تكفوووون محتاجة معلمات رياض أطفال

السلام عليكم ورحمة الله وبركاته

هلا وغلا بخواتي بنات حواء

وش لونكم وش اخباركم وش مسوين < أقول اخلصي

من زمان عنكم والله < الأخت مهاجرة

كل عام وانتم بخير بمناسبة شهر رمضان < توها تفطن

المهم ابي أدخل في صلب الموضوع < طالعة من قلب

أبشركم توظفت بمدرسة أهلية < ياحظي

الله يبارك فيكم جميعا

لكن المدرسة اللي توظفت فيها تعاني من نقص شديد في معلمات رياض الأطفال

وأنا عورني راسي وأحولت عيوني من كثر الفاكسات وطلبات التوظيف لكن ولا وحدة تصلح

اللي بيتها باخر الدنيا واللي زوجها مدري وش يبي واللي تقول شغالتي سطرت ولدي .. الخ الخ

لا تقلبون المواجع علي < معاااااانية

المهم قلت مالي الا الله ثم حبيباتي وخواتي بنات حواء

المطلوب .. هو .. معلمات تخصص رياض أطفال يكون لديها خبرة لا تقل عن سنة في مجال التعليم

تكون نشيطة ومخلصة في عملها .. مشرفة رياض أطفال لا تقل خبرتها عن سنتين وتكون نشيطة

وعندها خبرة في عمل الوسائل التعليمية .

موقع المدرسة في شرق الرياض .. الرواتب ممتازة مقارنة برواتب المدارس الأهلية .. المدرسة

جديدة وحديثة لها سنة تقريبا مفتتحة .. يعني أكسبي الناس وأصحاب المدارس يشيلونك فوق روسهم

يسمح للمعلمات المتزوجات تسجيل طفل مجانا سواء في رياض الاطفال أو الابتدائي

والله انها وناسة وفلة ولكن وووووووين المعلمات

اي معلمة ترى في نفسها ترسل لي على الخاص وانا بعطيها عنوان المدرسة ورقم الهاتف والفاكس

والله يكتب اللي فيه كل خير


مع تحيات وحدة تعاني << يارب يارب يارب

اسم المدرسه

مدارس نخبة الاعتماد الاهلية

الرياض / السلي / شارع إسطنبول / مخرج 16

المطلوب تخصص رياض اطفال

تليفون: 2420603

فاكس :2420079