تكملة قصة زوجي تزوج اجنبية " زوجات المعددين تفضلوا "

السلام عليكم .. كيفكم ياحبيباتي

طرحت قبل فتره قصة زواج زوجي من اجنبية عربية وسكنها معي
في المنزل وان حياتنا قبل زواجه كانت جدا سعيده ومافي بينا اي
خلافات وعندي منه طفلين وبعد زواجه ماتغيرت عليه ابدا
استمريت بنفس العطاء لاجل اسرتنا واطفالنا وانها كانت ترسل رسايل اغراء دائما في الليل وتحاول تسحبه مننا .. المهم بكمل لكم ايش صار معي وهل تصرفي صح .
اللي حصل ان وضعنا كان زين وحريص على العدل ، المهم قبل فتره واحنا جالسين نسولف قامت تراسله كالعاده مادري وش تبي وفجأة قام ونزل بدون مايقول اي شي ، وطول شوي وقمت ارسلت له انه قلة ادب ترسل لك اخر الليل وتنزلك ووش عندها كل ماجاء الليل قامت ترسل وليش ماتحط حد للرسايل وكنت مره معصبه وتلفظت عليها شوي انها وقحه وماتربت وقليلة ادب .
واعرف اني غلطت لكن هي غلطانه بعد لانها ماتحترم وقتي زي مااحترم وقتها وانا ام اطفال وعيالي يمرضون ولاعمري ارسلت عشان مااضايقهم.
وطبعا سمعتني وماكان ودي انها تسمعني لكن البركه فيه اللي جمعنا في بيت واحد ولا فصل بينا .. وطبعا هي على طوووول قالت له انها سمعت كلامي وانها متضايقه وزعلانه وقامت تلوم زوجي يعني قامت تزيد الحطب على النار ..
مع انها هي اللي جابت الكلام لنفسها لو احترمت نفسها محد بيتكلم عليها .
طبعا زوجي عصب وطرطع انها سمعت ومره تضايق ومايبي يضايقها اي شي .


وهجرني له شهر تقريبا مايجي عندنا ولاينام ولايجلس مانشوفه نهائيا وسافر اسبوع ورجع وسافرنا ورجعنا ومستمر على هجره لااحساس ولاضمير وعايش حياته مبسوووط
وانا سويت مثله ولا حركت ساااكن ولاهمني جاء بداية المشكلةبيفتح الموضوع معي ، وقام يتعذر لها انها ترسل عندها موضوع مهم واعذار سخيفه ، وييغاني اعتذر ورجعت ووضحت بكل ادب وهدوء ان الغلط بدأ منها
واني كنت معصبه وهي اللي تستفز دايما ولابينت اني ندمت وانقهر مني وكمل السحبه وبيني وبينكم حسيت انه يبيها من الله ومشتهي يسحب .. لان الرجال مافي شي يحول بينه وبين اللي يبي .
وقلت له انت تنتظر الشاره عشان تهجر … فليش اركض وراه بالطقاق اللي يطقه .. عساه مايرجع


ووضعي الان عشت حياتي مع اطفالي ولا اسأل فيه نهائيا ولاارسل
وحسسته ان هجره اخر همي ، واحسه مقهور يبيني اترجاه يرجع
واتأسف له واحسسه اني بموت عليه ، وانا عزيزة نفس مااقدر اعتذر عن شي ماغلطتفيه .
صار ينط كل يومين ثلاث يشوف وش وضعي وانا اتعامل معه عادي جدا ولا كأنه مافيه شي لالوم ولاعتب ولا وينك ولا شي كأننا مادرينا عنه هل تصرفي صح اني ساحبه عليه ورديت له السحبه بسحبه لان طبعي مااحب اركض ورى شخص تركني بمزاجه وقلبه حجر لايحس ولايهتم ولايسأل
0