تكفوووووووووون اشرحولي وش السالفه

ياليت اقدر اجاوبك بس رديت لرفع الموضوع

انا زيك ودي افهم شي

اكتتاب يعني طرح اسهم شركة جديده وانتي تساهمين بفلوسك لجمع مبلغ معين لكي تبدأ منه الشركة للعمل.

اما بالنسبة للاسهم فأنتي بكتتابك تكونين ملكتي مجموعة من الاسهم تقدرين تبيعينها وقت تداولها في السوق، وتاخذين ارباحك بعد عملية البيع.

الأكتتاب مافيه خساره راس مالك محفوظ، والربح يتفاوت على نوعية الشركة وحالة السوق.

اما ادنى حد للمشاركة انتي تحددين المبلغ اذا كنتي مضاربة او مستثمره للاسهم، اما اذا كنتي مكتتبه فنفس الشركة هي من تحدد كمية الاسهم المخصصة لكل فرد.

واتمنى اكون افدتك، واذا تبين معلومات اكثر تعالي وقت التداول البنات موجودين وقت التداول, لو حبيتي اي استشاره.

1_ايش يعني اكتتاب وايش يعني اسهم.....اقصد وش الفرق؟؟؟؟؟

يتم الشركه تقسم الى اسهم ويعطى جزء لاعضاء مجلس الاداره وجزء للدوله وجزء للعامه وتطرح للاكتتاب بسعر محدد
و هو 10 ريال واي سهم ينزل للاكتتاب اغلى من 10 ريال يكون مضاف له علاوة اصدار يعني ان الشركه شغاله وربحانه
لكن لو الشركه جديده تكون 10 ريال فقط

2_ كيف نظامهم يعني كيف الربح والخسارة ؟؟؟
الربح هو ان ترتفع قيمة هذا السهم لسبب ما(قد يكون حقيقي وقد يكون وهمي)
والخساره نفس الشيء
الاسباب الحقيقه لارتفاع او نزول السهم: ارباح الشركه-سمعة الشركه(يعني لو خسرانه لكن سمعتها زينه مايضرها) نية الشركه صرف ارباح او اسهم لكل من يمتلك اسهم فيها

3_كم ادنى حد اشارك فيه ومتى يكون الربح؟؟؟

ادنى حد سهم والربح يكون اذا بعتي السهم بزياده عن سعر شراءه.. والخساره عكسه اكيد


والشغل بالاسهم عن طريق محفظه لك في احدى البنوك


اي شي ثاني اسئلي

فيه سوق اسمه سوق الاسهم شركات تبيع اسهم افتحي موقع تداول الاسهم السعوديه وتلقين جدول الشركات واسعارها اذا حبيتي تشترين منهم روحي للبنك وافتحي محفظة لشراء الاسهم والشراء اما يكون عن طريق البنك او اذا انتي شاطرة تكون بالنت بالبيت طبعا فيه اسهم حلال وفيه حرام شوفي قائمة الاسهم الحلال واشتري منها والسوق هذا يفتح بزمن معين من اليوم يعني من الساعة 11صباحا الى 3ونصف العصر بسسسسسسس00اما الاكتتاب يصير فيه شركات جديده تطرح اسهم ماهي بالسوق يتم الاعلان عنها وبمده معينه وبعدها تنزل بالسوق طبعا اعلى من سعر الاكتتاب وبذلك تربحين وبرضه شوفي الشركات الحلال فقط اتمنى اني وضحت ولو بشكل بسيط واعذرينا على التقصير ودمتي00