فايــــــــــزه @fayzh_6

عضوة نشيطة

تكفوووون ............ امي زعلانه كيف نراضيها

ابغى الكل يتفاعل معايه ويقولي ايش الحل لمشكلتي اللي مااحد قادر يحلها ......... والله يابنات اني تعبت نفسيا

امي زعلانه من اخويه الكبير وهو بار بها لابعد حد حتى ربي موفقه بحياته الوظيفيه عمره 27 سنه
طبعا امي حلمها مثل حلم اي ام بالعالم انها تفرح بولدها
اتصلت خالتي وبلغتها ان بنت اخوها (بنت خالي) جوها عرسان واحنا من نبغى نزوجها لاي احد وعينهم على اخويه
وطلبت من امي انها تكلم اخويه طبعا اخويه في البدايه رفض لانه مايبغى وحده تشتغل بالصحه يعني عشان الدوامات والشفتات
قامت امي من باب انها بنت اخوها وعارفه نقطة ضعف اخويه زعلت منو اسبوع ماتكلمو نهائيا طبعا راح عندها وباس راس وقلها اللي تامرين فيه بسويه قالت امي خلاص خليها تتخرج وبعدين نخطب رسمي
تخرجت بعد سنه جات امي خبرت الوالد عشان يروحو يخطبوها
اخويه رافض يروح معاهم وقال يوم الزواج خبروني عشان اتجهز راح الوالد وخبرهم ان احنا نبغى البنت.........الخ قال خالي اوكيه بس انا ابغى الولد واكلمه
كلم اخويه وقاله اخويه انا ماابغاها عشان الوظيفه طبعا خالي رفض انها تبطل الوظيفه لو صار ماصار امي طنشت شرط اخويه وطلبت من ابويه انه يروح مره ثانيه ويخطب ويدفع 10 الاف قال خالي خلاص البنت محجوزه لو من غير فلوس
امي استعدت واشترت ذهب وهدايا للعروسه وع الاساس هاذي السنه يروح اخويه والوالد ويخطبون راحو بس اخويه قال قدام خالي انا ماابغها عشان وظيفتها ومستعد اسعدها ومااخليها تحتاج شي طبعا رفض خالي شرطه
السالفه لها سنتين
المشكله الكبيره ان امي زعلانه من اخويه لها شهر ونص وحرمت تاخذ منو اي شي هذا غير جالسه كل يوم تدعي عليه
وصارت ماتخرج كثير من البيت بحجة ان اخويه فضحها وكسر كلمتها قدام الناس اخويه نفسيتو تعبانه وحاولنا معاها وماقدرنا اللي قريت قصتي رجاااااااااااااااااااااااااااا تسعدني

يلزم عليك تسجيل الدخول أولًا لكتابة تعليق.

تسجيل دخول

نـاعمة و رشيـقة • 16 سنة

لا تزعلين مني
الوالدة غلطانة
أخوك قال لها شرطه و هي اللي أصرت و أحرجت نفسها
يعني الغلط غلطها مو غلط أخوك

و كل شي بالغصب الا الزواااااج خاصة انها من الأقارب

طبعا انتي ما تبغين رأينا في الموضوع ،
تبغين حل يرضي الوالدة
انتي ممكن تدخلين واسطة خير
و قولي لها بكل لطف و من غير ما تحسسينها انها غلطت او ان الذنب ذنبها
ان الولد ما قصر قال لخالك شرطه من البداية

و بعدين ينتهي الاحراج لحد هنا ، أحسن من انه ياخذ بنت اخوها ويطلقها او يعيش معاها حياة تعيسة
و اكيد اللي راح تتألم لهم و يصير الموضوع أخطر
و ايش ذنب الأطفال بعدين

و قولي لأمك تحط نفسها مكانهم
أنه أخوك يبغى بنت خاله وهي اللي رافضة
هل راح يغصبونها أهلها عشان تتزوجه ؟

هذا مستقبل ولد و بنت و هو أهم من كل الاعتبارات

فايــــــــــزه • 16 سنة

الله يسعدك حبيبتي على ردك
بس المشكله ان خالي زعلان من امي ومن خالتي وقالهم الله يحرم عليه وعلى اولادي دخول بيتكم لا وخالاتي وجدي وجدتي زعلانين من ابويه واخويه حتى العيد محد استقبلهم دخلوا وخرجو مااحد رحب فيهم يكفي ان امي زعلانه لاتنسيني من دعائك

زائرة • 16 سنة

حرام تجبره على شي مايبيه..
انتي وين رحتي..؟
وقفي مع اخوك واقنعيها ان البنت ماتناسبه..
الله يفرج همه ويرزقه بالزوجه الصالحه..

hash hash • 16 سنة

اقنعوها ان اللي سواه في مصلحته ومصلحة بنت خاله والعائلتين عموما ..
يعني هل يرضيها ان ولدها يعيش عمره منكد وكاره زوجته بسبب عملها وتكون هي السبب في تعاسته..

وهل يرضيها لو اتزوج البنت زي ما تبغى وبعدين عاش معها في مشاكل ووجع راس ونكد على زوجته وزوجته تنكد عليه بس عشان يرضيها بالزواج من هذي البنت..

وهل لو ما اتفقوا ابدا وحصل الطلاق لا قدر الله بتكون مبسوطة ان ولدها سمع كلامها في البداية وتزوج من اللي تبغاها له وفي الآخر تطلقوا والعائلتين تفرقت بسبب المجاملات على حساب سعادة الشخص..

وبصراحة واسمحي لي بنت خالك لو هي عارفة شرطه وانه رافضها بسبب وظيفتها ومع ذلك متمسكة فيه وفي الوظيفة فهي مع احترامي سخيفة وناقصة عقل,, والمفروض تختار واحد من الإثنين وتخلي الرفض من طرفها وتفك المشكلة بدل ما تشوف الولد عايش بين نارين ومهو عارف الحل بسبب عدم تنازلها,,
ولو مكانك باكلمها بكل ود واحترام واقولها يا تختار اخوي أو الوظيفة ومستحيل اخلي امي زعلانة من أخوي وهو بار فيها أو أشوفه يعيش منكد عشان هي ما تقدم تنازلات..

كفاية الولد طيب وخلوق وطالب يدها عشان رضا أمه..
وصراحة جا في بالي انها دامها متمسكة لهذي الدرجة وهي عافة اللي يصير من سنتين فهي أنانية وأول من بيكرهها امك اللي سعت في زواجها ,, أستغفر الله بس فعلا لو هي لها كلمة عند أهلها ومو مجبورة ومسيرة من امها وأبوها فما عندها كرامة أبدا.. ولو قفلت على أخوك من كل جهة خلوه يوافق يتزوجها وتستمر في وظيفتها لكن يتزوج عليها وحدة ربة بيت وكلن ينام على الجنب اللي يريحه وأكيد ساعتها بيفكرون صح ويختارون يا أخوك يا الوظيفة..

حبيبتي هذا زواج وعيشة عمر مو ترضية وجبر خاطر اعطيكم ولدي وخذوا بنتي..

لحظات ولكن • 16 سنة

نـاعمة و رشيـقة :

لا تزعلين مني الوالدة غلطانة أخوك قال لها شرطه و هي اللي أصرت و أحرجت نفسها يعني الغلط غلطها مو غلط أخوك و كل شي بالغصب الا الزواااااج خاصة انها من الأقارب طبعا انتي ما تبغين رأينا في الموضوع ، تبغين حل يرضي الوالدة انتي ممكن تدخلين واسطة خير و قولي لها بكل لطف و من غير ما تحسسينها انها غلطت او ان الذنب ذنبها ان الولد ما قصر قال لخالك شرطه من البداية و بعدين ينتهي الاحراج لحد هنا ، أحسن من انه ياخذ بنت اخوها ويطلقها او يعيش معاها حياة تعيسة و اكيد اللي راح تتألم لهم و يصير الموضوع أخطر و ايش ذنب الأطفال بعدين و قولي لأمك تحط نفسها مكانهم أنه أخوك يبغى بنت خاله وهي اللي رافضة هل راح يغصبونها أهلها عشان تتزوجه ؟ هذا مستقبل ولد و بنت و هو أهم من كل الاعتبارات

لا تزعلين مني الوالدة غلطانة أخوك قال لها شرطه و هي اللي أصرت و أحرجت نفسها يعني الغلط غلطها...