تكفووووون محتاجتكم ساعدوني حياتي مالها معنى ابغى حد يشور علي

صباح الخير للجميع
تكفون يا اهل الحكمة و الراي السديد شوروا علي ولو بكلمة انا اول مرة انزل موضوع ف اعذروني عالاسلوب
انا معلمه من سنتين جا تعيني في شهر العسل ::06: ومن يومها حياتي مكررررررركبه
و زوجي وظيفته في مدينه ثانيه و نقله صعب' و انا وبنتي عند اهلي >>> عشان وظيفتي
وانا ما احب التدريس مرررره ابدا ابدا مايصلح لي ولا اصلح له
وانا احب زوجي مووووت و ما اقدر ابعد عنه و هو نفففس الشي و يمكن اكثر من صغرنا متعلقين في بعض والحمدلله كل واحد مخلص للثاني و علاقتنا تمام الحمدلله
اللي اابغى اقوله باختصار اني ابغى أففففصل من الوظيفه
ودي اكون مع زوجي' ماودي بنتي تبعد عن ابوها اكثر من كذا ودي تتربى بين ابوها و امها زي كل الاطفال والله انقلبي يتقطع لما اشوفها ما تجلس معاه و كانه غريب
والشي الثاني لو فصلت ماراح امل من جلسة البيت بالعكس بمارس هوايتي اللي هي الرسم و اقدر حتى ابيع لوحات غير كذا لاتقولون اني بحتاج فلوس و مدري ايه زوجي مو مقصر علي بوظيفتي و بدونها اصلا ما ياخذ من راتبي شي بالعكس يزيد عليه وانا اصلا مو لاقيه نفسي في التدريس الزفت والله اني تحطمت و صرت انسانة كئيبه من بعد ما كنت متفائلة و مبدعة بشهادة الجميع
ابغى ارتاح نفسيا مع زوجي ودي استقر ياناس ودي تمر سنه وانا مستقرة في بيتي اسوي فيه اللي ابغى خلاص ابغى اعيش زي ما احب انا مو زي ما الناس تحب
اللي مو مخليني افصل اهلي
امي شديدة و عسرة في ذا الموضوع
و الوالد بعد اكثر و اكثر
و نظرة الناس وش يفكني من اسئلتهم كل شوي ليش فصلتي و ليش فصلتي بتندمين مالك الا وظيفتك تحمدي ربك غيرك يتمنى>>> اوكيه غيري يتمنى لان ظروفه صعبه او الوظيفة هذي تناسبه او يبغاها كمتنفس لكن انا لا لا لا سعادتي في البييييييييت انا انسانة بيتوتيه جدا و احب استمتع بوقتي في البيت و تعاستي في شي اسمه تدريس و دوام كل يوم غير الضغغغوووووووط اللي ع المعلمة و الكل عارفها
اتمنى تكونوا فهمتوني لاني احس ماعرف اوصل اللي في بالي
تكفون شوروا علي اتنازل عن التدريس في سبيل سعادتي و اني اعيش حياتي زي ما احب؟
و لا لأ؟؟؟ يعني لو كنتو مكاني وش بتسوون
لا تقولون اصبري لان الصبر مل مني
ولا تقولون بندم باذن الله انا واثقة ان سعادتي في بيتي مع عايلتي امارس هواياتي و مرتاااااحة نفسيا
بصراحة خايفة اموت وانا لاني اللي استمتعت بحياتي و لا اني اللي استفدت شي و اكثر شي متعبني ضميري مانبني على بنتي ليييييش تتشتت معانا وعلى ايييش ذا كله والله والله الوظيفة ذي مو جايبه همها ولا استفدت منها شي بالعكس هم و غم و نكد
كيف اعيش سعيدة وانا بعيدة عن الانسان اللي اعتبره كلللللل شي في حياتي؟ تعبت من السفر و التنقل و نجلس مع بعض كم يوم و بالاشهر بعيدين؟ واذا كنا مع بعض نشيل هم لحظة الوداع ًً.. و هكذااااا

ادري طولت عليكم بس تكفون ساعدوني وش اقول لامي؟ لاني بجد خلاااااص ابغى افاتحها بالموضوع؟ و ايش اقول للناس اذا طفشوني بأسئلتهم؟

حلفتكم بالله لاااااااتطنشوني يمكن بعضكم يشوف ان مشكلتي تافهة بس والله اني في هم لا يعلمه الا الله و ليلة امس ماااانمت داومت مواصله و عيوني حمر من البكى

ودي تحكمون بقلوبكم و عواطفكم في نفس الوقت
و جزاكم الله كل خير و حقق امانيكم و جمعكم باحبابكم
انتظر ردودكم ع احر من الجمر