تكفووووووون ساعدوني

يا هلا ومرحبا بالاميره

اميره انا بقولج سالفتي.. لما دخلت الكليه تلاقيني منطويه على نفسي...

ما عجبني الحال .. تعرفت على البنت اللي تقعد قدامي

وبعدين توسعت شويه لين ما تعرفت على البنات كلهن اللي بالفصل

وانقلت للفصل اللي عدالنا وهكذا .. خليت فيني شويه جرء ه

والحين والحمد لله تغلبت على الخجل اللي فيني .. وصرت اجتماعيه لأبعد الحدود

يعني هالشي ما يبغي منج إلا المبادره

بسم الله الرحمن الرحيم

هلا وغلا باختي الاميرة الخجولة

والله يا اختي معاناتي مثل معاناتك لكن اتوقع انا اجرأ منك

بحيث اني تزوجت خخخخخخخ

شوفي ماقدرت اكمل دراستي وكله من الخوف

اخاف اني اوقف قدام الطالبات واشرح

انقطعت عن الدراسة ثلاث سنين

وش طلعت بفايدة ؟؟؟

تطلقت ولا كملت دراستي

يعني فشلت اكثر من اول

قررت باذنه تعالى

اني اكمل دراستي ولا اعير للخجل هذا اي اهمية

راح اضغط على نفسي في سبيل اني ارتقي بنفسي للعلياء

صحيح الدرب مو سهل

لكن

نحاول ونحاول لحد ماننجح

دعواتي لي ولك بالتوفيق وان الله يسدد خطانا...

موفقه حبيبتي :27:

هلا فيج
اول شي اختي غيري النك نيم و شكلي كلمة خجولة من حياتج

كله قولي انا مو خجولة
كله اعتمدي على نفسج و ضغطي على نفسج مرة مرتين و مع الايام راح تتعودين

انا مثلج ولحد الحين خجووله والخجل بزياده مو حلو :(
مثلي انا كليتي يعني تتطلب مني اني اقدر عروض برزنتيشن في كل ماده وصج اني اخاف حييل وانحرج اني اوقف جدام الدكاتره والطالبات الي يمكن اعرفهم لكن يظل فيني خوف ورجفه وارتباك وتأتاه مو طبيعية :( وصارلي الحين سنتين ورايحه ل 3 وخايفه لاني لحد الحين ماني قادره اسيطر على انفعالي وارتباكي واتمنى القى حل لاني ودي ارتاااح مثلج :( يالله يا بنات بليز ساعدونا عشان نكسر هالخجل

الحل بيدكم انتم

1-لاتقولين عن نفسج خجوله لان العقل الباطن يصدق اى كلمه تقوليينها وينفذها يعنى قولى انا جريئه وراح يتبرمج عقلج وتصيرين فعلا جريئه


2-الاخت زهراء تقولج قولى انا مو خجوله وهالكلمه غلط لان العقل يحذف كلمات النفى (مو/خجوله) اهو يحذف (مو) وياخذ كلمه خجوله يعنى ماستفدتى شى كانج برمجتيه مره ثانيه للخجل

3-كل بنت عقلها يصبح على ماهى تتوقعه اذا توقعتى انج قادره توقفين جدام البنات وتشرحين راح فعلا تقدرين

4-الى تعانون منه معتقد سلبى انه انتم خجولات وانكم ماتقدرون تواجهون احد من الخجل وهالمعتقد غلط انتم الى حطيتوه براسكم وانتم الى تقدرون تمسحونه من عقلكم وتحولونه لمعتقد ايجابى (انا اقدر اتكلم واتناقش واشرح انا قويه انا جريئه 000) كلمى عقلج اللاواعى وبرمجيه على حسب الشى الى تبينه


5-فكرى بينج وبين نفسج لو استمريتى على خجلج شراح تخسرين !! طبعا تخسرين دراستج واشياء كثيره مثل الزواج وفكرى لو تحديتى هالخجل شراح تكسبين!! طبعا بتكسبين حياه افضل مستقبل مشرق دراسه متفوقه فيها زواج سعيد وطمانينه وراحه بال اكثر واكثر



انا اؤمن وابصم بالعشر ان كل بنت فيكم قادره تتغلب على هالخجل خلال يوم واحد بس بامكانج تقعدين مع نفسج وتفكرين فى كلامى وتعرفين ان الامر سهل جدا وبيدج انتى الحل فى التغلب على هالمشكله وتحويل المعتقد لسلبى الى ايجابى


محد بيقدر يساعدج 000انتى الى تساعدين نفسج لان محد فينا يقدر يدخل داخل عقلج ويبرمجه انتى بس الى تبرمجينه وتغيرينه وتعالجين مشاكله

وعلمينى شصار معاج وتمنياتى للجميع حياه افضل بدون خجل وبدون عائق يمنعكم تكمله مسيره حياتكم