طيب ليه ماتقولون ان اخوكم اللي عمره 20سنه هو اللي بيكمل دراسته دام انه بيجي معاك

سبحان الله

هذي حصيلتك التعليميه

تعلمتي تنكرين اصلك وتتمنين انك منتي بدويه

سؤالي وش بتروحين تتعلمين في بريطانيا وخلال سنه

الله يوفك ويسهل امرك

يمكن يعلمونك اللي ماتعلمتيه هنا طول عمرك

متعلمه لاوبعد موظفه وتجي اساءتك لاصلك يعني لاهلك لقبيلتك

وانا ماراح ادافع عن البدو (تاج راسي)

لكن ماقول غير الله يهديك

انصححححححححححححححححححححححححححححك بقوه انك تروحين تكملين دراستك
اهم شي امك راضيه واشقائك بعد راضين ماعليك من الباقين
لاتقتلين طموحك عشان اخوان مايزورونك الا في السنه مره
وبالنسبه للوالده صدقيني بتستانس هناك

مشكورين كل اللي ردوا واستفدت من كلامكم كله كلمه كلمه

واحب ارد على اللي سألوا عن الجامعات انا جاني قبول من جامعه شيفيلد ، ومن ساسيكس ومن برادفورد والحين بيجيني قبول من كارديف
والتخصص له علاقة بالاقتصاد اوادارة الاعمال

وانا خليجية مو سعودية


واحب اعلق اللي زعلوا عشاني قلت انا بدوية والبدو محافظين .. لا تزعلون يا حبيباتي وان كنت انا شخصياً انبذ التعصبات القبلية واكره شي اسمه قبيله .. انا مسلمة عربية وافتخر باسلامي وعروبتي مو بقبيلتي .. وما احب التفريق بكلمة بدو وحضر والبدوي ينظر للحضري انه مو أصل والحضري ينظر للبدوي انه متخلف ورجعي ! الانسان هو الانسان وكلنا لادم وادم من تراب
خلوا عنكم التعصبات القبلية اللي ودتنا في ستين داهية

الرسول قال عنها " دعوها فانها منتنه " أي عفنة .. اتمنى من كل قلبي اننا نرتقي بأنفسنا وعزتنا ماتكون بالقبيلة والدعاوي الجاهلية .. الامور القبلية كانت قبل الاسلام ولما جاء الاسلام نبذها وقال عنها عفنه .. أي اتركوا هذه القبليات .. وعندنا من خير الصحابة من كانوا من الفرس امثال سليمان الفارسي ومن الحبشة مثل بلال بن رباح .. ومن العجم ومن اليمن ومن الشام والعراق
كلنا مسلمين وكلنا عرب فلا تزعلون من كلمتي ان كنت قلتها هذا لأني ما اعترف بهالكلمه أصلا .. وانا اعامل الناس على اساس شخصيتهم واخلاقهم وتدينهم مو على اساس قبيلتهم وعلى اساس بدو او حضر!

ما ابي نطلع من موضوعي الاساسي

وبخصوص اني قلت رايحة علاج .. في الحقيقة هي مش كذبة انا بخبي نص الحقيقة
لاني فعلا بروح لعلاج وبنفس الوقت للدراسة بس ماراح اقول طبعا للدراسة بقول بس للعلاج
وانا عندي بعض المشاكل الصحية وساكته عن نفسي من زمان فقلت اضرب عصفورين بحجر

وانا لا اتمارض

اللي قالوا " لا تتمارضوا فتمرضوا فتموتوا "

انا لا اتمارض فأنا فعلا مريضة وعندي اكثر من مشكلة صحية محتاجة علاج .. والله يسهل الامور يارب

بالنسبة اني اقول اخوي اللي رايح دراسة هذا انا احاول في اخوي انه يقدم على شركة عشان يبعثونه وان بعثوه خلاص بتتسهل الامور واقدر بسهولة اطلع معه يعني انا وهو ندرس احسن من اني انا ادرس وهو لا

وامي موضوعها لين الحين مافكرت فيه .. مدري اذا هي بتقعد معنا كل الوقت او بترجع وتخلينا على حسب راحتها هي

بس اخوي امس كلمته ولازال ماسك راسه .. من حظي عاد ماكلمته الا وهو كان توه يشوف برانمج ديني وتكلموا عن الاختلاط والخ
وفتح محاضرة على راسي صرنا مثل الاتجاه المعاكس انا اقول له شي وهو يقول شي .. واخر شي قال لي الماجستير مو شي ضروري مو مسألة حياة او موت !
تعبت معاه وراسه ناشف

بالنسبة لاخواني من ابوي أكثر شي بيسوونه لو دروا مثلا اني رايحه دراسة انهم بيتكلمون علينا ( الخوف من واحد منهم لسانه ماشاء الله ) بيقعد يعيد ويزيد في السالفة ويمسكها علي لين اموت ( هو من النوع اللي ماينسى ولا شي)



وضحكت على كلمة وحده قالت لي انتي حكيتي مشكلتك ماتخافين اخوانك يدخلون المنتدى ويعرفونك هههههه من جد ضحكت

اخواني شيبان اصغر واحد فوق 45 وجهال مادرسوا بس يعرفون يقرون ويكتبون ( عاد تعرفون هالعقليات شلون صايره)


ادعوا لي ان ربي يسخر لي اخوي الكبير انه يوافق ومايعارض موضوعي ..

الله يكتب لك الخيره اجل