اعرف واحد الله يرحمه كان ثري جدا يقولوا له الشيخ فلان


المهم الرجال ذا كان يتصدق وحاط لنفسه سواق ومدلع حاله وعياله مايعطيهم ريال كلهم موظفين وظائف حلوه
ومأمنهم بسكن ملك طبع كل ولد له دور فقط وهو له شقه الشايب ذا تحت ...وعجوزه بشقه فوقه اخر أيامه كان يضربها بالعصا تعصبه




المهم لما توفى استغفر الله الله لايبلانا اقل من عشر أيام والله وأنا صادقه كل عياله طقوا لهم جيبوا وكاله وسفريات بره


كل الناس انتقدمتهم
مدري ليه الناس كذا تتمسك فالفلوس
اللهم لاتجعل الدنيا اكبر همنا

تقولين صرتي تاخذين حقوقك كامله وش لك تروحين تطلعين قدامه انك قرانديزر وقفطتك يافلان بلجرم المشهود اذا باقي تمسكن سايريه ولا اسكتي لاتطلعين لسانك مقروعه شليها وحقوقك خديها

هذا النقاش من ابسط حقوقك كزوجه مراعيه له من 12 سنه
لازم يستوعب ويفهم ان الضيق في النفوس والقلوب مو بس في الفلوس والبيوت والخوف من الحاجه
وحسب كلامك انها مستوره الحمدلله والراتب كويس فماله داعي يعيشكم في نكد ويحسسكم بالذنب والتأنيب
والله في ازواج من حكمتهم وتفاؤلهم رغم حالتهم الماديه على قدهم لكن مايحطون زوجاتهم وعيالهم في حالة اليأس والقلق والخوف لدرجة الشعور بالحرمان بالعكس امورهم الماليه يتشاركونها مع الزوجه ويحطونها في الصوره بالميزانيه عشان فعلاً تراعي وتقدر وقت اللي يكون معه يدلعها ويشوف خاطرها ووقت يكون مزنوق تراعيه وتتفهمه الوضوح مافي ازين منه يريح الطرفين بعكس الغموض والكذب
وزوجك قالها لك بصريح العباره هو يسوي كل هذي الدراما عشان يكسر خاطرك وماتطلبين فوق طاقته ويعيش مكيف ومرتاح باله يعني قضيتو حياتكم في خوف مبالغ فيه على الفاضي
وللاسف انتي انجريتي وراه في حالة الخوف والحاجه والفقر اللي صورها لك من سنوات وحرمتي نفسك واهم شي الحمدلله تداركتي الوضع وعرفتي اللي لك واللي عليك وصرتي تاخذين حقك
اذا هو نوعيته يقدم الخوف والاوهام على الواقع واللحظه انتي مو مجبوره تسايرينه وتصيرين مثله
ولا تهتمين برد فعله لعله يحس فيك وبمشاعرك ونفسيتك ويفكها معك شوي ويرتاح ويريحك معه

غلطك انك واجهتيه .. ونصحتيه .


سوي زيه .. اول ما يتشكى ادعي له ( الله يرزقك ويبارك لك في رزقك / الله يخليك لنا وما تخلينا محتاجين احد / يعطيك العافية ما تقصر )
ونوعي وشكلي من هالادعية والمدح
وخذي حقك وحق عيالك كامل مكمل ولا تراعينه خاصة في الضروريات.


وانتبهي تواجهيه :
لا تقولي عندك وماعندك وفين الفلوس تروح
واحنا اصلا ما نطلب
وانا ساكتة
والناس تنقد علينا ( هالكلام مايفيد )


شغلك : انك تدعي وتمدحي علطول
وبعدها اطلبي اللي تحتاجينه بالمعروف.. بدون اسراف طبعاً.. وخذي حقك بالمسايسة ( انت كريم واحنا نستاهل ووالله يخليك لنا وما شابه ) .

خلاص دامك عارفه دواه ماعليك منه اول مايدفع اكيد بيتنرفز ويعصب لان مو متعود بس بعدين بيسلك
ومن الان نصيحه لاتسالينه عن وضعه ولاتعطينه وجه لاتحلطم اكتفي بقول الله يرزقك
ليتك ماعلمتيه انك ماقمتي تصدقينه هو عشانه صار مكشوف عصب ويمكن لو شاف التعصيب ينفرك من الطلب ياخذه سلاح كل شوي زعلان وكل شوي متنرفز
عشان كيذا ابد لاتراضينه ولاتبيني له انك متضايقه عادي اهم شي يدفع بسلامته دخلي كلامه مع اذن وطلعيه من الاذن الثانيه