أولا حمد الله على سلامتك ......
أنا بصراحة مريت بنفس الحالة ببنتي وكانت على قولك مثل الاكتئاب حتى بيتي كنت بغيره
لولا أمي الله يخليها كانت تواسيني و أعتقد هيا حالة معظم الحريم يمرون فيها و أعتقد السبب وجود طفل جديد ومسؤلية على عاتقكي يمكن صعب تتحملينها بس إنتي تعوذي من هذا الوسواس و حاولي ماتجلسي لوحدك و اشغلي نفسك بأي شيء يونسك ...... وسلامتك .

مشكوورين الله يخليكم يارب

طيب التفكير بالمووت واحس اني ما راح ارجع كد مرت في احدكم

انا قريت انه تجي بس مدري ابي احد مجرب

السلام عليكم ورحمة الله وبركاته
حبيبتي تطمني ان شاءالله أعراض بسيطه للقلق والخوف وتروح دايما الهرمونات في الجسم بعد الولاده ترجع لوضعها الطبيعي فتسبب هذي الأعراض
كثري من الدعاء أختي خاصه في جوف الليل لأنك تسهرين مع المولود فهي فرصة لمناجاة الرحمن وأشغلي نفسك لاتستسلمين لأي هواجس غيري مكانك وروحي لخواتك أمك سولفي معاهم
تراني مريت بحالتك وحسيت خلاص أني بموت وكله تفكيري بالموت وخفقان في القلب وأحس بأن ملك الموت بجيني وأحلامي كله بالموتى بس كلها والله وساوس للشيطان لا تستسلمين لها
دااايما قولي في نفسك مجرد تغير هرمونات ومرحله وبتعدي
ياعمري تراني ماعرفت شفيني جلست أربع سنوات وآنه كل شوي تطب علي نوباات الهلع
وفي الاخير ربي كتبلي الشفاء سبحانه مسبب الاسباب .

عذريني طولت عليج بس حااااسه فيك ياعمري وماودي تستسلمين للوساوس مثلي
الله يفرج همك وينفس كربك وكل شي تحسين فيه قوليه لأقرب شخص ترتاحين له لاتكتمين في نفسك.

الله يجزاكم الف خير يااارب