تكفوووووووووون ابي الفزععععععععععععه

بصراحة هذا المنتدى من اكثر المنتديات شعبيه ولذلك احب ان اطرح قضيتي هنا
بالامس قرات موضوع هنا عن الخادمات الهاربات وخطرهن وانا عندي شغاله عمرة اوهكذا نسميهم هنا في جدة
والحقيقة انا من زمن ما استقدمت لييييييييييييييييش! المكاتب حراميه وياليل مااطولك والشغالات الفيزة اللي بجدة انسي تقعد طويل الا من رحم ربي ومن رحم ربي هم اللي مكفوليهم مقفلين عليهم (وانا مااقدر اقفل لان عندي اطفال يجون قبلي من المدرسه فوين يجلسون بالشارع حتى مااجي من المدرسة مثلا) وطول اليوم على اعصابهم خوفا من اختلاطهم بباقي الخادمات 0
مع اني معلمه وبامس الحاجة سيما ان اهلي جميعا ليسو بجدة فلا مجال لترك اولادي الا بالمنزل مع الخادمة فاضطريت اجيب من هولاء عن طريق صديقاتي المعلمات وياما عانيت وحدة تجي ووحدة تروح وصديقاتي اللي جابو فيزا يهربون شغالاتهم فيخسرون فلوس ويرجعون لهولاء العماله الهاربة وبصراحه احنا مضطرين لان مافيه نظام لحماية البلد من هروب الخادمات
ولا تقولون نتعاون
الكلام شئ والواقع شئ ثاني لاننا بحاجتهم والتقديم والمكاتب تاخذ وقت ولا فيه حضانات صاحيه وبصراحة مو انا السبب في هربها ياما جاني شغالات هربانين وكان السبب قسوة بعض الحريم فالخطا من الجميع مني ومن السيدة ومن النظام السائب واللي حز بنفسي واحدة تدعي على اللي يشغلهم عنده( واقصد الشغاله الهاربة) فلو انها مضطرة للعمل وعليها قروض وعندها اطفال ومالها احد بالديرة الا الله والمكاتب حرامية ماكان دعت علينا وعموما ابغى رايكم هل عندكم حل وهل لديكم بديل يغنيني عن خادمة العمرة عموما انا قدمت فيزة ولكن ياليل مااطولك وفي هذا الوقت عبال ماتجي ايش اسوي فين البدائل مين يمسك بنتي من يساعدني في شغل البيت وخاصة ان ظهري تعبان ( في جدة الدنيا كلها شغالات عمرة واللي عندهم فيزه على اعصابهم لا خروج وتقفيل ابواب وووووووفي الاخير يهربون احنا مانشجعهم النظام للاسف افيدوني ولاتهاجموني !!!!