تكفووووون ادخلوا ساعدوني 😢

السلام عليكم ورحمة الله وبركاته ..
اخواتي راح اطرح عليكم مشكلتي واحاول الاختصار قدر الإمكان وساعدوني لو بكلمة او نصيحة اعلم تماما انه هنالك اخوات في المنتدى اكثر خبرة مني في الحياة ياليت مايبخلون عليا بنصائحهم .


موضوعي انا وزوجة اخوي أصبحت علاقتي فيها سطحية ورسمية بعد ماكنا مقربات جدا بس حصلت مشاكل بيننا وانا قررت الابتعاد عنها وأعاملها برسمية وبما يرضي الله وأريح دماغي وفعلا الحمدلله ارتحت كثير بهذا الموضوع .
لكن امي وزوجة اخوي مع الأسف يعشقون المظاهر وانا عكس ذلك يعني لدرجة امي تعمل حفلة لزوجة اخوي في البيت عشان تعرفها انها راح تصور قدام الناس وتمدحها لكن انا مالي في هذه الامور ولا فكرت بنظرة الناس ورايهم يعني أعيش اللحظة فقط فهذا اللي سبب غلط كبير عند الناس .
وامي اساسا علاقتها بزوجة اخوي مش حلوه لكن خلف الكواليس ودايما تسبها في البيت بس قدام الناس تمدحها وتصور وإهداءات اللي يتابع سناباتهم يقولون علاقتهم قويه ماشاء الله وهم في الحقيقة بيت اخوي جمب بيتنا في نفس العمارة وعمرهم ماطقوا الباب على بعض الا في مناسبة بس .
وانا شخصيتي واضحه جدا وشفافة ولا اعرف امثل أبدا ممكن عشان كذا أقع بمشاكل والبعض ياخذ عني فكرة غلط .

وبعض من أقربائي لاحظوا الفجوة بيني وبين زوجة اخوي وعرفوا باللي صار ولاحظوا عكس ذلك حسب السنابات والتصوير قوة علاقتها بأمي
ف صارو يقولون انا اللي اساس البلا وانا اللي فيني وفيني عشان امي علاقتها كويسه فيها مو مثلي ف تشوهت صورتي بسبب السناب
والله لو مافي كاميرات وتصوير كان امي وزوجة اخوي مادروا عن بعض بس هم يعشقون المظاهر ومدح الناس لهم .
وانا ابكي وادعي ربي وحده يعلم الحق فين تعبت من أقنعة الناس
حتى الناس المقربين ماسلمت منهم الله المستعان
وامي الله يهديها من كثر حبها للمظاهر ومديح الناس صارت ماتحس انه هذا الشي يضرني ويشوه صورتي لكن الله كريم 😢