تكلمه قصتي =)

السلام عليكم ورحمه الله وبركاته

بدايه قصتي هنا

http://forum.hawaaworld.com/showthread.php?t=2162459

بس قبل ابي اقول اللي تهزوا فيني لا يردون بليييييز
كلها استهزاء ليه طيب ماني عاجبتهم لاتدرون
وتشكون بصدقي لاتردوووووون
اضحكوا وتهزوا زي ماتبون يجي يوم وتبتلون
في انفسكم وبناتكم ياحبي للي ردوا بذوق
المهم
انا ماادري ليه موضوعي تقفل بس انا بكمل هنا



انا ماحطيتها مره وحده لاني اختبرررررر
ولا نسيتوا انها فتره اختبارات
هذاني جيت من المدرسه وبمكل لكم
وش فيكم علي قصتي حقيقه
ولا اكذب و لاهي روايه
يعني ماتصدقون الا بالحلف
قسم بالله العظيم اني مااكذب

اوكي كذا !؟

وترا قصص كذا تتشابه
بس الشرهه مو عليكم
علي انا اللي مالي احد جيت
ادور من يسمعني

بكمل للي فهموني




فاتحت علي كثير اساله عن شذى
وش اللي فيها احسن مني
ابي اعرف قال تدرين هي تبي تشوفك
انا قلت انا ابي اشوفها
ضحك وقال لا اخاف تتهاوشون
قلت اجل لا تجيبها

نروح لصديقتي
مره صديقتي قالتلي انتي متغريه
وانا انكر واقول مافيني شئ يابنت الناس
ومرررره مصصمه اني فيني شئ
تقول انا احس وش فيك قولي
عييت اقولها اخاف تتغير علي

المهم مره طلعنا انا وياها من المدرسه بنفس الوقت
وطبعا علي اللي يمرني
العصر اتصلت فيني وقالت مين اللي اخذك اول مره اشوفه
انا قلت ولد خالي قالت اهااا اوك


مع الايام كان ودي اقولها
صديقتي احبها وماعمرنا خبينا
شئ على بعض
وهي شافت علي اكثر من مره
وتحسبه ولد خالي !

يوم قررت اقولها
وبالفعل قلت انصدمت البنت
تنحت !!
قالت انتي !
قلت ايه بس لاتقولين لاحد وشرحتلها
كل شئ وصارت الوحيده اللي افضفض
بس هي بدت تتغير وماتحب تكلمني عالجوال كثير
ولا تعزمني ولا تجيني كثير زي اول
ليه تخاف علي يزعل ولا يتضايق

:44:

ومرت الايام وعادي كل شئ
تمنيت اني ماقلتها بس خلاص قلت






ياناس والله لا شكل لا جسم لا اخلاق
عجزززت اتحملها ابي ارجع الرياض
وهي ماغير تقولي بسينه بسينه ودك تصفقينها
وعلي ساااكت يقول انتم طلبتوا تشوفون بعض

رجعت للرياض والايام تمشي وفراق علي خلاص
بدا يقرب لا مستحيل

صرت بس افكر بهالموضوع

مره والله اني بكيت عنده يخليني على ذمته
ويتزوج شذى وغير شذى
انا اللي ماعمري نزلت نفسي لاحد
سكت وماعطاني رد
قلتله فكر زي ماتبي بس تكفى سو اي شئ يريحني
انا راضيه تتزوج شذى وماتجيني الا مره بالاسبوع
او بالشهر بس خلني اشوفك

وانا في نفسي افكر وش لاقي في شذى
انا ابي امحي شذى من الوجود اذبحهآ !!
ياربي مااحبها ماااحبها
اكررررررررررررررررررهها

صرت اشكي لصديقتي وهي تواسيني
مرت الايام وعلي قال :

انا بعلن زواجي عليك يعني
بنسوي قدام الناس انك انخطبتي
واني بتزوجك وكذا نسوي حفله
وكاني توي اتزوج بس بعد
كم شهر بتزوج شذى انا واعدها و واعد اهلها

انا قلت لا والله والناس وش بيقولون عني !

قال كيييييفك


مرت الايام وعلي يقسي علي اكثر
وساعات يحن لان موعد الفراق قاعد يقرب

وانا للحين افكر واساله وش عرفك على شذى
من وين طلعتلي

قال انا يوم رحت لبنان تعرفت عليها
قلت سبحان الله كذا فجاه شفتوا بعض بالشارع وخقيتوا على بعض
وقلتوا يلا نتزوج

قال انا اماادري خلاص حبينا بعض بصدق
وهذا احنا راح نتزوج
وش فيك انتي


انقهررررت بكيييييييت :icon33::icon33:

قلت لصديقتي قالت تتوقعين سحر > طبعا اللي ماادري وش يبون من الحياه
بيتهزون هنا كثير

قلت ماادري

قلت لخالتي (اخت امي مو امه ) اللي قالته صديقتي
قالت جيبي له شيخ
قلت لا عشان يصفقني


قلت طيب بفكر رجعت للبيت
جلست في غرفتي (غرفتي لحالي)

علي دخل فجاه خير هو دايم يطق الباب
قال بسسسسسسرعه قومي
قلت وشو قال امي جايه بتنام عندنا الليله
(طبعا انا وعلي صرنا في بيت واحد ابعدنا عن امه
لا تشك بشئ )
قلتله وش تبيني اسوي
قال خلاص انتي قومي روحي غرفتي وشيلي اهم اغراضك
قلت لا والله
قال ايش لا والله ! صادقه انتي اقولك امي بتجي لاتستهلبين علي
بتنجلط لو تدري عن حالنا قومي تكفين


قمت وسكر غرفتي وقفلها

وقال للخدم يجهزون غرفة الضيوف لامه
وانا احط اغراضي بغرفته

جت امه وسكت ومااااحست بشئ
وانا عيشتي صارت مع علي
والله ان العيشه كذا احلى
كل ماقربت منه احس اني فرحااانه اكثر
ولقربي مني قلتله انت متغير
وكذا حاولت وقلت حتى لو مافيك شئ

المهم اقنعته ورااااااح اخيرا
وحتى انا اذا نام اقرا عليه سوره البقره
وادعي ان ربي يبعد عنه شذى
ان كان سحر ياربي انك تفكه
وان ماكان سحر ياربي انك تبعدها
عن طريق زوجي وماتتم زواجهم
وتحنن قلب زوجي علي
ويارب انه يبقى معاي ومايفارقني
فتره والله انه تعدل وبدا يبعد عن شذى
وماصار مره متعلق فيها زي قبل
وبدت تصير اشياء غريبه
بينه وبين شذى وانا مره متبهذله
انا مرت فتره مدري وش يصير وعلي يقولي لاتتدخلين
حتى وداني بيت اهلي اسبوع
ورجعني متغيييييييير
الامور تلخبطت على بعض

ومره جاء وقالي

خلاص انا بعلن زواجي عليك بس مو الحين اذا خلصتي ثالث شرايك
قلتله على طول ايه

والحين احنا متزوجين بالسر
وخلصنا صرنا متزوجين صدق مو مثل قبل :35:
تغير عن اول وصار احسن
وبعد ثالث بنتزوج صدق



يمكن بعضكم مايحس باللي حسيت فيه
بس حياتي الفايته بجد معاناة واكثر من معاناة
ياااااااااااارب يوفقكم وسعدكم ويحقق لكم اللي تتمنوه
ويااااااااااارب تحقق كل امنيات بنات عالم حواء


امين