تكفووووون ادعووا لأختي..نزيف داخلي

السلام عليكم
والله إني متلخبطة مو عارفة من وين ابدأ
لي يومين وأنا احلم في أختي وهي تمر بظروف صعبة مع اهل زوجها الله يأخذ حقها منهم وهي عند أهلي الحين
قبل شوي دقت علي أختي الثانية توأمها طبعا قالت أختي تعبانه وفي المستشفى منومة أنا انفجعت وش فيها
قالت هي تعبانه من يوم الجمعة تحس بألام في بطنها زي الغازات وهي تحسبه إمساك وماعطته اهتمام وكل يوم الام يزيد
الين جاء اليوم الاثنين الظهر قامت تعبانه ماتقدر تمشي ومكتومة وتحس قلبها يعورها
رااحت مستشفى خاص وسووا لها اشاعات وتحاليل قالت لها الدكتورة وضعك حرج ما أقدر أسوي لك شئ حولتها على أخصائي قالها لازم عملية الحين على طول دقت على أمي وأبوي وراحوا لها أخذها ابوي ودها طواري اليمامة والتحاليل معاهم وقالوا على طول عملية لقوا عندها نزيف داخلي وكييس على المبيض وحمل خارج الرحم وارتفاع في هرمون بس ما أدري أي هرمون باقي ما أخذت التفاصيل منها
وسووا لها العملية الساعة 7وربع العشاء عملية قيصرية ووقفوا النزيف وشالو الولب
والحين حالتها مستقرة
كلمتها قبل شوي مسكتني العبرة كنت بأبكي صوتها متغير مرة وتعبانه مره تقولها الدكتورة انتي كنتي حامل من شهر عشرة علمن إن الدورة جتها في شهر 10و11بس تقول خارج الرحم وكان عندك كيس على المبيض وانفجر داخل رحمك لو تأخرتي شوي كان رحتي فيها
ونقلوا لها دم
والله إني خايفة عليها توني أكلم أهلي ولدها يصيح يبغى أمه هو متعلق فيها مره وأبوه مو هنا
يارب تشفي أختي وتقومها بالسلامة وتخليها لعيالها يارب
سامحوني كلامي ملخبط والله أكتب وأنا ارجف مو مصدقة