ما أدري شلووون أشكركم حبايبي والله إن كلامكم ريحني
بس أحس أن الشك وصل لمرحلة متأخرة عندي :(
أنا أقتنع بكلامكم وكلامه وحتى ساعات أنا أحاول أقنع نفسي لكن وفي لحظة أشوف نفسي أسيرة للشكوك من جديد
آه ما أدري شوصف لكم أحساسي ومقدار الألم اللي يعتصرني حتى قلبي ساعات أحسه بيطلع من صدري من كثر الخووف اللي أعانيه
ساعات تمر علي أيام وليالي ما أنام ولاآكل ولا أشرب ولا أحس بالجوع وكله أفكار توديني وتجيبني
مو قادرة أوثق فيه خلاااااااااص حتى لو قلت بنسى وبتجاهل بصراحة نفسي عزيزة علي أحسها كبيرة أنه حتى يعرف بنت في الشات ويطلب منها ايميلها هذا معناه هذي البنت نالت اعجابه
آه آه ساعات والله أتمنى الموووت على هالحياة اللي انعدمت فيها الثقة
حالي انقلب فوق تحت وحتى اللي يعرفني قبل واشوفني الحين ما يعرفني من كثر ما ذبحني الهم والتفكير
وحتى وظيفتي تركته عشانه وعشان أدير بالي عليه وعلى ولدي وبنتي
وش الضمان لي بعد ما خسرت مستقبلي الوظيفي أنه ما ينجر وارء نزواته مرة ثانية ويمكن المرة الجاية ما يصحى ضميره ما أدري احس بالضياع
الحين هو رجع من السفر وطبعا أنا قلت له عن سالفة بطاقة سوا تدرون اش قاللي
هذي أكيد واحد من الشباب طلب مني اشتريها له
يفكرني ساذجة لهالدرجة
بيشتريها لواحد من الشباب وبيحتفظ بها في محفظته الخاصة والرقم اللي فيها مكشووط يعني البطاقة مستخدمة
طبعا أنا مشيت الموضوع وقلت بافتح معاه صفحة جديدة لكن والله الماضي قبال وجهي طول الوقت
ادعو لي الله يخلصني من هالشكوك وينصلح حالي عسى الله يجزاكم على كل حرف كتبتوه جنات النعيم والسعادة دنيا وآخرة يا كريم يالله
والله العظيم إني كنت متابعة ردودكم أول بأول وأشعر براحة كبيرة وأنا أقرا كل رد وكأنكم تزيحون عن قلبي جبل من هم

مشكوووووووورين حبايبي ما قصرتوا والله ولا تنسوني بالدعاء عسى الله يفكني مما أنا فيه ويكفيكم كل شر ويرزقكم كل خير :27:

الحياه اقصر من ان نضيعهااااا في الشك والهم والقلق.............

عيشي حياتك وأنسي..........