تكفوووون أدخلو وادعوله عسى ربي مايفجعكم في غالي

السلام عليكم ورحمة الله وبركاته

امس بنت أختي عمرها 31سنه وعندها 6اطفال فجعت بموت زوجها كان يسوق التاكسي حقه ويكد على أطفاله وفجاءه وهو محمل ركاب انتبهو للسياره تتخبط فبسرعه اللي جنبه مسك الدركسون وقدر يوقف السيارة وكان زوج بنت أختي ماسك صدره على جهة قلبه ودقو الركاب على الإسعاف لكن امر الله حل وكان قد توفى الله يرحمه ويغفر له
دق واحد من الركاب على بنت أختي لانه لقى رقمها اخر رقم قالها صاحب السيارة يقرب لكم قالت إحنا أهله قالها تعب ووديناه المستشفى ماحب يفجعها الله يجزاه خير أنا وأمها درينا بالخبر من اخوه وعلى طول رحنا لها اول ماشافتنا قعدت تحلفنا قولو وش فيه صح مات اه يقلبي يوم قالت كذا قالت لها أمها الله يرحمه ويغفر له يوه يا بنات بغت تنجن قعدت تحب رجل أمها وتقولها تكفين تأكدي يايمه يمكن مامات يمكن بس أغمى عليه يالله قطعت قلوبنا الله يصبرها ويثبتها ويغفر لزوجها ويرحمه

اليوم صلو عليه الظهر ودفنوه طلبتكم تدعون له بالرحمه والمغفرة الله يجزاكم خير

اللهم ارحم ابو ساره واغفر له اللهم اكرم نزله اللهم وثبته عند السؤال
اللهم واجعل قبره روضة من رياض الجنه اللهم تجاوز عنه واعفو عنه

اللهم واغفر لامي وأبي ورحمهم وموتى المسلمين اجمعين

تكفوووون أرفعو الموضوع بدعائكم له