تكفين الياسية ردي علي بسرعة

انا ملقوفة وانادي معك للياسية نبغى صور مكياج جديده مثل مواضيعك السابقة بالوان زاهية

لا ملقوفة ولا شي حياك حبيبتي البيت بيتك هههههههههههههههه

السلام عليكم ورحمة الله وبركاته

أشكرج يالغالية انج اخترتيني من بد البنات عشان أجاوب لج على الأسئلة اللي محيرتنج وأتمنى اني أكون عند حسن ظنج فيني يالغالية .. أنا أعتبر هذي شهادة أعتز فيها ومعناها ان الحمدلله مواضيعي مقبولة ومرغوبة من بنات المنتدى .. الحمدلله هذي نعمة وفضل من الله تعالى .. طبعاً شاكرة لج هالبادرة الطيبة .. ربي يسعدج حبيبتي ..

أما الحين بسم الله راح أبدأ الاجابة على أسئلتج بالتفصيل الممل إن شاء الله ..

أنواع الشدو وبعض المعلومات عنها:

1) الشدو المائي: هو الشدو اللي يستخدم عادة مع الماء بفرشاه ذات نوعية خاصة وعادة ما تكون مسطحة نوعاً ما .. وهو من نوعية المكياج المستخدمة في المسرح والسينماء لأنه ذو نوعية ثابته واللي يستمر فوق ال8 ساعات بدون ما يبهت .. لذا فهو يصلح للمناسبات والأعراس.

- الشدو المائي فيه منه النوعية اللي على شكل بودرة مضغوطة يعني لو لمستيه تحسين انه مثل البودرة أو قابل انه يتفتفت (مثل بن ني) ..
- وفيه منه نوعية ثانية مثل الكريم عادة يكون غليظ القوام وثابت في العلبة يعني إذا لمستيه يطبّع على الاصبع بدون ما يتفتت (مثل كريولان)


طريقة الاستخدام: بللي الفرشاه الخاصة بهذا النوع من الشدو بالماء وعقب حطي مقدمة رأس الفرشاه "الشعر" على ورقة كلينكس عشان تشفط الماء الزائد وبعدها مرريها بحركة افقية "يمين ويسار / ذهاباً واياباً" على اللون المرغوب ولوني فيها الجفن.
ملاحظة: ليكون اللون ثابت وسهل الدمج يفضل استخدام طبقة من الشدو العادي (الغير مائي) فوق الشدو المائي .

وهذي صورة للنوعيتين

بن ني




كريولان





وهذي صورة للفرش الخاصة فيهم



=============================================

2) الشدو الكريمي: هذا الشدو يكون غليظ القوام وفي نفس الوقت خفيف في الاستخدام بس يعطي لون ثابت وقوي .. فيه منه على شكل عصار أو على شكل علبة شدو دائرية أو مربعة .. ويوجد منه في العديد من الماركات مثل ماك - شيسيدو - نارس Nars - بلووم Bloom - لورا ميرسير Laura Mercier - ستيلا Stila - كلارنس Clarins - وغيرها من الماركات المعروفة ..
يمكن استخدامه بالاصبع بحركة طبطبة خفيفة أو بفرشاه .. وهو يصلح للاستخدام اليومي وخاصة في الصيف.
ملاحظة: ليكون اللون ثابت وسهل الدمج يفضل استخدام طبقة من الشدو العادي (الغير مائي) فوق الشدو الكريمي .

هذي بعض الصور للشدو الكريمي











==============================================


3) الشدو العادي: هذي النوعية من الشدو هي العاديه اللي تقريباً كل النساء تستخدمها .. وهي تصلح للاستخدام اليومي .. وأيضاً يجي منه نوعين:

- البودرة الحرة مثل ماركة ميك آب فور أيفر "ستار باودر" Make up Foreve Star Powder - وماركة باري إم Barry M
- المضغوط مثل ماك MAC - ميك آب فور أيفر Make up Forever - شانيل - جيرلان - كلارينس - كلينيك وغيرها من الماركات المعروفة .. طبعاً يوجد منه من ماركة كريولان وبن ني .

الفراشي المستخدمة تكون عادية ويفضل تكون ذات نوعية جيدة مثل فراشي ماك .. صح انها غالية شوي بس تقعد معاج سنين وما تخترب.


هذي بعض الصور للنوعين

الشدو البودرة من باري إم




الشدو المضغوط




تابعي معاي الأجوبة على ما تبقى من أسئله في الرد التابع لهذا الرد

وانا اضم صوتي لصوتك وفعلا ياليت يالياسية تتحفينا بدرس جديد من دروسك الحلوة

معاني المصطلحات اللي ما تعرفينها هي كالتالي:

1) دايموند باودر .. وهو عبارة عن قلتر "لمعة" ولكنها ناعمة نوعاً ما .. يعني قطع مب كبيرة .. وفي منها ألوان وماركات .. مثل ماركة ميك آب فور إيفر و ماركة أتيلير "أتيليه" .. هي اللي أستخدمها في دروس المكياج اللي أعرضها في عالم حواء .. وهي أيضاً اللي استخدمتها نانسي عجرم في اغنيتها "ما فيي عيش" اللي بفستان العروس ..






2) اللوس باودر .. وهي البودرة الحرة أو السايبة .. وعادة تستخدم بعد كريم الأساس مباشرة لتثبيته ..






3) كيك ايلاينر .. وهو آي لاينر "كحل" يستخدم بفرشاه والقليل من الماء .. ويمتاز بثباته ولونه القوي .. ويكون على شكل شدو مضغوط .. يوجد منه من كذا ماركة مثل ماركة بن ني - ماركة ماك - ماركة أتيلير "أتيليه" - ماركة لورا مارسير Laura Mercier - ماركة بينيفت Benefit - ماركة كلينك وغيرها من الماركات العالمية ..






4) كومباكت باودر .. هي البودرة المضغوطة وتفرق عن الأساس المضغوط .. وهي لتصحيح المكياج أثناء الحفله لأن حجمها يكون مضغوط عشان تكفي في الشنطة .. يعني تساعدج على اخفاء اللمعة اللي تتكون على الأنف من الجو الحار أو افراز الدهون على البشرة .. وتجي منها نوعين .. اللي بلون .. واللي بدون لون يعني ما تضيف طبقة كثيفة مثل البودرة وغرضها نفس الشيء "إخفاء اللمعة وتصحيح المكياج" .. والنوعين موجودين في ماركة ماك ..






5) شدو باودر .. هو نفسه اللي ذكرته في الاجابة عن الشدو وأنواعه .. الشدو اللي على شكل بودرة سايبة.


6) البودرة السايبة اللي بدون لون .. هي النوترال أو ذات اللون المحايد واللي ممكن تنحط على أي لون من ألوان كريم الأساس بنفس طريقة البودرة السايبة اللي بلون .. يوجد منها من ماركة بن ني واسمها Neutral Set Translucent Powder .. ومن ماركة ميهرون .. بس ما أعرف عن الماركات الباقية ..






أتمنى تكون كل الاجابات واضحة ومفهومة يالغالية .. تقبلي تحياتي ..