تكفووون يابنات محتاجه مساعدتكم خايفه على اخوي

تكفون بنات ابي مساعدتكم مره المشكله مضايقتني

تخيلو اخوي الصغير عمره 3 سنوات

صار له فتره سنه تقريبا طلعت فيه اشياء غريبه

تخيلو طول اليوم يدور طووول اليوم يدور بدون مايتكلم ويضحك فجاه يموت من الضحك بدون سبب

واحيانا يضحك وفجا يسكت تحسينه سرحان يفكر

واوقات يطالع للسقف كانه يشوف شي ويجلس يضحك

ومره تخيلو جلس يطالع السقف بعدين ضحك وركض تخبى ورى امي وياشر فوق

وربي شي يخوف

ولما نطلع مع احد مايلعب مع البزران يجلس لوحده يروح بعيد وكالعاده يجلس يدور ويمشي ويضحك

واذا ناديناه وهو يدور ويضحك مستحيييييييييييييل يرد

يابنات وربي شايلين هم كان يضحك ويلعب معانا وفجاه انقلب بس يدور ويضحك

وعلى فكره هو من بعد ولادته بشهرين

كان يطرش دائما يعني في اليوم اكثر من مره وماخف الا قبل كم شهر

وديناه المستشفى قال مافي شي لاتكثرون اكل

وهو ماياكل الا بطلعه الروح

والمويه ذي مستححححيييييييييييييييييل يشربها

تحطها امي فالرضاعه وهو نايم عشان مايحس

انا بموت خوف عليه

وابوي وامي كلما قلتلهم قالو مافيه الا العافيه تتوهمين

امي احيانا تتضايق واحيان تقول ان شا الله مافي شي

بذمتكم هذا شي طبيعي؟؟

بنات تكفون قولولي وش فيه

والي عندها موقع مستشار نفسي او اي شي بيفيدني تعطيني

الله يجزاكم خير يارب

ماقدر ارد عليكم بنات عشان عدد المشاركات

الله يجزاكم خير

وربي بموت من الضيقه بحثت فقوقل اعراض التوحد

واغلبها فيه

بنات طمنوني ممكن له علاج؟؟؟