ام سعود وتالا :

انا بقولكم شلون قدمت عالماجستير ووشلون انقبلت وياليت تستفيدون ومابي منكم الا دعوات بتسهيل ولادتي وجميع اموري وان الله يرزقني الوظيفه الرسميه بتبوك طبعا انا من خريجات الرياض تزوجت واستقريت بتبوك وبعد سنتين فتحت جامعة تبوك برنامج الدراسات العليا وكانت حاطه اربع تخصصات اللي هي رياضيات وعلم نفس عيادي وهذه اللي بيقدم عليها لازم تكون شهادته البكالريوس نفس التخصص والبرنامجين الثانيين هي مناهج وطرق تدريس واداره وتخطيط تربوي طبعا انا تخصصي علم حيوان جيد جدا قلت ماراح اسجل السنه هذي على امل يفتحون برامج اكثر السنه الجايه لاني حابه اكمل في مجال تخصصي والسنه هذي فتحت باب القبول للماجستير بشهر اربعه ولكن التخصصات هي نفسها فقلت احسن ماتضيع الفرصه خليني اقدم عليها وبالفعل قدمت واخترت تخصص مناهج وطرق تدريس وسجلت وطبعا كان من ضمن الشروط نعدي اختبار القدرات ونجتاز شرط اللغه انا سجلت بمركز قياس شهر اربعه اللي راح واختبرت القدرات وعديته واختبرت الانجلش ونقصني 4 درجات عالمطلوب واللحين سجلت بالفياس اللي بشهر ثمانيه عشان اعديه ادعولي يابنات اعديه المهم بعد شهر من التقديم ارسلو لجميع المتقدمين والمتقدمات رسايل عالجوال ان فيه اختبار القبول وهو اختبار تحريري بنفس التخصص اللي انتي تختارينه يعني تخصصي بحت مافيه معلومات عامه وكان كله اختياري وتسعين فقره بس كان صعب لان الاختيارات متشابهه طبعا اختبرنا اخر يوم بشهر اربعه وانتظرنا النتايج وطولت وماطلعت الا بنص شهر سته هذا والحمد لله رقمي كان معهم وقبلو من نفس تخصصي للبنات 25طالبه انا من ضمنهم ويوم رحنا للمطابقه عرفو اني باقي ماجتزت شرط اللغه وهذا يعني اني مقبوله بس ماقدر ادرس الا لما اجيب اثبات اني عديت الشرط والحمدلله اعطوني اشعار القبول وراح تبدا الدراسه السنه الجايه مسائي ثلاث ايام بالاسبوع ولمدة سنتين بالنسبه للتخصص اللي درسته وطريقتهم انهم حطو40%على معدلك بالجامعه و60%على اختبار القبول اللي حطوه لنا وبالتوفيق للجميع اتمنى اني افدتكم ومابي منكم الا الدعاء واي سؤال انا حاضره

انا بقولكم شلون قدمت عالماجستير ووشلون انقبلت وياليت تستفيدون ومابي منكم الا دعوات بتسهيل ولادتي...