أحساسيس خجوله @ahsasys_khgolh

عضوة جديدة

تكفووووووووون أبي رايكم رأسي عووووورني من كثر التفكير

بنات أبي رايكم أنا عمرها 26وتقدم لخطبتها شاب عمره31 ومواصفاته تناسبنها من دين واخلاق والكل يشهد له وأهلي مووافقين عليه وأنا أستخرت وأرتحت وحلمت بعد الاستخاره أني بالبحر والهواء يجنننن بس هو عنده زوجه و4بنات وانا قبلها حلمت مرتين أني ألبس ذهب ومره حلمت بفستان أبيض وفسرته قالووا خطيب وأمه جارت أمي من أحنا صغار قالت بتحط لي بيت لحالي وهم ناس مقتدرين مره وراح أسكن بنفس منطقتنا بس خآيفه من كلام الناس وأني بكوون زوجه ثانيه علمآ أن محد خطبني تكفوون ردوووا كلكم علي أبي أرتاح

يلزم عليك تسجيل الدخول أولًا لكتابة تعليق.

تسجيل دخول

~أم الوليد~ • 13 سنة

استخيري..والله يكتب لك إللي فيه الخير..

أحساسيس خجوله • 13 سنة

الله يجزاكم خييييييير الرجال ملتزم ومدرس دين وكان أيام الدراسه يدرس بمدارس تحفيظ القرآن وأنا جامعيه قسم دراسات أسلاميه والله أناأستخرت 3 مرات وأحس براحه وألفه بس يدوووور براسي زوجته وكلام الناس بس والله عجزت أنام

»شاانتيهـ« • 13 سنة

وش عليك من كلام الناس !!
عمر الناس مآ ارضاهم شي , ماسويتي لا عيب ولا حرام
ماعاد في احد يستنكر الزواج الثاني وقبل كل هذا ربي محلله ,
استخيري و فكري وانتِ بروحك اللي تقدرين تختارين حياتك و تقيمين اختيارك اذا هو صح او خطأ ..
و ارجع اقول مسألة راي النآس خليهآ ورى ظهرك وآخر همك ..

دائما بعد الآذآن وبسجودك الاخير اسألي الله يختآر لك الخير الصآلحه ..
الله يوفقك ويكتب لك اللي فيه خير ..

خوخه 2012 • 13 سنة

أختي الفاضله وين المشكله عندك انتي مبين موافقه عليه ! لا تقولي حلمت و ما تقدم لي أحد ليش تبررين هذا نصيبك لو ربي كاتبه !

خليك من الناس و فكري مع نفسك بخصوص زواجك منه ,مبين عليك ما يهمك رأيك بقد ما يهمك الناس وراح تتعبين قرري واستخيري ربك و اذا مناسب لك وافقي مو مناسب لا توافقي و بترتاحي مووووفقه ياااارب.

زيت زيتونه • 13 سنة

يكفي انه صغير بالعمر ورجل ملتزم ويخاف الله ويحفظ كتابه ومازكيه على الله لكن في هالزمن اهم شيء صلاح الزوج

والناس راح تتكلم فيك شهر شهرين وبعدين خلاص الامر طبيعي ماسويتي غلط او عار

ونصيحه استخيري استخيري ولاتبطلين استخاره وربي ييسر امورك ويوفقك