تكلم وقال ابي اتزوج بنتكم ومن بعدها سحب ولكأن شيئاَ صار !!

السلام عليكم ورحمة الله وبركاته

انا يابنات حواء كثير ارتاح لكم واليوم عندي سالفة بستشيركم فيها

مره ابوي جا لي وقال لي ان واحد يبي يتزوج وشرايك ؟ طبعا انا استحيت والموضوع موب وقته ابد لان كنت ابي شغلة من ابوي
المهم اتوقع هذا اللي بيتزوج ماخطبني بالاسم اتوقع انه عارف ان ابوي عنده بنات في عمر الزواج
المهم امي قالت لاختي المتزوجة ان واحد متقدم للزواج اسمه فلان الفلاني واننا بنسأل عنه اذا هو يستاهل
طبعا امي علمت اختي واساسا للحين الموضوع مو رسمي
ومن بعد هالسالفة اهلي مافتحوا الموضوع معي والحين السالفة لها حول شهر وزيادة
طبعا انا مو هامني الموضوع مره لان اساسا مافيه شي رسمي واكيد كل شي خيرة من رب العالمين
بس تعرفون البنات يفز قلبها من اي مووضوع خطبة
وانا عارفة ان اهلي ماراح يرفضون الا لسبب قوي واتوقع الرفض مو منهم لانهم متحمسين لي اتزوج

بس يعني وشرايكم في اللي يتكلم بأمر الزواج وبعدين يسحب
والله قلة ادب وعيب والبنت ياحياتي تتعلق فيه

المشكلة السالفة ماجات من اهل الولد اللي يجون بنات الناس وتطلع ماتعطيهم خبر اللي تصير لملايين البنات
المشكلة من الولد اهو اساسا اللي متكلم
يعني اذا انت مو قد الزواج ليه تتكلم ؟

وشرايكم ؟
ولا هالسالفة اللي صارت تصير لكثير من البنات يعلقونها بواحد من العيال وآخر شي الولد يتزوج وحدة ثانية ويبدون يتعذرون باسباب وهمية
والبنت ياحياتي لها شهور متعلقة فيه


الله يرزقني وجميع بنات المسلمين الازواج الصالحين