تكفووووووووووون ساعدوني وشلون اعدل لساني مع زوجي ياربيييييييييييييييييه

بنات انا عندي مشكله عويييييييييييييييييييييييييصه اكثركم بيعتبرها تافهه بس والله انها مضيقه صدري بشكل ماتتوقعونه ..:( :(
انا متزوجه من 5 سنين وعندي بزرين الحمدلله ومرتاحه في زواجي الى ابعد الحدود بس مشكلتي اني مااقدر اقول لزوجي كلام حلو عجززززززززززززززززززت ثم عجززززززززززززززززززززززت ثم عجززززززززززززززززت والله ماقدرت من 5 سنين وهو يشحذني ولاعمري قلت له الا مرتين او 3 خلال هالخمس سنين لا ولا طلعو الا بشحاذه والله دمعت عينه يوم قلت له وقعدت انا اصيح منقهره من نفسي يقولي انتي بخيله وانانيه وانا والله ثم والله ودي اغرقه بالكلام الحلو بس ماقدرت ماقدرت من ناحيته هو مغرقني بالكلام الزين خلال كل هالسنين وانا كل الي قلته كلمتين او ثلاث بالله مو حرام مو ظلم له بس وش اسوي احيانا احس ان فيني سحر او عين بصراحه شي مو طبيعي في البدايه قلت يمكن مستحيه شهر شهرين واتجرأ بس الموضوع صار اكبر بكثير .. احس ماعندي ثقه بنفسي احس اني ناقصه جافه احس اني جامده بسكوتي وانا كلي مشاعر حلوه احيانا اقول خلاص الحين اذا دخل من الدوام بقوله كلمه او اذا رديت عليه بالتليفون بقوله كلمه اعرق وارتجف وينشف ريقي وتزيد نبضات القلب وبالاخير السلام عليكم كيف الحال كني اكلم اخوي احس اني سخيفه والكلمه بتطلع اسخف وبندم اني قلتها احسه بيضحك علي مع اني متاكده انه بيموت من الفرحه تصدقون انه اذا جامن برى محمل معه اكياس الدنيا استحي اقول (شكرا)والله العظيم استحي ليش؟؟لاني زوجه(طبعا هذا الكلام عقلي الباطني الي يقوله) والزوجه ماتقول لزوجها شكرا تقول الله يعطيك العافيه يابو فلان الله يغنيك ويكثر خيرك الله لايحرمنا منك وطبعا هالكلام مافيه امل اقوله احس اني بموت لواقوله احيانا اذا سافرت عند اهلي ورجعت القى المغسله مافيها مواعين يغسل كل مواعينه بعد مايخلص عشان مايتعبني اذا جيت تخيلو مااقول ولا كلمه شكر كني هبله احيانا في الفتره الاخيره احاول افتح الموضوع معه عشان يساعدني يضيق صدره يقول خلاص مابي منك شي لاتعبين نفسك يحز بنفسي اني مقصره عليه بابسط حقوقه وهو عمره ماقصر علي باي شي ياناس وش اسوي ابي حل

تكفووووووون تكفوووووووووووووون ساعدوني كيف احل هالمشكله ولو بدعوه والي عاشت حالتي وحلتها ياليت تنورني
احسها صعبه بعد 5 سنين يتعدل لساني:( :( :( :(


على فكره انا عرضت مشكلتي هذه في المنتدى قبل 4 سنين وانحذف الموضوع باعتبار انه يتكلم في موضوع خاص بين الزوج وزوجته وانا كل الي بغيته نصيحة الاخوات لعل وحده فيهم تاثر فيني والموضوع كان في قمة الادب والله ماكان فيه اي شي مجرد طلب نصيحه بس لان المنتدى كان ذيك الفتره متشدد الى ابعد حد والله اني انقهرت لما انحذف حسيت بظلم والحين وبعد 4 سنين لازالت المشكله قائمه ومتعسره الى ابعد الحدود اتمنى هالمره ماتخذلوني ..