تكفوووون أبي مشورتكم الوقت يمر والعمر يروح

تقدم زوجي لخطبتي قبل 8 سنوات ووافقت عليه رغم أننا غير متكافئين بالمستوى التعليمي فهو ليس معه غير شهادة الإبتدائية وأنا بكالوريوس ومعلمه لم أهتم لهذا الموضوع خصوصاً أن ماكان يهمني غير الثقافة في الشخص الذي سأتزوجه
وبما أن عائلتي لا تسمح بمكالمات ولاخروج مع الخطيب
لذلك لم أكتشف إلا بعد الزواج
أولا غير مثقف وغبي أيضا
غير طموح أبدا
طمعان في راتبي ودخلني في قروض مع البنوك مالها أول من اخر واشترى بها أرض فخمه وعمارة وكلها باسمه طبعا ماكتب باسمي شي أبدااااااا وأخل بوعده يكتب باسمي اللي بيشتريه لي
لي منه طفل بس وحصل له بعده ضعف جنسي ادى إلى عقم ونصف مرتبه كله يروح على الأدويه ومافية أمل وعايشين على مرتبي اللي يصفالي بعد القرض وغير كذا قايمه بنفسي ووولدي وببيتي
من أكثر من 4سنوات صرت أكره موووت ماعاد أطيقه أكره صوته وأسمي على لسانه بس ماشية معاه بما يرضي الله يعني تقدرون تقولون طلاق عاطفي بكل معنى الكلمة
كل مافكرت أتطلق أقنعتني أختي أقعد به واتقول نار رجلك ولا جنة أهلي وخصوصا أن أمي متوفية ومافي البيت غير مرة أبوي وأخواني من أبوي وأبوي شايب مسكين طايح مورة أبوي قاسية شوي علينا وعلى أولادها بعد تربية صارمة وتتضايق من ولدي كل مازرتهم في الأسبوع مره تقول يخرب بيتي ومو مؤدب
وزوجي مستغل هالنقطة كل ماجات بينا مشكلة يقول روحي لهلك داري أني ماني رايحة
مع العلم أن زوجي يموت علي ويحبني مرة ولايرفض لي أي طلب وقلبه طيب ويحب ولده وحنون عليه
يعني هو معترف بينه وبيني أن الأرض بفلوسي والعمارة والسيارة لأن مرتبة بسيط جداااااا يدوب يكفي بنزين ومصاريف أدويه وحاولت أقوله أكتبها باسمي لكن هو يماطل ورافض
اللي خلاني أكتب هالموضوع اليوم أني دخلت جمعية مع زميلاتي ودخلت بمشروع بسيط بمبلغ بسيط بعد وهو درى عنه وقال وين الأوراق اللي تثبت حقك قلت معي قال ورينها قلت له لا ( أنا مابيه يعرف كم المبلغ اللي أشتركت فيه بالمشروع ) زعل وعصب وحبسني بالبيت وماطلعني لا أنا ولا ولدي وغير كذا لما قلت له وش عليك من فلوسي أنا حرة فيها قال أبضمن الدنيا حياة وموت أخاف تموتين وانا مدري وين هالفلوس ومع مين أتخيلو !!!!
دلوني يابنات وش أسوي علمااااااا بأني أكرهة موت ومأطيقه ماتتخيلون وشلون كاتمه مشاعري وماحسسته بها