى وهم ماعرف أطبخ فأفكر شلون بطبخ حق البنت !
طبعا هالأيام عندنا بالكويت مشاكل الخدم زادت زووود إلى تذبح ولى تحرق اليهال فأنا خايفه أبى أرجع بنتى وعيش معاها وزوجى حالي حال باقي الخلق بس مانى قادره دايمة التفكير !
حاليا أنا جبت شغاله أندونيسية مسلمة بس هم خايفه منها على بنتى وقلت حق زوجى إيجيب كمان طباخه عشان أجيب بنتى !!!!!
يا جماعه يا عرب تكفووون عطونى حل أبي أعيش مع بنتى وزوجى بس مانى عارفه شلون !؟
طبعا أمى الله يسامحها ماتبي تساعدنى وكل ماجيب شغاله تهربها عشان لا آخذ البنت منها ؟!
أبــــــــــــــــــــــــــــــــــــــــ حل ـــــــــــــــــــــــــــــــــــــــــــــــــــــــــــــي الله يجزاكم الجنه يارب وحقق كل أمنياتكم
ودى أنام وبنتى عندى الكل قام يقولى إنتى مو أم شلون تنامين والبنت مو عندج ومحد حاس في ظروفى لا عندى أحد أخليه عندها وقت الدوام ولا عندى أحد يسويها أكل !
طبعا إنتو عارفين أكل البيبي غير عن الأكل إلى إحنا ناكله لازم يكون مفيد وصحى :(
ساعدوونى أرجووكم
أم الشيخة شيخة @am_alshykh_shykh
عضوة فعالة
يلزم عليك تسجيل الدخول أولًا لكتابة تعليق.
انا ماقدرت اكمل الموضوع انت انسانه تتهربين من المسؤليه حرام تحرمين بنتك من الجو العائلي بين امها وابوه ترى الاطفال مايتعودون على الخدم بسهوله يبيلك اكثر من شهر علشان تتعود عللى الشغاله وبعدين خلي البنت تتعلق بابوها ترى اللي تسوينه حرام والبنت اهم من الوظيفه
غدوووري
•
وعليكم السلام ورحمه الله وبركاته
اختي الغاليه حالتك حاله
والحل سهل جدا
بنتك وديها لحضااانه قريبه من البيت او العمل
وبالنسبه للاكل ..خلاص كبيره تاكل اي شي
واذا ملزمه اشرتي كتب التغذيه وابحثي في النت
واسالي دكتوره ..عن التغذيه
وخلالالالاص.........تحياتي
اختي الغاليه حالتك حاله
والحل سهل جدا
بنتك وديها لحضااانه قريبه من البيت او العمل
وبالنسبه للاكل ..خلاص كبيره تاكل اي شي
واذا ملزمه اشرتي كتب التغذيه وابحثي في النت
واسالي دكتوره ..عن التغذيه
وخلالالالاص.........تحياتي
غمزة عين
•
كلام البنات صحيح دوري شقه قريبه من أهلك وحطي البنت عند أمك بس وقت الدوام وباقي اليوم عندك وفي البدايه بتتعبين معها عشان تتعود خليها تبكي عادي كلها كم يوم وتتأقلم بعدين على الاكل بنتك كبيره تاكل أكل عادي او خضار ولحم مسلوق وزبادي كلها مايبيلها تعليم مافي أسهل منها بس الوضع كذا مو طبيعي
الصفحة الأخيرة
شلون تتركين بنتك
وامك شلون تهرب الخدامات عشان ما تقدر تستغنى عن بنتك
اختي في اشياء وحالات واوضاع الواحد ما يتنازل عنهاا مهمها كانت ظرووفه:09:
دوري شقه قريبه من امك وخذي بنتك وخليها مع الخدامه وقت العمل لا تخافين عليها
وذا رجعتي البيت على الاقل تحصلين بنتك قدامك تحضنينها تلعبين معاها شوي
اما حكايه الطبخ اظنها كبرت وصارت تاكل اي شي
وذا بعد منتي عارفه شو تاكلينا انا ام وبعلمك
بس مايسير تخلين حياتك كذا
ترا الرجال من البدايه اذا ماحس بالاسره وانه هو الاب والمسؤل عن بيته
راح يتعوود والدنيا ما تستامنين عليهاا في يوم الواحد ينقلب حاله.
ونا افضل انك تبعدين عن امك وتدوين شقه قريبه من دوامك
وتستقلين بحياااتك وبنتك وزوجك
واسفه على الاطاله وانتظر اخبارك ا لزينه:) :)