تكملة قصة زوجي تزوج اجنبية " زوجات المعددين ادخلو "

السلام عليكم .. كيفكم ياحبيباتي
طرحت قبل فتره قصة زواج زوجي من اجنبية عربية وسكنها معي
في المنزل وان حياتنا قبل زواجه كانت جدا سعيده ومافي بينا اي
خلافات وعندي منه طفلين وبعد زواجه ماتغيرت عليه ابدا بل
استمريت بنفس العطاء لاجل اسرتنا واطفالنا وانه كانت ترسل
رسايل اغراء دائما في الليل وتحاول تسحبه مننا .. المهم بكمل لكم
ايش صار معي وهل تصرفي صح .
اللي حصل ان وضعنا كان زين وحريص على العدل المهم قبل فتره
اوحنا جالسين نسولف قامت ترسل وترسل مادري وش تبي وحنا
فجأة قام ونزل بدون مايقول اي شي وطول وقمت ارسلت له انه
قلة ادب ترسل لك اخر الليل وتنزلك وش عندها وليش ماتحط
حد لهالرسايل وكنت مره معصبه وتلفظت عليها شوي انها وقحه
وماتربت وقليلة ادب واعرف ان غلطت لكن هي غلطانه بعد لانها
ماتحترم وقتي زي مااحترم وقتها وانا ام اطفال وعيالي يمرضون
ولاعمري ارسلت عشان مااضايقها وطبعا سمعتني وانا ماكان ودي
انها تسمعني لكن البركه في زوجي اللي جامعنا في بيت واحد ولا عزل
وطبعا على طوووول قالت له انها سمعت كلامي وانها متضايقه
وقامت تلوم زوجي يعني قامت تزيد الحطب على النار مع انها هي
اللي جابت الكلام لنفسها لو احترمت نفسها محد بيتكلم عليها .
طبعا زوجي عصب وطرطع انها سمعت ومره تضايق ولايبي عليها
شي وهجرنا شهر تقريبا مايجي عندنا ولاينام ولايجلس مانشوفه
نهائيا وسافر اسبوع ورجع ومستمر على هجره وانا ولا ولا حركت
ساااكن جاء بداية المشكلةبيفتح الموضوع معي عشان اعتذر
ورجعت ووضحت بكل ادب وهدوء الغلط بدأ منها واني كنت
معصبه وهي اللي تستفز ولااعترفت اني غلطت ولابينت اني ندمت
وانقهر مني وكمل السحبه وبيني وبينكم حسيت انه يبيها من الله
وقلت له انت تنتظر الشاره عشان تهجر وهالشي تبيه من زمان.
ووضعي الان عشت حياتي مع اطفالي ولا اسأل فيه نهائيا ولاارسل
وحسسته ان هجره اخر همي واحسه مقهور يبيني اترجاه يرجع
واتحبب له واتأسف وانا عزيزة نفس و تمنعني نفسي اعتذر عن
شي ماغلطت فيه ينط كل فتره يطالع في وجهي وانا اتعامل معه
عادي جدا ولا كأنه مافيه شي لالوم ولاعتب كأننا مادرينا عنه . فهل
تصرفي صح اني ساحبه عليه او ارسل له ماادري محتاره .