تكفووووون وش اتسوون لو كنتوا مكاني ....؟

السلام عليكم ورحمة الله وبركاته

بنات الله يوفقكم وييسر اموركم ودي بحل حكيم ومريح لمشكلتي اللي ذبحتني من الهم والتعب

انا الله يسلمكم والده لي شهر واسبوع وجلست عند اهلي تقريبا ثلاث اشهور وعن قرب برجع بيتي .. جلست هالفتره عن اهلي لاني اراجع في مستشفى في نفس منطقتهم غير اني كنت تعبانه بحملي

المهم قبل اسبوع تقريبا قلت لزوجي وانا امزح وظفني عندك قال وترضين تشتغلين مع رجال قلت وش فيها اذا كان للشغل قال وين الحيا وانا لو اجلس من غير شغل ما خليتك تشتغلي بمكان مختلط قلت ايه انا امزح والوحده تخاف من ربها اللي يراقبها

بعدها بيوم قال ان اهله جايين عندي وانهم جايبين خدامتي قلت له اذا مو مسويه الفحص الطبي لا تجيبونها قال هم جو وجابوها خلاص قلت انا بكلم امك انهم يرجعونها لان الموضوع خطير ماهو زين تجلس بينا وهي مو فاحصه قال لا تقولين شي لان ابوي راح يعصب انا ارجعها بعدين قلت وشو اترجعها انت وهي لوحدكم ولمسافة طريق تقريبا ساعتين قال ايه ما فيها شي المهم بعد ما قفلت ارسلت له مسج قلت له اني ما توقعت يطلع منك هالكلام ( خاصه انه ملتزم) ارسل لي وانتي بعد تقولين انك عادي تشتغلين مع رجال وانتي لما نطلع ما يطلع صوتك ويرتفع الا لما فيه رجال وما تغلطين عيونك لازم انا كل شوي اقول لك غطيها وانتي لازم تكونين احرص على سترك وحياءك ( هذا كلامه رغم اني البس قفازات وعباتي واسعه وحاطه غطوه على عيوني) وربي ان كلامه للحين في بالي موقادره انساه ابد كل ما جيت احط راسي على المخده اتذكر كلامه

انا يوم اني ما اركب السياره مع اخوانه من حياءي جا وهاوشني قال لي عادي ما فيها شي تركبين معهم الحين جاي يتلكم على حيائي يا ناس انا من جيت من بيت ابوي وانا محتشمه ومعروف عني اخلاقي وحيائي غير اني من جماعه كلها اهل دين وملتزمين لله الحمد مقهوره كيف يقول اني ارفع صوتي عشان الرجال يسمعوني غير انه من اول قال لي انتي تناظرين الرجال بنات ان كنتوا مكاني وش راح اتكون ردة فعلكم من هذي اللي بترضى ان تنطعن كذا
دريت عليه قلت له اني لو بغيت هالشي ما سويته بحضوره كان سويته من وراه خاصه انه تاركني مع عيالي لوحدي في البيت

بعدها كان مقرر يسافر وجا عندي وانا ما بينت له شي وكان هو زعلان بس انا عديت الموضوع عشان ما يسافر وهو متضايق مني ولما رجع كلمته يوم بعد رجعته واليوم اللي بعده ما تصل ولا اتصلت واللي بعده اتصل بس انا ما قدرت ارد عليه لاني ما شفت المكالمه واللي بعده اتصلت انا وما رد واليوم اللي بعده ما اتصل ولا اتصلت وجاني وهو معصب عشان موضوع الاتصال بس انا مانقشته ابد ولا كلمته وكلمني جلس مع اهلي واخواني وتغدى وراح على المغرب

الحين يا بنات وش السواة معه ادري طولت عليكم بس ابي حل وش اسوي