تكفوووووووون ساعدوني 000

هلا وغلا

ممكن بس توضحين اصل الطبخه علشان نساعدج ؟؟ صينيه ، ايطاليه , هنديه ..... ؟
وشلون ناشفه والا بصلصه ؟

حبيبتي باشميل 000

فديتك والله

الأكــــــــــــله صينيه وبصراحه ماقد ذقتها بس تحدوني اني اسويها وانا متوهقه :(

تسلمين حبيبتي

ياهلا وغلا والله اني اول مره اسمع فيها هل الاسم صحيح؟يمكن سباقتي ممكن توضحين اكثر ؟

كسرتي خاطري ودي اساعدك

حبيبتي ام الطواري تسلمين يالغلااااااا على المرور

بس انا ما احب احد يتحداني خصوصا اني شاطره بالطبخ :) بس الأكله قالوا لي

اسمها .......

الشريم وذ سبايسي (( الربيان الحار ))

وتسلمين حبيبتي واللي يعرف لايقصر معاي :(

عزيزتى أخذى الطريقة وأن شاء الله تعجبك ولا تنسين تدعين لى ولبنات عالم حواء كافة .

* المقادير :
ـ أي كمية من الربيان المنظف والمفتوح من الظهر على شكل الفراشة
ـ ثوم مفروم
ـ القليل من الملح + فلفل أسود + فلفل أحمر بودر بارد ( البابريكا )+ القليل من الكركم
ـ صلصة صويا ( ماجى )
ـ القليل من عصير الليمون
ـ فلفل أخضر طازج مشرح شرايح خفيفة جدا
ـ زيت

* الطريقة :
ـ يتبل الربيان بالملح والثوم والبابريكا البودر والفلفل الأسود وصلصة الصويا ماجى والليمون والقليل من الكركم ويترك بالثلاجة لحين الأستعمال 2 ساعة .
ـ يسخن الزيت بمقله تيفال أو الطاسة السوداء الصينية العميقة .
ـ يضاف فجأة الربيان المتبل ويقلب جيدا لغاية نشفان الماء وأحمرار لونه .
ـ بعد أطفاء النار عليه يضاف الفلفل الأخضر الحار المشرح الى الخليط .

* طريقة التقديم :
ـ يغرف بالصحن التقديم ويزين بشرائح الليمون ويقدم مع الشعيرية الصينية أو الرز الأبيض أو رز الخضار .
وبالعافية ،،