تكفوووون ساعدوو صديقتي على حافة الانتحار

كيفكم بنات بنات حواء عشمي فيكم خويتي بتموووت من زوجها بيهبل فيها

حسبي الله ونعم الوكيل فيه كثر ماحرق اعصابها

صديقتي الروح بالروح نقلت من منطقتنا وراحت وصار بينا موقف انا وهي وحبت تنسحب مني

بكيفها المهم يابنات تسعة شهور انقطعت البنت عني وانا انشغلت وماحب ادور على احد جرحني

بس والله كنت ادعي لها بكل وقت اتذكرها فيه المهم زوجها خاين على طول من كفشه الى كفشه وكل مرة يتوووب ويوعدها الاخيره
المهم فجاة واهلي عندي الا تلفون يدق
رديت من غير ماناظر الرقم الا هي خويتي ماعرفت صوتها من البكاء يابنات بكاء قطع قلبي جلست اترجاها ماتبكي اخواني يناظرون فيني نظرة خووف
شلت التلفوون ودخلت غرفتي
قعدت تحلفني انا دعيت عليها والله عورت قلبي قلت يابنت الناس والله مادعيت والله لاشفت يدعي على احد اقولهم استغرو ادعو ربي يهديهم
والله مااحب الدعاووي حلفت لها اني ادعي لها بالستر وصلاح عيالها
قالت لي انا يافلانه تعباانه انا بمووت قلت هدي نفسك افهم السالفه انا من نقلت وانا حياتي متدهوره زوجها تغير 90 بالميه
المهم انه كفشته مملك عليها قلت لها يافلانة اعتقد انه كذاب يلعب ب اعصابك قالت سمعته باليل يكلم وحده يقول لهم ليه ماتردوون علي والله لا جيب زوجتي تذلكم قلت ميخالف يمكن يقصدك
قالت لي برمضان كان يفكر فسالها الي متزوجين 2 كيف عايشين شي قرص قلبي نطيت معقوله انت خاطب والا شي وحلف لها انه مايفكر يتزوج عليها
ومرت الايام وفي هالايام الاسبوع الي راح تقول كن مصيبه على راسه فسالته فقال انا خايف قالت من وش قال انا في مصيبه محد بيساعدني وخايف من اخواني يدرووون قالت انا بساعدك قال انتي لا انتي لودريتي تركتي البيت اوعدته تساعده المهم علمها انه متملك منهي ماتدري انه هو واصحابه متملكين من عيلة وحده وانه متورط ويبي يطلق يابنات لاحظو هو اعترف لها وبعد ليه وماليه وش سويت لك قال ابي اطلقها كيف راح المحكمه جب الصك الصك مع اهل البنت
من بكره طلب اهل البنت انه يبي الصك النكاح عشان يضيفها في كرت العائله يكذب على اخو العروس وصدقه وكلم زوجته الاولى وقالها الصك معي طالع مشوار وجاي على طول
بنات انا عندي احساس انه كذاب ليه مدري المهم جا باليل تبي تشوف الصك ماورها نزلت السياره فتشت مالقت ثوبه مافيه شي بغت تنجن سالتة ليه ماتوريني قال لها اخاف تسووي لي مشكله مع اهل البنت وتفضحيني تقول بمووت شكلي اعرفهم اهل البنت مارضي يوريها تقول وش يثبت لي انه صادق اخذ الصك انه طلق كلمتني اليوم بتمووت من البكاء والقهر المهم عصب عليها قال ماراح اوريك لاتحديني اطلقك واضيفها هي شفتوو قواة عينه
والي فقع مرارتي انه كان مسافر عمل وجت فاتورة تلفوونه 25 الف على ايه ماتدري قلت لها يمكن يراسل الفضائيات
بنات تكفوون الي تقدر تشير علي اي شي اوصله لها بنات الي تقرا تدعي لها الله يفرج همها الي محززني انها تووها حامل الله يستر على الجنين من اعصابها انتظر ردكم على احر من الجمر