تكفووون يا بنات شوروا علي لو كنتوا مكاني وش بيكون قراركم ؟؟؟

استخيري واذا الولد فيه خير لاتضيعينه عشان اهله ان شاء الله فتره وتعدي بس بعد دراستك وشهادتك اهم من الزواج

لو انا منك بنتظر لين اكمل دراستي وبعدين افضى للزواج و بالنسبه لموضوعك الحين ماظني بوافق لان لو بتساهل بشرط من شروطي وهو من حقوقي بيحط براسه اني بتنازل بعدين عن باقي الشروط وهو ماتقدم للزواج الا انه شايف انه يقدر يفتح بيت ويتحمل مسؤولية هالبيت

الاستخاره قبل اي شي ..

والان لابد من الخصوصيه والراحه .. والسكن المستقل بالصراحه .. يكون راحه لكل الطرفين ..


واذا هو استلامات وكيذا بيت اهلك قريب الله لايخليك منه نامي عندهم وهو ياخذك لا خلص استلام ..

اهله على عيني وراسي احشميهم وكرميهم وحطيهم فوق راسك واحسبي لهم الف حساب ومعزتهم من معزة ولدهم ..

بس انتي مرتبطه بجامعه .. والخصوصيه يمدحونها كمان ...

والله يختار لك الصالح يالغلااااا ..

بس نصيحه اذا جا ردكم له لاتقولين ارتباط وطبخ ومدري ايش ؟؟

قوولي انا مرتبطه بدراسه والاستلامات امرها هين بيت اهلي قريب ...

الاستقلال ثم الاستقلال ثم الاستقلال

مشكووووورين وما قصرتوا ,,,

اختي ام عبدالرحمن وهواجس حبيت اوضح لك نقطه انهم ساكنين في الحوطه واهلي في الرياض يعني بكل الاحوال مالي بعد الله اذا استلم الا هم ........

استخيري
وانا افضل الاستقلال احسن خاصة ان ابوهم عصبي انا جربت كذا والله ماقدرت اتحمل
شهرين على بعض وطلعت