تكفووووون لحقوووووني ابي مساعدتكم بسرعه

صباح الورد والمسك عليكم اجمعين:27:

اشتقتلكم موووت والله اختكم بورطه:06: وابي حل لها
مشكلتي ان عن قريب ان شاء الله راح يجي مهري طيب عقبال الحبايب اجمعين والمشكله اني مدري وش اسوي ومدري وش اهبب فيه خايفه افسفسه من غير فايده:44:

ابي مساعدة ذوات الخبره تكفووون ياخواتي ابي تعطوني جدول معين كيف اقسمه بحيث اقدر استفيد منه بشكل طيب وشلون وش ابتدي اشتري الاقمشه الذهب البدل محتاره مرررررررره
انا عندي خبره الحمد للله بالشراء بس مقدر اتصرف بهذا الامر انا متعوده اشتري اشياء بسيطه مو مره وحده كل شي تكفففون دلوني بعد عندي طلب صغير من حبايب قلبي ادري زودتها بس وش اسوي انا من الاحساء اوكي ماعندنا محلات كثيره ابي اسماء محلات مناسبه للفساتين الجاهزه الاقمشه ملابس النوم وعذرا على الصراحه
والشنط والجزم بس في الشرقيه او الرياض بالكثير
واسماء مصمم في الدمام سبق واحد تعامل معه ممتاز عنده افكار جنونيه حلوه للفستان الخطوبه ان شاء الله يعني حركات غريبه ومحلات الاكسسوارات اللي عندها اشكال غريبه غريبه جدا واكسسوارات هنديه بعد تكفوون ردو على بسرعه الله يوفقكم مع ازواجكم

حباااايبي انتوووووووووساعدوني:(