معقوله بس اثنين الي ردوا بصراحه زعلتوني والله

البهارات وقدر الضغط والقهوة والتمر أهم شي

الباقي تقدري تشترية


بالتوفيق

والله ذكرتيني بحالى قبل اجي لبريطانيا ناقله هم كبر الجبال على راسي وحايسه مادري ايش اخذ وايش اخلي انا راح اقولها لك بنقاط وان شاء الله تفيدك:
1- لا تنقلين هم شي ابد وانا خيتك ريحي نفسيتك من الضغط قبل السفر واشبعي من اهلك واستسمحي كل قرايبك وودعي الجميع وحتى اللي بينك وبينهم خلاف لا تنسينهم ودعيهم واطلبي السماح من والديك بالاخص وخواتك .

2- سجادتك , ومصاحف,وكتيبات الاذكار , وماء مقري عليه وزيت , وساعة الفجر , وبوصلة لتحديد القبله .

3- القهوه , الزعفران , الهيل , شنه , خلطة القهوة , دله , ترامس , فناجين , كاسات , تبسي كبير للعزايم , قدر ظغط , حافظات الطعام , مطحنة القهوه لانها مو موجوده , الخلاط موجود تشترينه احسن

4-انتبهي لا تكثرين ملابس لان بيوتهم صغيره ودواليب كمان صغيره , والشتوي عندهم اجود تشترين من هنا احسن .

5- البيوت مؤثثه بالكامل مايحتاج تجيبين شي واذا فيه اي نقص تراه رخيص عندهم وغالبا مكرويف, غلاية ماء , توستر , ثلاجة , غاز كهرب , كنبات , طاولة طعام , تلفزيون , سراير , تدفئه بالبيت رووووووووعه ما تحسين بالبرد جوا يعني ممكن بالبيت تلبسين صيفي اذا شغلتيها واذا تبين توفرين كهرب تلبسين وتطفينها لان عندهم الكهرب غالي مره

6- العبايات خليكي لون غامق استر لك وتلقين هنا طرحة الوان و قطنيه مريحة وعادي الاسود ماحد يطالع فيك ويكفيك 2 لو غسلتي واحد تستخدمي الثاني .

7- ولدك تقدرين تحطينه بروضه والصغير بحضانة الجامعه اللي تدرسين فيها واكسترا لهم موقع ممكن تدخلين تسالي عن معاهدهم ,

8- جيبي معك شوية بهارات وشوية اعشاب للبرد وللصغار وللتسنين الله يعينك لما تلقين بالمحلات العربيه
بالنسبه للحبه السوداء والمره يمكن ما تلاقينها .

9- ولا تكثرين شنط انا جبت وابتلشت بها راميه اكثر الاغراض بالكراج مافيه محل بالبيت ضيق .