تكفوووون ساعدوها مجبوره ماتبي العريس .. بكره الشوفه .. كيف تخلص نفسها منهم

تكفون يابنات ساعدوا رفيجتي من شوي مكلمتها على التليفون وربي تقطع القلب تبكي والغصه خانقتها
تقدم لها ولأختها إثنين خاطبين إخوان أصغر منهم .. هالبنات رافضين الزواج منهم بس امهم غاصبتهم تقول ماني امكم ولااعرفكم اذا ماتزوجتوا هالعرسان !! :06:
حاولت اقنع رفيجتي لعله خير لك واستخيري قالت انا ماابيه موليه .. أصغر منها بثلاث سنوات وهي مو متقبله تآخذ واحد اصغر منها .. والمشكله مايعرفون شيء عن الاسره الا انهم عائله كويسه وبس ..!
ولااحد من اخوانها او ابوها مكلف حاله يسأل عنهم
قبل كم اسبوع جات ام العرسان تبي تشوف البنات .. تقول رفيجتي من شفت امه ماارتحت لها ابد حسيت بتنافر منها .. والام هذي متسلطه اذا أمرتهم امر ينفذونه بسرعة !
وهالعرسان واهلهم مره متشددين مايبون تلفزيون بالبيت ولازم بلوزه طويله كم طويل
ام العرسان تزعل اذا لبست البنت نص كم !!
ام العرسان تعيش بديرة ثانيه .. والعريس دوامه بالعمل بديره ثانيه
اهل العريس يحبون الصبغات .. لما عرفت ام رفيجتي قالت لبنتها لازم تروحين تصبغين البنت رفضت
هي عندها طموحات تبي تكملها بنفس منطقة اهلها وهالعرس بيخرب عليها كل اللي بنته من احلام
هي رافضه تتزوج واحد اصغر منها ناويه تواجه اهلها بقدر الامكان بس اختها اللي اصغر منها تخاف من امها مع انها ماتبيه مثل اختها تخاف امها تدعي عليها
تقول بكره جايين للشوفه يبي يشوفها وهي تحاول تتهرب بس ماتقدر لان اهلها عارفين انها رافضه
تقول تقدموا لها كذا واحد قبل ذا مناسبين لها كانت موافقه بس امها رفضت وهالحين جاء هالعريس وهي رافضه
واهلها موافقين والمشكله اختها الكبيره واقفه بصف امها تبي تجبرها
ام هالبنت أجبرت ثنتين من بناتها على الزواج وتبي تجبر الباقيات
وكأن مالهم كلمه !!
الام مره كبيره ماتفهم في هالامور انه حرام اواواو .. ماتتفاهم ابد
سبق تقدم لها واحد ماتبيه قبل ذا وامها مصره على تزويجها منه .. استشارت وحده من رفيجاتها وعطتها شور حلو قدرت تخلص نفسها منهم
تقول اتصلت بام العريس ( اللي قبل ذا ) وكلمتها قالت مالكم نصيب .. ثم انصرفوا وارتاحت
هالحين ماتقدر تسوي نفس الخطه السابقه تقول امي مهددتني تقول وربي ياويلك لو سويتي شيء غلط
معها رقم ام العريس .. تبي خطه تخلص نفسها
بنات تكفوووون سااااعدوها هي في كرب
من بدا رمضان وهي تدعي تقول يارب مايجون
وهالحين لها يومين تبكي وحالتها النفسيه صعبه

تكفون ابي منكم طريقه كيف تردهم من غير ماتعرف امها
الرقم كاتبته بيدها ومحتاره بالحيل
اتصلت على صحباتها ماحد رد منهم تقول مالي الا انتي ياغيداء وهالحين ابي منكم الرد بسرعه بكره الشوفه وهي مجبوووره
ابي منكم طريقه ذكيه ياصاحبات الكيد العظيم ( ان كيدكن عظيم ) :30: :22: