ألوان خشبيه @aloan_khshbyh_1

محررة

تكفووووون طمنوني الغده الليمفاويه عند بنتي !!!!!

مساء الخير عليكم يابنات ..

والله أكتب الموضوع ودموعي على خدي ..

بدخل بالموضوع على طوووول ,,

بنتي عمرها 6 سنوات تقريباً كان عندها إلتهاب الأسبوع الماضي بحلقها وكان فيها حراره أعطيتها خافض بس من

غير المضاد وبعدها أنتفخ عندها تحت أذنها بالرقبه وصار يألمها وبعدها خف ..ومن أمس طالع لها عالجهه الثانيه

لكن هالمره كبييييره ,,

اليوم وديتها الدكتور وأول ماشافها ياسااااتر << طاح قلبي والله من هالكلمه

وبعدين قال عندها إلتهاب باللوز وهذي غدد لمفاويه وخذي المضاد وخمس أيام وراجعيني وإذا ماخفت نسوي لها

أشعه سونااار ونسوي تحليل دم ..

أنا قلت لايادكتور أبغى أسوي اليوم الأشعه والتحليل أبغى أتطمن عليها ..

رحت سوينا التحليل والأشعه ودكتور الأشعه حسبي الله عليه خوفني وقال حجمها كبير مررره ,,

قلت طبيعيه قال طبعاً مش طبيعيه مش شايفه حجمها ..والله يابناااات مت من البكاء وزوجي يقوله يمكن من

البارد تشرب بااارد وآيس كريم مع العلم هي ماأكلت آيس كريم بس زوجي كان يبغاه يقول أيوه عشان أسكت

قال الدكتور لا ماله علاقه البارد والآيس كريم تعالوا دورواعلي زاااد البكاء ودموعي غرقت غطااااي ..

وبعدين أخذنا الأشعه ورحنا للدكتور وزين لحقناعليه لابس بيطلع أنتهى دواامه ,,

شاف الأشعه وقلت خير يادكتور قال إن شاء الله خير قلت ترا دكتور الأشعه يقول كذا وكذا ..

قال هو دكتور أشعه وبس وهذي غدد وبنتك مو اول طفل يكون عنده تضخم بالغدد الليمفاويه وعطيها المضاد

وأشوفها بعد5 أيام ..

ولو ماتشافت نحولها على دكتور جراحه ..

شاف دموعي وقال أنتي أيه الي ببالك أورام سرطانيه لاقدر الله لاتفكري بهالشي أبداً ..

و99% أنها سليمه ومافيها شيء ..

وبكره نتايج التحليل ..ادعولها تكون سليمه ومافيها شي ..

بنات والله أكتب ودمووووعي تهل ,,

طمنوني الله يحفظ لكم كل غالي ..

مين مرت عليها نفس حالة بنتي ؟؟ تقووولي وتطمني ..
راحت وكيف كان علاجها ؟؟

والي ماتعرف ترفع الموضوع بدعوه ..

المشرفااات أمااانه لاينقل موضوعي أبي أحد يطمن قلبي على حبيبتي ..

84K

يلزم عليك تسجيل الدخول أولًا لكتابة تعليق.

تسجيل دخول

ألوان خشبيه • 13 سنة

لا إله إلا الله

ذكرى الحبايب • 13 سنة

لاتخافين حبيبتي هذي يسمونها الغددالالتهابيه وعملهاتجمع الجراثيم
وهي تلتهب اذاكان فيه التهاب في الحلق اواللوزاوالاذن اوالاسنان انادايم تلتهب عندي اذاتعبت وبالمضادالحيوي تتعالج وخلاص ترجع الغددزي ماكانت
الله يطمنك على بنتك ويخليهالك

ألوان خشبيه • 13 سنة

ذكرى الحبايب :

لاتخافين حبيبتي هذي يسمونها الغددالالتهابيه وعملهاتجمع الجراثيم وهي تلتهب اذاكان فيه التهاب في الحلق اواللوزاوالاذن اوالاسنان انادايم تلتهب عندي اذاتعبت وبالمضادالحيوي تتعالج وخلاص ترجع الغددزي ماكانت الله يطمنك على بنتك ويخليهالك

لاتخافين حبيبتي هذي يسمونها الغددالالتهابيه وعملهاتجمع الجراثيم وهي تلتهب اذاكان فيه التهاب في...

الله يسعدك يااارب ..

بس كانت عندك كبيييره ولا زي حجم اللوز ؟؟

إذكروا الله 333 • 13 سنة

لا تخافين ياعمري بنتي عمرها ثلاث سنين ونفس الحاله جتها وتورم اللي تحت اذنها بشكل يروع ووديتها للدكتور سعد القويز ممتاز للاطفال انصحك روحي له اذا انتي بالرياض وقال هذا اول يسمونه ابو كعيب يجي الاطفال وحرارته تروع ماتنزل عن 40 وعطاها ابر مضاد ثلاث ايام وتحاميل روفيناك ممتازة جدا وبعده عطاها شراب مضاد وطولت والله ماراح الا بعد اسبوعين وحتى بالليل ماتنام الالم كل يوم يزيد كانت تجربه تروع ماانام بالليل وخفت من الاورام الله يكفينا شرها وسوينا تحاليل لصورة الدم والحمدلله سليمه بس اقري عليها يقولون الحريم الكبار انه يجي على سبب

طيبة 11 • 13 سنة

الله يشفي بنتك بنت اختي كذا انتفاخ بعد التحاليل طلع
ورم سوت عمليه وجلسات كيماوي بس الحين احسن
الحمدلله على كل حال الله يشفي بنتك وجميع مرضى
المسلمين ان شاء الله بنتك مافيها الا كل خير دعواتكم
لبنت اختي بالشفاء