تكفوووون ودي احد يسمعني !!!

السلام عليكم و رحمة الله و بركاته : ياخواتي ما أني عارفه من وين ابدأ يمكن البعض بيشوف انه ما فيه اي مشكله بكلامي بس والله من جد اعصابي تعبانة .......أنا متزوجه من كم سنه و الحمد لله اوضاعي زينه اللي صار اني عندي طفل صغير و بحكم ظروفي كان لابد اني اجيب شغاله ......... قدمت من بدري باحد المكاتب من يوم انا بالسابع و سبحان الله طلع نصاب و سرق فلوسنا و حنا ما تأكدنا من هالكلام الابعد ما ولدت بفتره طبعا قضيت الاربعين عند اهلي و ما قصروا لكن نكدوا علي بموضوع مين يخدمك امي كبيره و مو فاضيه و شغالتي اهلي محتاسه و اختي الصغيره مالها خلق أحد .... اقسم بالله اني كنت انام كثر من ليله دمعتي بخدي صح امي ماتخلي قاصر علي بس تحرقك بكلامها ايه قصوا عليكم و اصلن زوجك خراااط و هو من الاصل ما قدم و من هالكلام اللي يولع دمك مع ان اختي الثانية كانت عندهم نفاس العام الماضي والله حتى شغاله موقته ما جابت لكن ما أحد تكلم ؟؟؟مرت هالفتره على خير و قدمنا بكتب ثاني و تأخرت حييييييل علينا لكني جبت مؤقتة و كان زوجي يدفع لها مبلغ و قدره و مع كذا في كل روحه لبيت اهلي لازم اسمع كلام يسم البدن .......... وبعد طول انتظار جات شغالتي وللأسف قوبلت بهجوم كاسح من اهلي و من اهلي زوجي اللي رافضين فكرة وجود شغاله من اصله عندي و ياما اسمع و اسكت و في كل روحه لبيت اهلي او حتى و حنا عند اهله لازم يجيك كلام مع انه الشهاده لله انها ببيتي روعه و ماتخلي شي لكن هم في مقارنه دايمه بينها و بين شغالة اختي اش ذنب ذي أن وجهها مش اليف و الله تكسر خاطري .......... اضطرينا في العيد نجي بيت اهلي لآن زوجي مو موجود و طول الوقت و أنا حامله هم الروحه عندهم والله اهلي يهبلون بس عندهم حس المقارنه بين زوج اختي واشلون انه خاااق و بيتها و بيتي و شغالتها و شغالتي واشلون هي تربي شغالتها و انا تاركتها على كيفها مع ان ربي يشهد علي اني احرص انه ما ينقص علي شي بالمره سواء وانا رايحه لهم او لأهل زوجي ......... والله العظيم اني اتكلف فوق طاقتي بأشياء كثيره , تخيلوا اليوم انا صايمه و قمت من النوم والا كالعاده امي و شغالتها و اختي حقت ما تفهم بقررررررررررره و اشلون تسوي كذا و من ضمن الاشياء اللي سوتها انا معلمتها عليها وهي صحيحه بس ماتعجبهم المهم جات الشغاله تسألني عن شراب اولدي الثاني تقول مالقيته المهم راحت شغالة امي تحوس لقته تحت الطاوله قامت عاد تحرش تقول هي تقصد شغالتي ما تبي تدور يعني حتى هي ما تقصر و سكت قامت امي تقول ايه كل من المدام حقتها لو هي صاحيه ما كان ضيعت شي لكن المدام خبله و ذي عليها و اصلن انتي مو فال عيال و زوجك ماعرف يربيك لو تخافين منه كان انتبهت لولدك و من هالكلام شوفي شغالة اختك بس هي تعرف تربي و زوجها معاها تخيلوا كيف الامور تتشربك عندهم و كلن يصارخ امي و اختي ....... عاد انا ما عاد قدرت انهديت عليهم قلت تبوني اوديها المكتب بوديها و خلاص فكوني و حلفت اني راده بيتي خلاص اعصابي انهارت ما عاد قدرت منقهره من زوجي اللي تركنا بالعيد و من كلام اهلي و مقارنتهم اللي هدت اعصابي و لو رحت مع زوجي نفس الشي اهله مغير قط كلام و تحكم بكل شي و لو عة كبد ما أدري و ين ارتاح نفسيتي دمااااااااار :44: