اختي بشاير لاتقارنين بريطانيا ب امريكا لان الفرق شاسع وهالكلام مش كلامي لاني رحت ولندن واعرف مصاريفها

وناس اعرفهم خبره بلندن ومصاريفها وراحوا امريكا ويقولون عنها اسعارها مناسبه وفرق عن لندن في الاسعار

اوكي اختي بشاير احس انك تصعبينها وايد

رجعت لك يا رمايه...

تره بشاير مو قصدها تصعبها... صدقيني كللللللل اللي قالته صحيييييح... صرف الدراسه اكثر من صرف السياحه!! ولاتنسين بعد انك لما تروحين تدرسين امريكا لازم بتروحين وبتتمشين ولايات ثانيه... حرام تجين وانتي مارحتي وتمشيتي

بعدين حطي في بالك... صحيح اوروبا غاااااااليه... وامريكا ارخص... لاكن امريكا فيها شي اسمه تاكس,,, على الاقل اوروبا ترجع لك التاكس... لاكن امريكا لااا.. تخيلين حتى سوبرماركت لازم تدفعين له تاكس وطبعا مطاعم... غير التأمين الاجباري,,, الله يسهلها علينا وعليكم...

شوفي بالنسبه لولايتي تكساس فيها عرب مشاالله بس الخليجين اكثر شي في هيوستن وسان انتونيو... بس هيوستن احلى والسوق حلو .. وفي عرب ونادي سعودي وجو ..همم يعني حار ..
المهم انا مو في هيوستن .. بتقولين لي ليه مارحتوا من اصل هيوستن... بصراحه مصاريف الحياة غاليه... منطقتنا ارخص شوي...وترا كل ما رحتي منطقه الجو حلو والسوق حلو... كل ماصارت المعيشه اغلى....

منطقتي اسمها دالاس... سوقها حلو ومطاعم حلوه... والعرب مشاالله كثار بس مو خليجيين...

سعر الشقه.. وهي عباره عن غرفة نوم صغيره جدا.. وصاله ومطبخ وحمام... 760$
الكهرباء والماء ماادري... بس اشوف زوجي دايما يتحلطم عليهم :(
مصاريف الدراسه... انا الحين اخذ كورس لغه... تقريبا 2500$ يعني تقريبا 10000 ريال اذا مو اكثر.. حرام والله... واذا بدرس في الجامعه مواد عاديه... الله واعلم كم بيصير.. الله يسهلها
السياره اخذناها مستعمله... وكل الخليجين اللي جو اخذوا مستعمل عشان اوفره... سياره صغيره تويوتا ... على 20000 ريال والله ماني متأكده
اثاث الشقه ماادري بكم... بس الاسعار معقوله... اخذت لي اثاث بسيط وجديد... ومثل ماقالوا البنات فيه مستعمل... بس اسعار معقوله ماادري بكم...
السوبرماركت.... تقريبا في الشهر حوالي 300$ وهذا وانا توني ماعندي اطفال

ايش بعد؟!؟!
تبين مناطق مليانه خليجين... عندك واشنطن ، هيوستن، لوس انجلوس، كولورادو هذا اللي اعرفه .. وطبعا هالمناطق سوقها حلو.. بس انها غاليه.. يعني ما راح تلقين شقه مرتبه تصلح لعائلتك بأقل من 1000 $
اما الجاليات العربيه.. مشاالله في اماكن كثيره ما ادري وين بالظبط :)

بس خليني اقولك... صحيح ان الغربه فيها الحلو والمر... يعين راح تستفيدين انشاالله... وتتمشيني وتغيرين جو...
لكن.. اسواق وتمشي ومطاعم ما نروح الا بالاجازات... والناس مو دايما تلقين عرب ترتاحين لهم... في ناس منهم الله يهديهم بس فلانه سوت وفلانه قالت.,,, (طبعا اقصد فيهم الشين والزين)
وتره اسواق امريكا... هذا بالنسبة لي طبعا.. الملابس .. زففففففففت... وععععع.. مافي شي يفتح العين... يمكن جينزات بس.... سوقنا مرره احلى .. بس طبعا اذا جيتي للماركات والاشياء الغاليه في الحلو طبعا وفيه الشين.... بس طبعا مع الوقت تبدين تعرفين وين المحل الزين ووين تلقين الاشياء الحلوه... بس لبس مناسبات.. ماراح تلقين

مو قصدي اغيرك رايك ولا شي... بس عشان تقريبا معضمنا انخدع لما جا .. واولهم اناااااااااا:06:
تخيلت امريكا نفس الافلام اللي اشوفها.. هذي المناطق بتكون اسعارها لندن وباريس :)

والحديث يطوووووووووووول.... وعلى كثر مافيه مميزات شينه... تلقين مميزات حلوه وزينه...
متناقضات :11:


لو عندك اي سؤال اي استفسار ... حاضره... بتفضالك :)
وسامحيني اذا طلوت عليكي

did u recieve my message? :27:

رمايه ضفي اغراضك وتعالي استراليا
والله شعب طيب ومولات راقيه وجو رهيب وحلو
حتى اسعار البيوت معقوووووووله كثير
ومعانا مساجد ومحلات عربيه بالهبل وكمان جاليات عربيه وحدها تكون نسبه عاليه في البلد
ومشاهدت المحجبات شي طبيعي جدا جدا .
صدقيني استراليا الحين اصبحت المكان المفضل لكثير من العرب والخليجين
ييجون للترفيه والسياحه والدراسه
وبصراحه امريكا خلاص الحين ما احد يبيها من كثر مشاكلها التى لا تنتهي
زوجي مثلا بعثته كانت هناك بس طنشها وقالت ما تسوى اروحها رغم انه عاش فيها فتره من الزمن في امريكا وعارف اغلب المناطق فيها
واختار استراليا .... منتهى الامان

اختى اسالي عن استراليا وخلى زوجك يسال وبتشوفي الفرق في عدد البعثات التى ارسلت الى استراليا بالمقارنه بامريكا......... وانا حاضره لاي استفساااااااار
واذا كان نفسك تجربين الغربه ليش لا؟؟؟؟
تراها بس سنه......... بتكسبك افكار وبتغير فيك افكار... يمكن تغيرين رايك عن الغربه ويمكن تعجبك........!!!.!
وتراك ما تعرفين الشي الا لو جربتيه!!!
وفقك الله

اختك الملاك

فانكوفر


http://forum.hawaaworld.com/showthread.php?threadid=172940

http://forum.hawaaworld.com/showthread.php?threadid=136418&highlight=%DD%C7%E4%DF%E6%DD%D1

http://forum.hawaaworld.com/showthread.php?threadid=134763&highlight=%DD%C7%E4%DF%E6%DD%D1

http://forum.hawaaworld.com/showthread.php?threadid=121280&highlight=%DD%C7%E4%DF%E6%DD%D1

http://forum.hawaaworld.com/showthread.php?threadid=127609&highlight=%DD%C7%E4%DF%E6%DD%D1


http://forum.hawaaworld.com/showthread.php?threadid=172747&highlight=%DD%C7%E4%DF%E6%DD%D1

http://forum.hawaaworld.com/showthread.php?threadid=128044&highlight=%DD%C7%E4%DF%E6%DD%D1

http://forum.hawaaworld.com/showthread.php?threadid=121280&perpage=15&pagenumber=1

http://forum.hawaaworld.com/showthread.php?threadid=127000

http://forum.hawaaworld.com/showthread.php?threadid=127000

http://forum.hawaaworld.com/showthread.php?threadid=162293&highlight=%DD%C7%E4%DF%E6%DD%D1


في هذا الموضوع تقدري تلقي معلومات عن مسيساجا
المدينه الي قلت لك انها قرب تورنتو و اظن ناها اسعارها عاديه
http://forum.hawaaworld.com/showthread.php?threadid=152604&highlight=%DD%C7%E4%DF%E6%DD%D1


http://forum.hawaaworld.com/showthread.php?threadid=122351&highlight=%DD%C7%E4%DF%E6%DD%D1

http://forum.hawaaworld.com/showthread.php?threadid=122810&highlight=%DD%C7%E4%DF%E6%DD%D1

:27::27: