الله يوفقك بالاختيار الي يسعدك وبيت السعاده ان شاءالله

اصبغي اللون السكري الفاتح او الابيض والارضية اخذي سيراميك الساده يكون من درجات البيج الفاتح ،،، عشان ماتحتاري بأثاث واي لون لايق علا هالالوان ،،، وكل ماكان اختيارك ناعم ومريح للعين صارت الشقة عندك واسعه وتطلع مريحه ،،، لان العين بسرعه تمل من الالوان والنقوش ،،، الله يوفقك في حسن الاختيار ،،

الله يسسسعدكم افكاركم ذووق وربي

ياللهً نبغى افكار جديده كمااان

الباركيه غضيت البصر عنه خلاص

البوية خليها لون بيج فاتح والارضية كمان نفس اللون علشان ما تتقيدي بالاثاث وخليها بورسلان اوسيراميك لان الباركية مو عملي وحطية واجهة وحدة من كل غرفة لون ثاني او ورق حائط على حسب اثاثك اللي ناوية تحطية وبالنسبة للجبس طالعة الجبسيات النازلة السقف كامل اللي تنحط فيها الانوار الصغيرة وممكن تسوي فيها حركة بسيطة وناعمة وحددي اطراف الجبس بلون نحاسي برضة مناسب مع اي لون فالاثاث وبالتوفيق

هلا حبيبتي الله يعينك ويسهل امرك ويسهل امرنا بعد احنا بدينا تشطيب

بالنسبه للبويه اختاري الي تكون ساده من غير خرابيط اقولك ليه موضتها ماتنتهي ومافيها تكلف
اما اذا بتحطينه مثل البويات الجديده الي فيه لمعه مثل روعه حقت الجزيره اختاري الاوان الهاديه درجات البيج او الترابي الفااااااتح تطلع احلى ومو كل الغرف جدار واحد او مدخل
ورق الجدران رائع بكل ماتعنيه الكلمه من معنى
من ناحية البويه ابتعدي عن الاسود والاحمر والعنابي وخاصه الي فيها لمعه غير جميله الصراحه

اما من ناحية الباركيه غالي واهتمامه صعب ولازم كل فتره صيانه
وما انصحك بالسيراميك الي بشكل باركيه لانه بعد كم سنه تخف نقشته لان السراميك المنظر الي فوق مجرد طبقه
انصحك بالبرسولان الباركيه لانه نوعيه وحده موطبقتين مثل السيراميك جوده والفراغات راح تكون صغيره بين البلاطات
واختاري قص سيراميك واذا لقيتي عمال شاطرين يسوون تركيب البلاط زيرو جوينت حلو انهم مايحطون ترويبه بين البلاط يكون البلاط متراص ويلصقونه بماده يصبونها بالفراغات وتكون الفراغات تبعد عن بعضها حاجه بسيطه وتعطي منظر رائع
وللاسف مالقيت عامل في منطقتي يظبطها لانها صعبه وتبي ناس متخصصه
بس مو مشكله لان البورسلان عموما الفتحات بين البلاط صغيره

الجبسيات تلقين في النت اشياء روعه بس ابتعدي عن التكلف وانك تلونينها الوان متضاده وغامقه
بحط لك صور باركيه خشب بورسلان بدوره في الرياض اذا رحت له الله يسهل لانه من جد روووووووووووعه