مساء الخير ...
بخش في الموضوع...
انا كتبت موقف من مواقف اختي اللي صارت لها
اول ايام زواجها ..ومافصلت السالفه ..ولما شفت التفاعل
والاستفسارات قلت بكتبها كامله ...بسم الله...
اولا هذه القصه مو من وحي الخيال اقسم بالله انها قصء اختي
ومافيها اي مبالغه اوافتراء...
هذا ياطويلات العمر ..بعد السالفه اللي صارت لما وداها عند عشيقته
وجاب عشيقته عندهم بالبيت ...وزعلت اختي وجات عند اهلي
واستخارت بالعوده له او الانفصال...وترك لها والدي حريتها في ذلك
وقال ماابغى اجبرك على اي شي هذي حياتك فكري واللي تبغينه
يسير سواء طلاق او رجعه ...ويابنتي البيت اللي حملك وانتي صغيره
مايعجز يحملك وانتي كبيره ...
قالت اختي يابوي الولد عاش وسط اسره مفككه واب شديد وعاش مطرود
ومااحد علمه وش الصح من الغلط ...وانا احس اني سرت مسؤله عنه
ومااقدر اخليه يضيع اكثر ولو خليته بيسير اردئ من اول ....
تقول كان يكلمها يبكي ويقول انا كنت وحيد وضايع ومافيه احد يسأل
عني شبعان ولا جوعان بردان ولاحران عطشان ولاراوي...امي رمتني
بعد الطلاق ونستني وابوي انسان ثري جدا ورماني وماكنت الاقي كسرة
خبز اسد فيها جوعي...وفصلت من المدرسه ومااحد سأل عني
ابوي متزوج اربع حريم وكل وحده همها اولادها وفيه وحده من حريم ابوي
حاقده علي انا واخواتي وهي السبب في طلاق امي لان امي كانت احب
وحده لابوي وهذا سبب حقدها علينا ...
المهم وقال لاختي انتي الشي الوحيد
الصح والنضيف في حياتي ...خليك جنبي لو خلتيني
معناتها انهيتي انسان
كان ممكن ينصلح على يدك ....ومن هاالكلام ...
اللي يلين الحجر ويخليه يشفق
عليه ...وراحت اختي وقالت لاهلي هذا قراري
انا برجع وانا راح اتحمل النتائج!!
وكلنا شايلين همها كيف بتعيش مع انسان غريب الاطوار
وكيف بتتحمل وبالذات اختي
هذي ماتحب الغلط وواضحه لابعد الحدود وبريئه جدا...وتقول لما رجعت
مازال يخون ..وانا ابكي ليل ونهار ..واقول بكره يمكن احسن
اسمعه يكلم ولما يخرج احس فيه ندم بس مايقدر يعدل
من نفسه ..هذا متربي بدون توجيه..يروح ولما يرجع يلاقيني
مستقبلته بدون اي نقاش بأحسن الملابس والمكياج
عشان الفت نظره اكثر وخصوصا ان اللي يعرفهم ناس وسخين
في مظهرهم ولبسهم والريحه عاد حدث ولاحرج ..لاني شفتها
لما زارتني...فلما يرجع ويشوف النظافه والدلع واللبس واللبراءه
يحس براحه عجيبه ويحس بالفرق بين الحلال والحرام وهذا كان هدف اختي
وهذ الكلام هوه اللي كان يقوله وكان يقول اخاف عليك
من برا انتي بريئه وبدأيخاف عليها ومايبغى اي حرمه وسخه تشوفها او تكلمها
وهذي الخطوه الاولى حس ان عنده جوهره يخاف عليها
وان اللي كان معاهم غييييير وهيه غييير وهذي قفزه للامام
وكان يدخل عليها وهي تصلي
وينبسط يحس انه مع انسانه تقيه وبتحافظ عليه وعلى بيته ..
ودائما تنصحه وتوجهه ..تقول والله لما
ااتكلم معاه يخاف واقوله انتبه من العاقبه بكره بترجع لاهل بيتك
وانت اكيد عندك غيره ...وكانت ماتخليه ابد وماتروح لاهلي كثير
عشان مايطلع لانه مستحيل بيتعدل في يوم وليله..وتحرم نفسها
من اي مشاوير مابيروح معاها فيها...وصار يحب ابوي مره ويقول
شفت فيه اللي ماشفته في ابوي وحتى لما غلطت حسيت
انه ماجرحني واحتواني ..وامك احس انها احسن من اهلي كلهم
اذا جيت عندكم تكرمني بالرغم من اني غلط على بنتها
والله صار يحب امي ولايرفض لها طلب ويحترم اهلي
ومايبغى يسوي الغلط عشان مايخسرهم ..يقول انا
مبسوط حسيت فيه لي اهل يسألون عني ويخافون علي
ولما تسوي امي اكله يحبها تتصل فيه يجي ..كانت ترحمه تقول
ماعنده اهل يسألون فيه ..مسكين عاش وحيد ...
وعشان كذا صار يعمل لها ولاهلي الف حساب
وتعدل تسعين في الميه بعد ثلاث سنوات
صار مايستغنى عن اختي ولا عن اهلي ...
وحملت اختي وجابت بنت وكان ممبسوط وتعدل اكثر
لما جات البنت الاولى وسماها اسم يدل على
قدوم الخير في حياته والسعد...
وحملت مره ثانيه بعد سنتين وجابت بنت وبرضوه كان مبسوط
وهنا اهله اللي طول عمرهم بعيدين تدخلوا
اللي هم حريم ابوه وخاصه اللي كانت حاقده عليه وعلى اختي
تزين الشر وتقول مايسير لازم تجيب ولد يساند ولدنا
وتزن على ابو زوج اختي...
وحملت اختي للمره الثالثه وجابت بنت وبدأ الكيد
كيد الحرمه هذي وصارت بأستمرار تعزم زوج اختي
وهوه عاد انبسط ان اهله افتكروه
وصار فرحان ويزورهم يوميا..وهمه يعبون راسه
لازم تتزوج وتجيب ولد عشان يرضى ابوك عليك
وراح تسير الكل في الكل ...واخوات زوجها اللي من امه
كانو يحبون اختي مره ويخافون عليها ..وعلى مشاعرها
وكانو يقولون انتبهي ترى يزنون الليل والنهار عليه
عشان يتزوج عليك ويجيب ولد...
وصار زوج اختي يودي ويجيب في الفكره
واستشار واحد من زملائه في الفكره وايده تعرفون الرجال
على طول يحرشون على خراب البيوت
وصديقه هذا فقير ويعرف ابو زوج اختي انه رجل ثري
مايدري ان زوج اختي مايطول ريال من خير ابوه
وعايش من شغل يده ومايعتمد على ابوه لان ابوهم
مستحيل يعطيهم من خيره واذا عطاهم شي يكتب
عليهم انه دين ولابد يرجع وتثبت بأوراق ويوقعون عليها
المهم وعرض بنته عليه ..وغصب عليه يزورهم
ولما زارهم طلعت البنت على انه بالخطأ
ولما شافها جن جنونه اعجبته مره..
وصار يفكر فيها ليل ونهار((علما ان البنت من جنسيه ثانيه))
ماادري يمكن همه عادي يطلعون عند الضيف الله اعلم
وراح قال لاهله كل هذا الكلام ونصحوه ياخذها واقنعوه
واختي كانت نفاس ..يعني بعيده عنه في هذي الفتره
وزانت في راسه بعد الزن وتزيين الزواج له والولد ..
وراح خطبها وتزوجها بعد اسبوع لانهم من غير جنسيتنا
عادي في يوم وليله يتممون كل شي
ووداها لاهله على طول وعلى طول خذتها زوجة ابوه
اللي تكرهه تبغى تهدم بيته مع اختي لانها تعرف انه
يحبهاويحب اهلها وتبغى تهدم كل هذا
((علما ان زوجة ابوه من جنسيه غير جنسيتنا))
ولما جاب البنت عندهم والله اللي بقوله انه زي المسلسلات
اخذتها وسبحتها ونظفتها ولبستها احسن الملابس
وودتها لصالون وزينتها لين صارت تهبل
وطلعتها لزوج اختي وبغى ينجن بنت صغيره
وبهذا الجمال طار عقله...وخلو البنت عندهم وقالو
كل مابغيتها تعال ولكم الجناح اللي فوق
وعاد هوه مبسوط اهله يسوون معاه كذا ...
وبعدها جاء لاختي وقال ابغى اصارحك
وماابغاك تزعلين ...وهيه تقول كنت حاسه
من روحاته لاهله انه بيسويها
وقال انا ابغى ولد وانتي قلبك كبير
وانا لازم يجيني ولد يحمل اسمي
وجرحها وقعدت تبكي وقالت وين تضحيتي
ووين حبك لي ووعودك لي بالتعويض
قال حبك مازال ومستحيل افرط فيك
وهيه هنا مرضت ولما قلنا خليه وروحي
لاهلي قالت ماخليته لما سوا الحرام وانا ماعندي
اطفال اخليه لما صار عندي اطفال وسوى شي حلال
خلوه مصيره يرجع ويعرف قيمتي والفرق بيني
وبين اللي اخذها...مستواي التعليمي واصلي وفصلي
وادبي وجمالي ونظافتي وكشختي كل هذا بيرجعه
بس خلووووه ....ما اقولكم عادي عندها تعبت مره
نفسيتها ونحفت وبس تبكي ...بس كل شي في بيتها ماتغير
اهتمامها بنفسها وبيتها زي ماهوه ماتغير وكان لما يروح
عند الثانيه مايشوف نفس اللي يشوفه عند اختي
وهوه يقول واخواته انها بس تزن على راسه وماتهتم بنفسها
وتعانده وتلبس عبايه ماهو راضي عنها وتطلع ماتستأذن
واشياء كثيره ...واهله ماتحملوها وطردوها
واخذها ووداها عند امه وماتحملتها امه وتقول كل يوم تعا ل خذها
بطردها ترى ...وتعب وطلقها زي السلام عليكم ..
وبعد فتره جاهم تلفون انها حامل وبغى ينجن وتورط
وما قال لاختي لحد ماولدت وجابت ولد ..ولما ولدت قال لاختي واختي
عاد تعودت على المصايب...وانقهرت وقالت انت بتعيد اللي سواه
ابوك وش ذنب الولد يعيش وابوه وامه منفصلين حرام عليك
وصار يجيه اتصالات من ام الولد تقول تعال خذ ولدك ولا برميه
وكان خايف مره تسويها ومايدري وش يسوي..وتكلمه تقول ماابغاه
والله لو ماتجي تاخذه اني اسوي واسوي وقال لاختي اخر مصيبه
اجيب الولد وتربينه ...وخافت اختي من الذنب واستخارت وفكرت
وكلمتها هذي البنت وقالت خذوه ماابغاه خلوه يتربى مع اخواته
والله العظيم انهم يقولون اللي يعرفونها انها كانت تضربه ضرب يهود
وراح زوج اختي وجابه ...وجاء الولد يحزن وصرنا كلنا نبكي
وهوه متعلق في اختي ومايبغى يفكها والله العظيم من اول يوم
مايبغى الا هيه واذا احد اخذه منها بكي..والله على مااقول شهيد
وله الحين سنتين معاهاوامه والله مارفعت السماعه تسأل عنه
مع انها تعرف ارقام الجوالات كلها..وعاش مع اختي واخواته
كان اختي امه يحبها مره ...واول مايشوفها يقرب اغراضها منها
ومايبغى احد يكلمها يغار عليها...وهيه بعد اذا احد قال عنه اي شي تزعل
وتحبه زي بناتها...
واخذته اختي الكبيره مو صاحبة القصه لا اللي اكبر منها ورضعته عشان مايسير
بينه وبين اخواته فرق ونسير خالاته...وزوجها متندم على كل شي سواه
وتعهد لها انه مايعيدها لان الولد هذا عطاه درس ماينساه
وحزين انه شتته و قال توبه ...واهله رجعوا زي اول مايسألون فيه ولا في الولد اللي نصحوه يجيبه
من حرمه ثانيه وعرف زوج اختي كل شي بنفسه وجات الحقيقه لحده بدون ماتتعب اختي وتوضحها:26:
وهذي قصتها من طق طق لسلام عليك ((((والصبر مفتاح الفرج ))
وصارت اختي اسعد وحده فينا تسافر كل مكان يبغى يعوضها مره مصر ومره اندونيسياومره دبي ووعدها السفره الجايه
ماليزيا ومايرفض لها ولعيالها طلب ومايشوف غيرها ..ومن صبر ظفر..
وهذي القصه من طق طق لسلام عليكم ...
رحيل33 @rhyl33
عضوة فعالة
يلزم عليك تسجيل الدخول أولًا لكتابة تعليق.
لاحول ولا قوة الاباالله العلي العظيم
استغفرالله الذي لااله الاهوالحي القيوم واتوب اليه
استغفرالله الذي لااله الاهوالحي القيوم واتوب اليه
الحمدلله على كل حال مابعد لصبر الفرج
اللهم ارزقني حملا سليما معافى من كل عاهه وبلاء اللهم امين
اللهم ارزقني ولدا تقيا ذكيا ليس في خلقة زيادة اونقصان عاجلا غير اجل اللهم امين اللهم استجب الهم استجب اللهم استجب
وجميع المسلمين
وصل اللهم على محمد وال محمد
رب اني لما انزلت الي من خير فقير
اللهم ارزقني حملا سليما معافى من كل عاهه وبلاء اللهم امين
اللهم ارزقني ولدا تقيا ذكيا ليس في خلقة زيادة اونقصان عاجلا غير اجل اللهم امين اللهم استجب الهم استجب اللهم استجب
وجميع المسلمين
وصل اللهم على محمد وال محمد
رب اني لما انزلت الي من خير فقير
الصفحة الأخيرة
مافيه مثلها أحد بالدنيا
الله يكتب لها الأجر ان شاء الله