السلام عليكم ورحمة الله وبركااته..
صباااياااا انا أول مره ادخل القسم هذا وحسيت برااحه مو طبيعيه لأنه اخيراَ بتكلم مع احد يفهم حالتي وحاس فيني بناااات بدخل بالموضووع انا اللحين عمري 25 لما كان عمري17 خطبني ولد خالتي يحبني ويموووت فيني وانا كنت صغيره يعني مااحبه بس وافقت وتمت الخطبه وبديت اتعلق فيه وزاد تعلقه فيني الكل كان فرحان لي والكل يقول توها بزر ومهرها 100 ألف وبيت ألحالها ومن ذا الكلام وفجأه بدون سابق انذار ما أبيه يعني ماأبيه واهو نفس الشي ماصار يزورني صار لاجاني يحس بضيقه رهيييبه وانا كذلك صار يتحلم برجال يهده اذا جاء بيتنا المهم انفصلنا ومرت السنين وكل ماكبرت زاد جمالي انا ماامدح بنفسي بس ذي شهادة الكل وين مااروح الرجال ينعجبون فيني والبنات كذلك وحتى لو رحت زواج الكل يسأل من بنته وياخذون رقم امي وبعدها هدوء تام واشوف الكل يتزوج وانا انتظر شخص واحد يدخل البيت ابدا مايصير حتى الكل يقووول حرام ذا الجمال وللحين ماتزوجتي لدرجه في بعضهم الله لايسامحهم صارو يتكلمون في شرفي يقولون حلوه وماتزوجت اكيد تحب ولا عندها علاقه يعني زاد همي هم وصارت تجيني كوابيس اشوف شخص يثبتني ويلوي ألساني وانا أقاومه بالحلم واقرى قرآن وأذكاري لين اقوم بفزه وقلبي يرجف صداااع قوي وألم بيدي اليسار ورجلي اليسااار من تحت وللعلم انا مااترك اذكاري ابدا المهم زادت الحاله صار يجيني الكابوس هذا مرتين باليوم الى ثلاث بالنومه الوحده واحيانا اذا بالحلم قريت قرآن ولاهددته أسمع رجال يقرى قرآن بس خرابيط استغفر الله يبغى يلخبطني وتركت أذكاري وصرت اتساااهل بالصلاه صرت مااهتم بشي دوم نايمه خمووول مو طبيعي وحتى لو غصبت نفسي اقرى الاذكار اتثاااوب لين تمتلي اعيوني ادموووع ومااشوف ولا أقدر أقرا صرت عصبيه اي احد يكلمني اهاوشه ورحت لمطوع طلع استغفر اللله نصااااب صار يتغزل فيني ويلمس ارقبتي وصدري واذا قرى علي يغمى علي عنده ومااحس برجوولي بس كرهته من تصرفاااته وتضااايقت لانه استغل حاجتي للعلاج المهم بلغت عنه الجهات المختصه ورحت لمطوع ثاااني بعد ماتأكدت ان عنده ترخيص والحمد لله ارتحت معه من اول يوم ولبست برقع عشان ماتكون بالمسأله فتنه وعطاني ماي مقري فيه وزيت زيتون وقال استمري على الأذكار والرقيه الشرعيه والصدقه ومن اول يوم حلمت اني اغسل حمام اعزكم الله وسخ جدا وانه في صالتنا قطتين وحده اطلعت والثانيه تعض ملابسي ماتبغى تطلع وبعدها حسيت اني بخير وتركت العلاج ورجعت لي الحاله مره ثاانيه احلام وكوابيس مزعجه وسريعة البكاااءوقررت اعالج نفسي بنفسي صرت اقرا اذكاااري واقرى البقره يوميا ومع الدعاء وصرت اخذ ماي واقرا فيه البقره مع الرقيه الشرعيه واشرب منه وغرفتي 24 ساعه قرآن بس للحين اشوف كوابيس وامس جاني الكابوس واشوف واحد يقرا قل هو الله احد على دق عود ويخربط فيها بناااات احيااانا احس بنهياااار وماابغى اكمل واحيااانا اذا جاني الكابوس اصحى وكل تحدي ابغى تنتهي هالحاله بناااات تكفووون ادعولي ينفك السحرواتزوج الزوج الصالح وانا ناويه بإذن الله استمر على سورة البقره طول عمري لان النبي عليه الصلاة والسلام وصى فيها بناااات من عندها طريقة علاج ولا اي شي تقدر تساعدني فيه تكفووووون تكفوووون والله تعبت من الكوابيس وآلام بيدي ورجلي ونفسيه زفت وأكزيميا واذا قرى علي المطوع احس كأن احد يحط صبعه بعيوووني بنااات ابي حل:06:
يلزم عليك تسجيل الدخول أولًا لكتابة تعليق.
الله يشفيك استمري على سورة البقره وان شاء الله البنات يفيدونشالله يشفيك استمري على سورة البقره وان شاء الله البنات يفيدونش
الله يجزاك خير وماقصرتي ويحميك من كل شي يؤذيك اللهم آمين
نونة888 :
يااختي اللي ما ردت عليك اكيد ما عندها اجابه ولكن دعت لك مثلي الله يرفع عنك ياربيااختي اللي ما ردت عليك اكيد ما عندها اجابه ولكن دعت لك مثلي الله يرفع عنك يارب
الله يجزاك خيرماقصرتي على الدعوه
الصفحة الأخيرة
استمري على سورة البقره
وان شاء الله البنات يفيدونش