هدوء..~ @hdoaa_36

محررة

تكفووووووووون ساااعدوني والله رايحة فيها كل وجهي دمووووع بعد الفرحة شوفوا وش صار آآهـ

بسم الله الرحمن الرحيم

اهلين يابنات ...

أبيكم تطمنوني تكفون والله أني في حالة مايعلم فيها إلا الله ..,

أنا حملت بشهر 3 اللي راح وقبل لا يكمل شهر نزل دم وطاح الجنين تقول الدكتورة علشانه كان مرتفع عندك هرمون الحليب من قبل الحمل وبالإضافة إلى كسل الغدة الدرقية عندي لأني كنت مابعد أكلت العلاج ..

وبعد ما أكلت علاج ارتفاع الهرمون نزل الهرمون الحمدلله بشهر ونص وبعده
صار عندي ضعف بالمبايض وصرفتلي الدكتورة كلوميد وحملت الحمدلله وكنت مستمرة على علاج الغدة ..

وكنت طاااايره من الفرحة ولاتتحركين يابنت ولا تلمسين ولا عود من البيت طول الوقت أنسدآآآح
وزوجي فرحان مره وأمه بعد ولا أحد درى إلا هم بس وأمي ..

ورحت للدكتورة وأنا بالأسبوع الثامن ..
وكانت الصدمة .. :44:

مافي جنين ولا نبض مع أنه الكيس كبر عن أول واجد وفيه بالكيس خلايا شويه وتقول الدكتوره الظاهر توقف نموه بالأسبوع السادس ..
وقالت إحتمال ينزل معك دم وإذا مانزل تعالي بعد العيد وصرفتنا أنا وزوجي على طوووول وعطتنا تقرير علشان أعطيه المستشفى إذا طاح الجنين .. :44:

والله ادموعي أربع أربع :06:
من طلعت من الدكتوره من الضيقة رحت لأهلي خلاص يأست أحتري الجنين ينزل مع أنه مافيه آلام أسفل البطن والظهر ولا إفرازات بنية بس إفرازات صفرا خفيفة مررره تجي وتروح معي من أول الحمل

تكفووون واسوني والله رايحة فيها لا نوم لاراحة مادري وش اللي صاير ببطني ..

مع أني ما أخلي قراية البقرة والرقية تقريبا شبه يومي مع دهن البطن بزيت الزيتون مقري فيه وشرب موية زمزم ..

والدكتورة اللي أراجع عندها ليلى المسعود بمستوسف حي السلام بالرياض
إيقاله معروف أنها زينه والصراحة كااااااااارهتهااااااااا

أخر دورة لي .. 17/9 وهي منتظمة الحمدلله ,

أنا عارفة إني كثيييييييرة قرررق بس وش أسوي أحس راسي مو معي ..

تكفون اللي تدخل وماعندها شي تدعيلي على الأقل ..

والحمدلله على كل حال ..

:44:

يلزم عليك تسجيل الدخول أولًا لكتابة تعليق.

تسجيل دخول

يالبى قلبه* • 14 سنة

الله يعوضك يارب

ميشو** • 14 سنة

حبيبتي يمكن هي غلطانه تفاااائلي
بنت خالتي ٣ دكاتره قالوا لها نزليه تراه كيييس
وطنششششت وعقب راحت لدكتوره رابعه وقالت من قال لك كيس فاضي هذا هو الجنين
عيوني لاتلعبين بنفسك انا ببريطانيا والنظام هنا ممنوووووع السونار قبل الاسبوع ١٣ لانهم يقولون وش نشوف قبل فانتي انتظري وادعي ربك واسحبي عليهم
لاتقولين اخاف يكون فيه شي او خطر علي او .... الخ
لو ان فيه خطر كان سوو لنا سونار هنا قبل الاسبوع ١٣
تفائلي وعيدي مع العالم وادعي ربك بهالايام الفضيله

ام تميم66 • 14 سنة

يااقلبي والله ضااق صدري علشاانك ... حآاسة فيـك ...
لكن ان شااء الله رااح ادعي لك ...
والله يكمن بالك ...

وودي

عاشقة تراب الجنه1 • 14 سنة

ياببنت الحلال احمدى ربك على الصحه والعافيه وتذكرى قول عسى ان تحبو شيأوهوشر لكم وعسى ان تكرهو شيأ وهوخيرا لكم
الله اعلم مابيصالح العبد استغفرى ربك والعمر قدامك وتفائلى بالخيرر الله يرزقك ماتتمنى حتى ترضى

هدوء..~ • 14 سنة

ام تميم66 :

يااقلبي والله ضااق صدري علشاانك ... حآاسة فيـك ... لكن ان شااء الله رااح ادعي لك ... والله يكمن بالك ... وودي

يااقلبي والله ضااق صدري علشاانك ... حآاسة فيـك ... لكن ان شااء الله رااح ادعي لك ... والله يكمن...

آمين يالغالية,

الله يطمن قلبك ويفرحك زي ماطمنتيني ..

الله يعطييييييك العافية ياقلبي ويخليك ..