بااااك.... بالنسبه للتجهيز من ملابس وغيره ...ممكن فساتين السهره واكسسواراتها من عماير السيركون ....اقمشة سهرات من اسواق الاندلس ...واذا تبغين تخيطين فالمتنبي ...بالنسبه للملابس للخروج وللبيت يعتمد على ذوقك والرياض مليانه اسواق ممكن فالاندلس صحارى الفيصليه والمملكه.... للبيت اكيد سبورات من جنزات وتنانير وبلايز ناعمه ومثل ماقالوا البنات لاتكثر لان ماتدري وش بتصير الظروف كثير اسمع عن وحده سمنت بعد الزواج ولا تهنت بملابسها او حملت على طول وبعد الولاده تغير جسمها او راحت موضتهم او ملت منهم.....الجزم والشنط من صحارى والفيصليه في محلات حلوه كمان في محل باسواق الاندلس فيه الوان مره حلوه تناسب الملابس الملونه.... العطورات خوذيها من السويلم زي ماقالوا البنات واذا تبغين طقوم حلوه تلاقين عند بودي شوب ونكتار وزهور الريف .. وفي موضوع للاخت صمت الجروح في مجموعات مره حلوه تقدري تلقي نظره عليه .... ممم وش بعد..ايوه المكياج... انا حطيت لك رابط شنطة المكياج حسب اللي تستعمله وفي ماركات حلوه فكل المحلات ....الملابس الداخليه والقمصان نعومي وايتام ومحلات كثيرررر ومو دايما الغالي هو الاحلى وكمان لاتنسين المشدات ضروريه تحت الفساتين ...الذهب حسب الميزانيه بس حلة القصمااان فيها اشياء منوعه وحلوه... واكيد بتحتاج طقوم مفارش للسرير ممكن تشتري جاهز وممكن تفصل اشياء حلوه عند العبد اللطيف .... كمان طقم مناشف لها ولزوجها وقريت مره فالمنتدى عن حركه حلوه... تودين المناشف للخياط يطرز لك عليها تاريخ الزواج او الحروف الاولى من اسماءهم....وممكن تضيفي ورود من اللي تنكوي او تتطرز على الملابس باشكال حلوه متوفره عند محلات لوازم الخياطه.... كمان طقم للحمام ... اي تذكرت ... شباشب وصنادل نعومه للبيت ومع قمصان النوم.... مممم كمان بتحتاج علب معدنيه او خشبيه او من الكرتون متوفره بكل الاشكال تحفظ فيها اكسسواراتها ومكياجها ...... وعند محلات العود والاشياء هاذي تلاقي عندهم صياني كرستال كشخه تحط فيهم العود والبخور والعلكه والاشياء هاذي ... طبعا تشتري معطرات للفرش وللسرير وكمان للبيت .... وفي خلطات ممكن تسويها بنفسها موجوده فالمنتدى .... هذا بالنسبه للجهاز اما بالنسبه لها فلازم تاخذ مواعيد مضبوطه عشان الكوافيره واللي تسوي حلاوه ... هذا اللي فبالي حاليا واذا تذكرت شي برجع :42: