تكلموا عن الخطبه و الملكه و الدخله ..

السعودية كبيرة ومناطقها مختلفة ولكل منطقة عادات وتقاليد في الخطبة والزواج خاصة فيها

المعرس من اي منطقه...
اذا نجد...
بشوفه لاتكلف نفسها لبس مرتب .
الملكه فستان ناعم ويبرق .
العرس فستان ابيض بطرحه تقدر تهديله هديه بسيطه.
والستر زين بكل هذي المراحل لين عاد تدخل بيتهاا .
المهر على حسب بنت او ثيب.

...


شكر الله لكن


:

....

مافي منطقه تشبه الثانيه ولا بيت يشبه الثاني في ترتيبات الخطوبه والملكه والزواج

مثلاً المتعارف عليه عندنا واللي شفته من اقاربي واختي اذا تم تحديد يوم عشان العريس يشوف البنت اول شي يستقبله ولي امر البنت ويقهويه ويسولف معه شوي

بعدين يروح ولي الامر ينادي البنت تدخل مع ابوها او اخوها وتقدم له عصير وتجلس جنب ابوها او اخوها بمكان واضح يقدر يشوفها الخاطب ويسلم عليها وان قدرت ترد عليه السلام او تاخذ وتعطي معاه يكون افضل بعد 5 دقايق ولي الامر يعطي البنت اشاره او أمر تشيل الصحن او اي شي المهم انها تطلع من المكان كلن وطريقته كيف يطلع البنت .

واللبس يكون بسيط جداً بدون تكلف ومبالغه ، والشعر ستريت ومفتوح وبدون نقطة مكياج بإستثناء اذا حبت تعطي نفسها شوي ثقه تحط كحل رسم خط بسيط مايغير شكل العين ومسكارا وروج بلون طبيعي . . والافضل بدون مكياج .

وبعد مايشوفها يعطي كلمته اما موافق او مافي نصيب .

ثم يتفقون على موعد الملكه ثم يجي الشيخ او المملك او اللي يعقد القران ويجلس بمجلس الرجال مع اهل العريس واهل البنت الرجال والشهود ويتم موضوع الملكه والشيخ ينادي البنت عند الباب ويسألها اذا موافقه وبس يخلصون ويتقهوون وبعضهم يسوي عشاء بسيط للناس اللي حضرو ويتعشون

واهل العريس يكونون جايبين المهر وهديه في صندوق ...

والعريس غالباً بعد الملكه راح يطلب يشوف البنت ويجلس معاها او يطلب من ابوها انه يتواصل معاها ويكلمها جوال وياخذ رقمها .
و بعض الناس يعني اهل العروس يسوون حفلة شبكه بقاعة افراح بعد الملكه بأيام يعزمون الاقارب والاهل من طرف العريس والعروس وبهذي الليله العريس يدخل ويشوف العروس ويتصور معاها ثم ياخذ العروس نهاية الحفله ويطلع معاها يتعرف عليها ومن هذي الليله يبدأ التواصل والتعارف يعني ممكن مايكلمها ولا يجلس معها بعد الملكه مباشره ينتظر الى يوم حفلة الشبكه

وبس حفلة الزواج معروفه مثل كل البلدان اهل العريس والعروس يتفقون بينهم على كل شي .