تكفوووون ياحريم ساعدووووووني قسم فيني الصيـــــــحه تكفون تكفون تكفون

مرحبا بنات

كيفكم عساكم بخير


حبيت اعرض لكم مشكلتي وبجد محتاجه لمشورتكم



يا اخواتي انا الحين لي سنه من تزوجت
بداية زواجي كانت كويسه لين حملت وكان يعاملني زوجي معامله كويسه مره

من جبت الولد وهو يتغير تقريبن


المهم المشاكل كثير وانا امشيها ما ابي اسوي من الحبه قبه


انا زوجي مايهتم للصلاة كثير ولا يهتم بمظهره بلحيل ولا بريحته


كل هوشاتنا على الصلاة والاهتمام

ويزعل ويطلع من البيت يقول عيفتيني ومدري وشو


يدخن ويشيش وبرضو يصير هواش على هالشي



انا الحين ابي ابدا بالمشكله اللي صارت لي


قبل اسبوع ولدي كان تعبان مرررره صدره منتكم وهالسوالف

جاني قال انا عازم زملائي قلت مو مشكله سويت ذاك العشا والحركات يعني دلعته

زملائه يدخنوووووووووووون مررررررررررررره وهو ابو الشباب معهم


قلت له افتح الشباك والباب قال ايه وطنش لان حنا بشقه



الولد ذاك الليله انكتم مرررررره وديته المستشفى اخر الليل ومارجعنا الا الفجر


نمت قمت الا البيت حوسه من العزيمة دقيت على امي قلت بجيب الخدامة تنظف

راح وجابها

قال اانا بطلع لواحد من اصدقائي قال ماراح اطول 12 وحده بالكثير قلت مو مشكله


جت 12 وجت وحده وجت ثنتين وثلاث وانا ادق قلت وينك قال للحين عنده قلت من جدك قال ايه
وانا اسكر وانا ارسل رساله قلت فيها قسم بالله انك قليل ادب فيه واحد عنده عايله ويتركهم لا ودوامات بعد

المهم جاني النوم ونمت قمت ابي اصلي الفجر الا واناظر الا مابجنبي احد انقهررررت وانا اطلع وانا اطل على مجلس الحريم الا نايم فيه وانا انقهررررررررررررررر



المهم صليت ورجعت نمت



جا من بكرا ورجع من الدوام قلت ليه ماجيت تنام عندي


قال ادري انك زعلانه ولا ابي انام عندك


قلت اصلن كنت نايمه وبعدين شدخلك نام بمكنك ولا تحاكيني


المهم قلت يالله دامك طالع معزوم نزلني عند اهلي انا والخدامه


نزلني عند اهلي وعلى ذيك التنزيله انتظر يدق مادق ادق على جواله مقفل مافيه شبكه

لين جت الساعه 3 وهو ماجا وانا انام

جا من بكرى وانا ادق عليه قلت له ليه ماجيتني قال انتي تقولين انا بنام عند اهلي الخميس قلت ايه ماقلت الاربعا
قال ان جبت واحد من اصدقائي ونام عندي من القهر تهاوشت وسكرت السماعه


توقعو انه الى الحين مادق ولا شي


والصدمة اللي صدمتني ان اخوي جاني وسألني عنه وانا مو مبينه لهم قلت مدري عنه
قال لي اخوي دقي على زوجة خويه لانه يدق على رقم زوجي مقفل

دق على خوي زوجي قال له مامعي الا رقمين اعطاه الرقمين اللي هم اللي معاه الحين ورقم قديييييييييييم له اللي على قوله انه قاطعه

جاني اخوي قال اني دقيت على ارقامه مقفله مع ان خويه يقول انه على الرقم القديم مرسل له


وانا انهبل وانا اخذ الرقم القديم واروح ادق الا ودق الا وهو يررررد وانا اسكر



شرررررررررررررررايكم ليش يفتح شريحته القديمه يعني اكيد ان له خويات من قبل ويبي يرجع لهم



والى يومكم مادق ولا ارسل رماني عند اهلي وماهو مهتم حتى سؤال عن ولده ماسأل ماهتم



قسم فيني الصيحه

ساعدوني وش اسوي


انا منبهه على ابوي وامي انهم مايسوون شي لين هو يدق




بس تكفووووووووووووون ساعدوني وش اسوي