تكفووووووووووووووووووووووون ساعدوووووووني

السلام عليكم


بما اني ارتحت لكم واحس انككم مثل خواتي ابي رايكم ؟تكفون كل وحده تحط نفسها مكاني وتقولي وش تسوي

انا متزوجه لي تسع سنوات وعند اطفال الحمد لله بس زوجي من خذته وانا احس مو مرتاحه معه ودايم بينا مشاكل على اقل شي يدور اي سالفه عشان يخلق مشكله وفاهم الرجوله غلط بتقولون وشلون الحين لما يصير بيني وبينه سالفه او اي شي اناقشه ابي افهمه مايبيني اتكلم ويعتبر كلامي هذا قلة ادب وجراه ورد واني ماحترمه دايم كذا والي يقهرني انه اذا صار بينا شي عادي عنده يصارخ قدام العيال رغم اني اقوله لاتتكلم عندهم بس لاحياة لمن تنادي طبعا انا احسه منه تجاهي مافيه موده ابدا تصدقون من خذته للحين والله اني اروح احيانا عند اهلي بحكم اني بعيده عنهم اجلس اسبوعين ثلاثه واحيانا شهر عمره ماقال لي اشتقت لكم فقدتكم متى بتجون كل مره انا من نفسي الي اقول بجي تعال خذنا واحيا اذا في نص الاجازه يقول اقعدو لاتجون ترى والله انا مانيب فاضي لكم ودنا ولا طلعنا اجلسو احسن لكم تخيلو يعني ولافكر يكلم عياله الا بالغلط اذا هم دقو عليه او انا قلت خذ كلمهم واذا بينا شي ءيجلس مايكلم عادي اسوع اسبوعين ولا حتى يسال عن عياله وعلى اقل شي يصير يروح يدق على اهلي بنتكم كذا وكذا رغم اني ماحب اقولهم شي بس هو يخليني اضطر اتكلم لهم لانه بيكلم ودايم يقول انا ماخليتك الا عشان اهلك تخيلو وطبعا هذا كله غير طبايعه الخاصه لاهو اجتماعي ولاراعي روحه وعمري ماسفرت معه مايبي كل هذاطبعا انطوائي تخيلو دايم في مجلسه ةاذا جيت عنده انا والا اليال يطلعنا لدرجة مره اقوله بجلس معك قال لاتقعدين خليني اخذ راحتي انا مو مرتاح اطلعي بجلس الحالي واذ قلت له وش فيك ليه متسولف يقول انتي تبين واحد فاضي لك يسولف يضحك ماعنده شيء هذا كله غير الاشياء الي لقيته يسويها طبعا حصلت معه جوال ثاني كله ارقام بنات لا ويعطيهم فلوس ويشحن لهم شوفو القهر هذا عرفته من الرسايل الي شفتها في الجوال والكلام الي يجنن والدلع الي عمري قسم بالله ماسمعته منه انا زوجته والحين انا وياه بينا مشكله ولي اسبوعين مانكلم بعض هذا طبعا منه انه قال لي لاتكلميني ولا ينطق لسانك على لساني ولا تعدين نفسك زوجه لي تخيلو واالله انا مرتاحه من هذي الناحيه اني مفتكه من لسانه وصراخه الدايم يعني عند اي موضوع يقلبها سالفه وطبعا ينام في الغرفه لحاله ويقفل الباب مدري يحسبني ميته عليه الظاهر وان الصراحه مليت منه وافكر في الطلاق وش رايكم والله حتى السلام مايقوله اذا دخل الحين ولايكلمني وتخيلو لقيت معه ارقام لبنات قرايب لي مدري وش يبي والمشكله مسوي نفسه شيء ودايم تحشمي لاتطلعين عيونك وهو موب شيء وش رايكم انا ماافكر الا في عيالي مره اقول ماودي اشتتهم ومره اقول اخاف عليهم يجيهم شيء من كثر الصراخ الي يسمعونه منه لدرجة حتى لو اقول لهم روحو قولو له شيء يخافون مانبي نقوله والله انه الحين وانا اكتب راح للغرفه بينام وقفل الباب تتوقعون انه طبيعي انا دايم اشك انه مريض..ز


شورو علي تكفون وش الافضل اسويه اجلس والا اتركه

عذرا اخواتي للاطاله عليكم بس والله لاني متضايقه ومالي احد غيركم اشوره