السلام عليكم كيفكم ياحوائيات
انا راح ابدى بالسالفه على طول ..
جتني صديقتي اليوم وكان حالها مايسر وجهها اصفر وسئلتها وش فيها وجاوبتني قالت من اخوي معانا بالبيت
وقالتلي مشكلتها وبقولها لكم وياريت تعطوني حل وبااسلوب كويس ماابي اي شي يجرح بالكلام
اخوها مو متزوج وعمر 33 ومتسلط وحشري وشكاك حتى بخواتها المتزوجات يشك فيهم واسلوبه وقح وتعامله
قاسي مع خواته وحتى امه وابوه يسمعهم كلام يجرح من ناحية خواته ودايم جالس بالبيت لايروح ولايجي واذا
طلبو منه يمشيهم يقوم عليهم ويصارخ ويسوي مشكله من لا شي ويراقب ويتسمع من ورا البيبان ومع ذلك
مايبي الزواج وامه مسكينه تسمع كلامه الجارح على خواته وتبكي ومره اضرب اختها الصغيره بحديده ونزفت
وجسمها صار كله ضربات بس عشان صار خلاف بينها وبين اختها ويسحبها من الدرج كأنها خروف وقطع ملابسها
وانهارت امها وقعد يقذف بالكلام علي امه ويقولها هذولي ماتربو وشوفي طريقة لبس بناتك ودخل على ابوه
وقاله انت نايم وماتدري وش اللي يصير بالبيت ويتحرش بشغالاتهم يعني يسوي مشاكل من لاشي وهو اربع
وعشرين ساعه على النت ومره صديقتي دخلت بغرفته وفتحت التلفززيون وقلبت القنوات وشافت قنوات اباحيه
وتقول منظر مقزز لايرضاه الله ولا خلقه وتقولي انه ماينفع ولا بااي شي بس انه ياكل ويشرب ويسوي مشاكل
وينام وهم يطنشونه بس ماينفع يحب يسوي مشاكل ويدور بالبيت عشان اي شي يصير حتى خلاف بسيط
كبره بطريقته ويكره اخته الصغيره كره وحاقد عليها والناس يكرهون يجون بيتهم بسبته وبسبة اسلوبه وتعامله
لانه اذا جاهم احد يفصل النت ويقفل غرف التلفزيون ويدور عشان يتسمع لهم ومستحل كل شي بالبيت ولما
يجي احد يكلمه بااحترام
يعصب وينافخ بااسلووووب زفت وامه وابوه يهرجون عليه يعدل نفسه بس يعدل يوم يومين ويرجع اردى من اول
والله العظيم يابناااات هذي مشكلتها بالتفصيل وياريت تقول لي حل لها جزاكم الله الف خير
لان البنت كاره وجوده بالبيت بدون اي نفع كل وجوده مضره لخواته وامه وابوه وخصوصا لااخته الصغيره
وابيكم ترفعون الموضوع
tanh2009 @tanh2009
عضوة نشيطة
يلزم عليك تسجيل الدخول أولًا لكتابة تعليق.
هفو الحلوة
•
الله يهديه ويسخر قلبه لاهله والله ماعندي حل غير الدعاء لهم
الله يفرج همها يارب
مدري بس انت ذكرتي اسباب اعماله السيئه وهي المعاصي الله يهديه ويسخره لهم يارب
المشكله يبي لها احد يتدخل هي لوحده مالها الا الدعاء والصبر
وربي قادر عظيم يرفع عنها البلاء وتعمل اسباب مثل اذا تقدر تردعه وتوجه حلو وتستعين باحد من اقاربها له سلطه
الله يسرامورهم يارب
مدري بس انت ذكرتي اسباب اعماله السيئه وهي المعاصي الله يهديه ويسخره لهم يارب
المشكله يبي لها احد يتدخل هي لوحده مالها الا الدعاء والصبر
وربي قادر عظيم يرفع عنها البلاء وتعمل اسباب مثل اذا تقدر تردعه وتوجه حلو وتستعين باحد من اقاربها له سلطه
الله يسرامورهم يارب
الصفحة الأخيرة