تكفوووون تعببببت

بنات انا عضوه قديمه بس انقطعت 3سنوات والحين سجلت لاني تعبت صرت مثل الظل عايشه بدون روح
طفلي عمره 6سنوات من ولدته وهو يصيح ويصرخ متواصل واضح الطفل مو طبيعي فيه مشكله
والله والله رحت للموت منه جتني اعراض جلطه شعري كلللله ابيض شيبت كبر شوي ولو اروح لاهلي يصرخ لين ارجع ولو بطلع للبر مع زوجي ينجن يركب السياره يصيح لين نرجع اذا دخل احد بيتي يصرخ ويصرررخ لين يطلع
كل سنه اكبر 20سنه جاني ضغط اقسم بالله ماكان فيني وجاني قولون ماحملت بشوف وضعه
ماتكلم الا كم كلمه قالوا معه تشتت انتباه وتاخر لغه
دخلته مراكز شهور وروضه ينجن الا انا معه او ينهبل اذا رحت مكان مناسبه يصك اذانه عن الازعاج بالساعات الناس تضحك علي مايدرون عني والله والله 6سنين انام عند رجوله بغرفته مثل الشغاله لان لو نمت مع زوجي ينجن علينا واذا فتح مالقاني يصرخ ويركض
تعبت تعببببت ابي اطلع ابي اروح اهلي اسهر ابي اتمشى ابي اجلس مع زوجي ابي انام مثل الحريم
لو اجلس اتقهوى مع زوجي دقيقه يسوي مصيبه لحاله يزعل وينجن والله فرقنا زوجي صار يهج من البيت
اهملت نفسي خرب شكلي اهل زوجي يكرهوني لان ماكانوا يبونه يتزوج من الجماعه واخذني انا بنت عمه
كل ماشافوني قالوا ولدك المهبول اللي ماتكلم
توني جبت ولد وبنت على بعض وماخلاني اعطيهم حقهم جنن اخوانه بس يصرخ وحرمهم من الطلعات ومن كل شي
والله 6سنوات انتهيت خلاص نفسي اموت سويت كل اللي اقدر بس هذا اللي بيدي ابي اعيش نفسي اجلس بصالتي نفسيتي مرتاحه اتقهوى والله جاني توحد انعزلت تغيرت اكثر من مره يسوي بيني وبين ابوه مصايب لو ماتهدا كان تطلقت بسبته
اذا كبر كيف الحين يمكن الناس تقول صغير
الحلاق مايروحه نروح الظهر للحلاق علشان محد يشوفنا وامسكه مع ابوه للحلاق الناس تتفرج
ارجع ابكي ابكي يزعل بدون سبب كذا ينجن ويجلطني ويخوف اخوانه البيت كله يصيح جاني تسمم حمل بسبته من كثر مايرتفع الضغط تنومت بالعنايه اسبوع
مخنوقه نفسي ربي يرحمني وياخذني