تكملة....سلامي واحترامي لكل من سأل عني ...قصتي بالداخل

اول شي انا اسفه جدا والله اني مشغوله وصدقا ما هي بحركات وبس و احترم كل اجوبتكم وما
زعلت من اي اخت
لي واشكركم جميعا على اهتمامكم لقصتي وخصوصا كل اللي عذروني وقدروا وضعي اشكركم
من كل قلبي ..وارجوكم اعذروني يا حبيباتي كلكم لو أتأخر عليكم .. وتحياتي لكل وحده فيكم...وحدة وحدة
تتبعة للصفخة الاولى..............................


اخر باب من ممر المستشفى وقفوه وقالوا له: ممنوع الدخوووول!!كنت اشوفه وحسيت بعيونه كانت
تدمع لان هو بعد خايف من التغير اللي حدث فجأة وبدون سابق انذار وانا ميته موت ووقف مكانه وانا
سحبوني وقال لي: (لا اله الا الله .....اذكري الله) دخلت وبديت ابكي وابكي وما قدرت امسك نفسي
سمعت دعاء زوجي..والطاقم داخل يقولون لي: ليه الدموع وليه البكاء وهو انت اول مره بعمليه؟؟
قلت نعم.لكن دموعي هذه من خوفي على طفلي ماهي على نفسي يا دكاتره وطبعا باشروا بالتجهيزات
وبكل ما يخص العمليه ومر الوقت وكنت صاحية طبعا لكن ما اشوف أي شي بس اشوف دكتور البنج
والسيستارات وكنت احس مجرد احساس فيهم الى ان جات اللحظة المنتظره وهي ......
صرخة الطفل ادركت ان هو حي ويوم سمعت صرخته بكيت من جديد وحمدت ربي وقلت حبيبي ماما
الحمد لله هو انت حي ؟؟؟ انتظرتهم عشان يحطوه شويه على صدري مثل ما يسوون عادة لكنهم ما
عطوني ولا حطوه بس جابته السستر ملفوف بالفوطه من اجل ما يبرد وخلتني اشوفه وهو بين ايديها
وقالت:الحمد لله عالسلامه البيبي بخير وهو..............ولد .........بس يحتاج الحاضنه بأسرع وقت
وبعدين بتشوفيه , قلت:الحمد لله يعني يا دكتوره هو بخير وما في أي مشكله قالت :لا لا كل شي تمام
وطبعا انا صدقتها وارتحت شويه وحمدت ربي وقلت لهم خبروا زوجي وطمنوه لان باله مشغول وخايف
علينا نحن الاثنين(وما خبروه)
وجاء زوجي وانا فرحانه كثير!!!!وفرحتي ما تنوصف بس ما زلت على شعوري واحساسي بالخوف يعني
ماني مصدقه عمري وما ادري ليش!!!! المهم قلت لزوجي:: ولدت عرفت؟؟
قال: ايه .وكان فرحان لانه هو مثلي بعد ما نعرف شو ممخبي(خاش) لنا القدر
.قلت له: عرفت انه ولد؟؟
قال: ايه
قلت شفته؟
قال: لا
قلت ليه؟؟
قال:لانهم كانوا ماخذينه بسرعة وما لحقت اشوفه وقلت خلني اشوف دكتور الاطفال المشرف
عالحاله واسأله وبعدين بسير له واشوفه بالحاضنه...وطبعا سلم علي وقال الحمد لله عالسلامة
ومبروك ما جبتي وهالكلام ...ومشى الوقت والساعات وانا دايخه من البنج وراح زوجي عند النونو ورجع
عالغرفة وطمني(وانا كنت بعدني ما شفت الصغير ولا لمسته) وطبعا بديت بالاسئله اللي كانت شاغلة
بالي وبلحظه حسيت ان بعيونه في كلام وقلت: ها شو السالفة في شي ؟؟؟؟؟
قال::لا بس قالوا الطفل بيتم عندهم لغاية ما يستعيد وزنه اللي فقده خلال الفترة الاخيرة من الحمل
قلت : بسسس؟ليه هم عندهم شك؟في شي غير انه صغير ؟يعني مخاوفي في محلها؟؟
الله يكذبهم الله يكذبهم (مع اني ماني عارفه شو فيه بالظبط) يعني هو فيه شي ناقص عن بقية الاطفال؟؟؟
قال:ابدا الحمد لله مثل بقية الاطفال وهم بس يريدون يتأكدون من نظرتهم وتحليلهم المبدئي!!!!
وطبعا انا كأي ام خايفه لازم اسأل وأسأل قلت: ارجوك ودني عنده خلني اشوفه نادي على السيستر خلها
تفك عني الاشياء الموصلة فيني هذه ..عارض وقال هم قالوا ممنوع تتحركين اليوم
عشان العمليه ...سكت وجلست افكر من جديد ...وتميت على الحالة هذه...وهو يقولي
ليه ما تصبرين ..اصبري..اصبري... لغاية بكره بس ..انا سكت وكنت
حاسه اني بتعرض لموقف وبيكون اصعب موقف بحياتي ما اعرف كيف بتمالك اعصابي وصدمتي
وقعدت افكر وافكر بالموقف وش بيكون فيه الطفل ؟؟وأسأل نفسي وش اتوقع يكون فيه وما كنت القى جواب
قلت :خيرا ان شاء الله.. بصبر.... ويا طول صبري... وكيف اصبر ... وش هالبشارة هذه وش بتكون ؟؟؟!!!
ها.... نكمل ؟؟ تمللتوا مني؟؟؟ رغم اني اختصرت من الاحداث كثير لكن بحاول اختصرلكم اكثر واكثر..اعذروني
لو تأخرت عليكم من جديد والله من كثرة الضغط اللي علي....