تكفوووون اللي تفهم في مساله دعوى الحضانه وكيف اربحها تدخل

السلام عليكم ورحمة الله وبركاتة
انا تطلقت من زوجي بعد ولادة بنتي البكر بشهرين وبسبب ظلم وسوء فهم
والحين البنت عمرها ١٦ سنه تخيلوا طول هالسنين ما شفتها و لا اعرف شكلها وبحكم اني تزوجت من ابوها عن حب مو عن قرابه او تواصل وانا من قبيله ثانيه يعني حتى في مناسبات عزايم ما اقدر اشوفها واهل ابوها مقاطعينا ومابيينا اي تواصل
قبل فتره قصيره كلمت اخواني واهلي اني ابي بنتي و وافقوا خلينا اخوي الاوسط يسافر ويروح لمحل عمله لانه الشي الوحيد اللي اعرفه ودخل عليه وقال ابوها تعالني البيت وبعد ما راح له رفض وبعد محاولات ونقاشات وتهديد من اخوي باقي رافض وتخيلوا طلع متزوج من شهر ٥ وانا قلبي احرقني زياده ابي بنتي
المهم بما ان الكلام معه ومع اهله مامنه فايده قلت برفع دعوى حضانه بس سمعت ان اذا كان المحضون مميز يخير بين امه وابوه وانا متخوفه من ذا الشي واخاف يغصبونها لان اهله كلهم رافضين مدري هو حباً في البنت ولا عناد وعاد انا مافيني شي والحمدلله كل الشروط تمام بس كيف استرجعها وكيف اربح القضيه وهل يستدعون البنت المحمكه واقدر اشوفها تكفون ساعدوني وش اسوي ووش يصير هناك 💔