تكفوووون ياهل الخير ادخلو شاركوني مشكلتي

انا تزوجت ولد عمتي واعرفه ويعرفني بصفه عامه بين الاهل وكلامهم وانه كويس لاكن بعد الزواج انصدمت انه شخص فوضوي وماعنده مسؤلية اول ماتزوجنا حملت بعدها بشهرين في ولدي الله يرحمه وفي بداية هذي الشهرين اكتشفت فيه اشياء غريبه تصرفاته واسلوبه اسلوب واحد مو واعي ولا ناضج على اتفه سالفه يعمل مشكله ووصلت مرحلة انه يمد يده علي طبعاً لما مد يده علي لدرجة اغماء علي وعلمت اهلي واتصلو في اهله وقالو لهم اخذو البنت عندكم لان اهلي كانو في منطقه ثانيه بعيده وبعدين انحلت المشكلة وقالو ارجعي وان شاءلله مايكررها طبعا كلها ايام يتغير ويتعدل شوي وبعدها يرجع ابو طبيع والله العظيم انه عقدني عشان اسم الولد اللي في بطني انا كان في بالي اسم وهو في باله اسم حاولت اخليه يغير رايه مارضى وتنازلت وقلت يلا اهم شي البيبي بصحه وعافية ووصلت حملي بالشهر 5 وصار بينا نقاش خفيف وهو قام رفع صوته علي وظربني كف وعلمت اهلي ونفس الحكاية كلمو اهله وقالو لهم خلوه يجيبها مثل ماخذها من بيت اهلها معززه مكرمه يرجعها وجا ابو زوجي واخذني عندهم البيت وقام قالي اجلسي عندنا كم يوم وريحي وكلم اهلي وقالو مايصلح نخرب بيتهم ومادري ايش ووووو والخ قالو ارجعي بيتك وانشاءالله مايكررها طبعاً انا رضيت لاني حامل وخفت تكبر السالفه توصل للطلاق وانا حامل وحرام البيبي صبرت المهم فجأة ترك وظيفته للمره الثانيه من يوم خذيته وقال انهم هم استغنو عن خدماته ومادري ايش واسباب كثيره قلت يلا الرازق الله وعشنا ايام صعبه يابنات والله العظيم انا حامل بشهري السادس ماكل غير وجبه وحده وماجيبيها لي الا نهاية اليوم من عند اهله او يطلب فلوس من اهله ويجيب اي شي اطبخه او جاهز والبيت فاضي وكان يقول انه يدور وظيفه لكن ماشفت شي وفجاة وانا بالشهر السابع جتني ولادة مبكره بسبب سوء التغذية والنفسية تعبانه مره وولدت في ولدي فجاة وماقدرت اروح لاهلي لان الطفل من الخدج وضل بالعناية 28 يوم وطلع واخدته ورحت لاهلي ولفكره زوجي كل هالفترة بدون وظيفه ولا سياره ولما ولدت رحت جلست عند اهل زوجي بس 6 ايام ومارتحت لان عندهم عيال كبار وبعدها رجعت بيتي رغم اني مسويه قيصيريه وكان يخليني اطبخ الفطور وانا مسويه عملية وحرارة المطبخ وتألمني عمليتي المهم بعد ماطلعت ولدي من الحضانه رحت لهلي جلست عندهم شهرين برضاه هو ريحت بالي وكانو يساعدوني بالبيبي لاني كنت مسويه قيصيرية ونفسيتي تعبانه والبيبي تعرفون يبيله رعاية مع انه عمليتي خلاص تشافت بس نفسيتي كانت تعبانه المهم بعد عشر شهور قدر الله ان ولدي يطلع مصاب بمرض وراثي وظل بالعناية المركزه سنه وكم شهر على جهاز تنفس صناعي وفجاه قالو لنا توفى وانا يابنات كل يوم كنت ازوره كل يوم كل يوم اول شهرين من دخوله العناية ماتركته ولا طلعت من عنده بعدها امي هاوشتني قالت لو ظليتي عنده مابتسفدين شي ارجعي بيتك وانتبهي لبيتك وزوجك وطبخك وبعد ماتخلصين روحي زوريه واجلسي عنده وفعلا ضليت تقريبا سنه كامله على هالحال وهو واهله كانت تصير مناسبات يقولون لي روحي معنا الزواج او المناسبه اقول ياعالم كيف تبوني اروح زواج او مناسبه وولدي قطعه مني بين الحياة والموت والله العظيم كانت نفسيتي تعبانه اوقات بالسياره زوجي لما يوصلني ازور ولدي يخليني انزل ودمعتي على خدي انا كنت هذيك الفترة مره حساسه وابكي على اي شي وهو كان يضغطني حيل بالذات لما اقوله انزل معي خله يشوفك لانه كان يفهم كل شي ويعرف انا امه وهذا ابوه يرفض يقولي مشغول او بروح العب كوره!!!!! او او تخيلو يابنات انا هنا ابكي واتألم حيل انا الان بعد وفاة ابني وزوجي ماعنده وظيفه طول هالفترة مو قادر يوفر اساسيات الحياة كنت اطبخ الرز مع مويا واكل والحمدالله نعمه بس انا الان نفسيتي متدمره وتعبانه وش اسوي انا عند اهلي ورفضت الرجوع له اخاف احمل منه واجيب عيال وتكون معاناتي نفس المعاناة لا تقدير لا احترام ضرب واهانه ترك الديره هذيك وجا الديره اللي فيها اهلي على اساس يدور وظيفه والان صارلنا اكثر من 5 شهور عند اهلي هو ينام مع اخواني برا والمصيبه لما بنامون يطلب انه يجامعني وانا رافضه هذا الشي رفض تام لانه ماعنده وظيفه ولا قادر يوفر لي اساسيات الحياة بيت ومصرف مافي جالسين عند اهلي ويطلب يجامعني ويطلب اني اجيب عيال وحنا في نفس الوضع انا ودي انفصل عنه واتطلق بما انه ماعندي اطفال بس كيف افاتح اهلي بتلموضوع ساعدوني انا نفسيتي تعبانه وحياتي متلخبطه ماني عارفه افكر