السلام عليكم
الحمدلله وإليه المشتكى والله المستعان ولاحول ولاقوة إلابالله العلي العظيم
يبنات الله يجزاكم الجنه ......صديقتي الروح بالروح دقت علي كانت تبكي بكاء يقطع القلب
طبعا صديقتي هي اصغر اخواتها عمرها18سنه مات ابوها وعهمرها 9سنين ......
المهم أكبر وحده من اخواتها عمرها الأن 40سنه كانت مسحوره قبل لايموت ابوها كانوا يجبرون صديقتي انها تنام معها كانت بثاني إبتدائي وقتها وكانت تخاف خوف شديد منها لان اللي فيها يتكلم وهي تصيح وتشوفهم لمايجبون لها راقي يقرا عليها ..
مع ذلك غصب عنها تنام مع اختها كانت تروح المدرسه خايفه مواصله مانامت ..
المهم
المشكله انها معذبتها من أول ماعرفت نفسها طبعا اختها تعاجت من السحر بس سبحان الله يقولون اخواتها كانت متسلطه وانانيه ومن يومها صغيره
صديقتي تقول من قبل لايموت ابوها كانت تدرس 1إبتدائي واختها تدرسها كانت إذا ماحلت الواجب ولاسوت شي غلط تروح تعلم ابوها وهو الله يغفرله ويرحمه كان شوي عصبي كان ع طول يضربها بسبب اختها
المهم رولا صديقتي اللحين تشكي شكى من اختها هذي وتبكي بكى
دايم والله العظيم بعض الاحيان تروح المدرسه مواصله بسبب اختها هذي هي وبناتها تقول المشكله لها غرفه خاصه متوفر فيها كل شي لها هي وبناتها 2 وصديقتي وامها لهم غرفه بس تحب تتسلط تحب كل شي لها تنام معهم بنفس الغرفه عناد وبانتها يصيحون ويقومون بنص الليل اللي تبي الحمام واللي تبي رضاعه تجي صديقتي المدرسه ارحمها كأنها سكرانه مانامت .... والله العظيم اختها هذي ماتنطاق الكل يقولها سبحان الله مانرتاح لها حتى زوجها جلس معها6شهور وتركها ........لأن لسانها سليط ومحد يقدر عليها
والله انها تنافق بين اخواتها وتظلم وتبهت.. صديقتي هذي كانت ترتاح لي صداقة عمر من يومنا 1إبتدائي واحنا صديقات تفرقنا ب3متوسط
قالت لأخو صديقتي رولا ان بيننا إعجاب
ويشهد الله اللي رفع سبع ونزل سبع وهو الأن قادر انه ياخذ روحي ان كانت بيننا صداقه عاااااااااااااااااااااديه امها تعرف امي وااخواتها يعرفون اخواتي ويروحون عندنا ونجي عندهم طبعا اخوها يوم عرف ضربها ضرب تحلف بالله ان الضرب علم بجسما كله ملعنه وغيره عشان عندها صديقه من زمان واختها هي اللي تنفر الناس بإسلوبها الشين وسلاطة لسانها غضبانه طول الوقت
طبعا كل صيفيه تجي وحده من اخوتها ساكنه بالدمام تشوف الظلم وتسكت وهي مدرسة دين
والله دايم صديقتي تنظلم وتنبهت وبالنهايه ضرب من اخوها اللي مابقلبه رحمه المصيبه ان ماينسمع رايها ولاتنسمع كلمتها تدافع عن نفسها يكسرون رقبتها لا مافيه انتي بنت وحيوانه كمان >>أسألكم بالله مو ظلم
كل شهر وكل يوم مشاكل أختها هذي تغار منها بدرجه فضيعه وتحقد على الكل ......حتى صديقتي تقول دايم اتحلم فيها واشوفها بالحلم تناظر فيني بحقد وحسد دااااااااااااايم مو يوم ولا يومين
مشكلتها اللي اللحين تقول كل وحده لها غرفه ودولاب خاص وإذا جت وحد من اخواتها من مكان غربه تفضي لها وحده من الدرف وتحط اغراضها فيها
جت اختها الكبيره وفضت وحده من الدرف لها قامت اختها الكبيره وحطت اغراضها فيها وهي عندها غرفه وفيه غرفه ثانيه لبناتها ...احس عندهم شي خصوصا صديقتي رولا احسها ماهي طبيعيه صارت تعصب بقوه وتعبانه حيل قالت لأختها عندك غرفه ودولاب وبانتك عندهم دولاب انقلي اغراضك هناك لأنها جمعت اغراض رولا اللي كانت مرتبه وحطتها بوحده من الدواليب وحاست الدنيا........قامت وحطت مصايب اختها ليه تعطين اختي الثانيه جزء من الدولاب ونا لا قالت هذيكك ماعندها غرفه ولادولاب وانتي عندك غرفتين ومو مالي عينك إلا دولابي
صارت مشكله ورولا نقلت اغراض اختها حطتها بغرفتها وصارت مصايب قالوا لرولا كلاااااااااااااااااااام ماينقال يقهر اللي ماينقر قالو بيودونها عند اخوها العصبي اللي كان يضربها مع العلم البيت الي فيه رولا وامها من حق رولا واخواتها عمروه بفلوسهم بعد مامات ابوهم واختها اللي عمرها 40 مادفعت ريال فيه
دايم تحقد على رولا انها اصغر منها واحلا منها وعندها صديقات وهي لا
وتكذب وتقول كلام الله المستعان كل شي ولاتظلم وتبهت حسبي الله عليها ونعم الوكيل .....
المشكله ان اختها كانت تستخدم حبوب نفسيه كانت زي الزبده وتركتها كذا عشان محد يعرف قامت حطت حرتها فرولا قامت ام رولا واختها قدامها يقولون لأخوها يالله اللحين نربطها وودها المستشفى الصحه النفسيه
تخيلو حتى الاكل تدسه إذا جابو من السوبر ماركت شي نص الاغراض تاخذهاعندها وهي من فلوس ام رولا ماتفسير هذه الحاله كبيره وعمرها40 :44:ولازالت بهذا التفكير حقد وحسد وغل ملء قلبها .......تحب كل شي لها
مثل فرعون يقول انا ربكم الاعلى هي تقول كل شي لي كل شي ملكي تسرق بعض الاوقات الله المستعان
اسألكم بالله ذا اسلوب ..أسألكم بالله هذي معامله لأبوها الفلوس ليه الحقد وليه الحسد
ونا اعرفها اخت رولا سبحان الله لاتقولون انتي ماتعرفينها وصديقتكي تكذب لا ورب العباد انا اشوفها حتى امي تقول ان اخلاقها شينه لانها تنفخ على الناس وحتى ع امي ونفسها بطرف خشمها ومتكبره
رجييييييييييييييييييييتكم ابي حل لصديقتي الله يفرج عنها ويفكها شر اختها ويجعل كيدها في نحرها
الله يفرج همها ويرزقها من حيث لاتحتسب اللي ترد الله يخلي لها احبابها ويخليهم لها ولا يحرمها منهم يارب
أعتذر ع الأسلوب وإذا احد مافهم القصه لاني اكتب ونا معصبه
رجاء ماابي ردود تجرح واللي بتحط رد يجرح لاترد
**بنوتة كتكوتة** @bnot_ktkot_2
عضوة فعالة
يلزم عليك تسجيل الدخول أولًا لكتابة تعليق.
@ام عبودي@
•
كان الله بعونها خليها تلجأ لربها لاملجأ من الله الا اليه خليها تداوم على القيام وتستغفر وتقرا سوره البقره وتلح بالدعاء انه يكف اذى اختها ويهديها ويصلحها ويشفيها ويحنن قلبها عليها مانجاني من الناس واذاهم غير ربي لما لجات له ودعيت بالحاح وتضرع اسال الله الواحد الاحد الفرد الصمد الذي لم يلد ولم يولد ولم يكن له كفوا احد باسماءه الحسنى وصفاته العلا ان يفرج همها ويحنن قلب اختها عليها ويهديها ويشفيها ويكف اذاها عنها ويؤلف بين قلوبهم ويصلحهم ويسعدهم في الدارين اللهم امين:26:
اذا عندك عريس زين دليه عليها خلها ترتاح وقولي لها تاخذ حذرها من اختها والله يهدي بالهم
أعوذ بالله أخت تسوي بأختها كذا
تدرين البلاء مو من البنت الحقود ألا من الأم والأخو حسبي الله عليهم ومالها إلا ربها
تدرين البلاء مو من البنت الحقود ألا من الأم والأخو حسبي الله عليهم ومالها إلا ربها
كان الله بعونها خليها تلجأ لربها لاملجأ من الله الا اليه خليها تداوم على القيام وتستغفر وتقرا سوره البقره وتلح بالدعاء انه يكف اذى اختها ويهديها ويصلحها ويشفيها ويحنن قلبها عليها مانجاني من الناس واذاهم غير ربي لما لجات له ودعيت بالحاح وتضرع اسال الله الواحد الاحد الفرد الصمد الذي لم يلد ولم يولد ولم يكن له كفوا احد باسماءه الحسنى وصفاته العلا ان يفرج همها ويحنن قلب اختها عليها ويهديها ويشفيها ويكف اذاها عنها ويؤلف بين قلوبهم ويصلحهم ويسعدهم في الدارين اللهم امين:26:كان الله بعونها خليها تلجأ لربها لاملجأ من الله الا اليه خليها تداوم على القيام وتستغفر وتقرا...
الله يجزاك الجنه ياقلبي ويوفق ويسعد قلبك ويرزقك ماتتمنين الله يخليلك زوجك وينجحه ويخليك حوريه بعينه ..الله يخليلك أولادك ويهديهم ويصلحهم ...ويشفي امك ويخليها لك ويرزقك رضاها...ويرزقكم حسن الخاتمه ياحي ياقيوم:26:
الصفحة الأخيرة